Layamon's Brut (British Museum Ms. Cotton Otho C.XIII)

Lines 8701 through 8800

for nelle ich of þe habbe; none cunne ȝeftes. Line 8701 = Line 8702 for ȝef ich wilnede hahte; þanne wersede ich on crafte. Line 8703 Ac al þine wille wel þou salt habbe. Line 8704 for ich can on soch craft; þat þe sal wel likie. Line 8705 þat al solle þine cheres; iworþe alse þe eorles. Line 8706 þi speche þin dede; þin hors and so salt ride. Line 8707 = Line 8708 Wane Igerne þe sal isen; a mode þe bet hire sal ben. Line 8709 ȝeo liþ ine Tyntagel; faste bi-tuned. Line 8710 Nis no king so wel ibore; of none londe icore. Line 8711 þat mid strengþe of Tyntagel; þe ȝeates mihte ontune. Line 8712 bo[te] hii were bursted; mid honger and mid þorste. Line 8713 Ac þat his þat soþe; þat ich þe segge wolle. Line 8714 þorh alle þing þou salt beo; ase hit þe eorl were. Line 8715 and ich wolle beon euereideal; ase him his Britahel. Line 8716 þat his a cniht swiþe hard; he his þis [eorl]es stiward. Line 8717 Iordan þat his bour-cniht; soch sal Vlfin beo to-niht. Line 8718 === Line 8719 and fare þou salt to reade; woder þat ich þe leode. Line 8720 Sollen nou to-niht; alf an hundred. cnihtes. Line 8721 mid spere and mid scealde; beo a-boute þine teldes. Line 8722 þat neuere non cwic mon; ne come þar a-newest. Line 8723 and ȝef þar eni þare come; þat his heued him beo bi-nome. Line 8724 for þe cnihtes solleþ segge seale þine þeines. Line 8725 þat þou har hi-lete blod; and restest on bedde. Line 8726 Þes þinges weren forþriht. in þilke manere idiht. Line 8727 Forþ wende þe king; nas hit couþ noþing. Line 8728

Line 8728 and forþ wende mid him Vlfin and Merlyn. Line 8729 hii wende riht þane way; þat in-to Tyntagel lay. Line 8730 hii come to þan castel-ȝeate; and couþliche speke. Line 8731 Vndo þis ȝeat-essel þe eorl his icomen her. Line 8732 Gorloys þin louerd; and Britahel. his stiward. Line 8733 and Iordan his bourcniht; we habb[eþ] hii-riden al niht Line 8734 Þe ȝeateward hit cudde oueral; and cnihtes vrnen vppe wal. Line 8735 and speken wi(þ) Gorloys; and hine i-cnewe foliwis. Line 8736 Þeos cnihtes weren swiþe wate; and wefde vp þe castel-ȝate. Line 8737 and lete hine. in vare; þe lasse was hire [care] Line 8738 hii wende mid iwisse; to habbe mochel blisse. Line 8739 Þo haden hii mid gynne; Merlyn þar wiþ-ine. Line 8740 and Vther þane king; wiþ-hinne hire weldyng. Line 8741 and ladde þare mid him; his leoue freond Merlyn. Line 8742 Þes tidinge com bliue into þan wifue. Line 8743 þat hire louerd was icome; and mid him his þreo gomes Line 8744 Vt com Igerne forn to þan eorl. Line 8745 and þes word seide; mid wonsome speche. Line 8746 Wolcome louerd; manne me leouest. Line 8747 and wolcome Iordan; and Brita[hel] al-son. Line 8748 Be ȝeo mid isunde; idealed fram þan kinge. Line 8749 Þo cwaþ Vther foliwis; ase hit were Gorloys. Line 8750 Mochel his þat mancun; þat his mid Vther þe king. Line 8751 and ich ham al bi nihte; bi-stole fram þan fihte. Line 8752 for after þe ich was of-langet; womman þou hart me leouest. Line 8753 Bou into boure and let min bed makie. Line 8754 and ich me wole reaste to þisse niht his forste. Line 8755 and al dai to-morewe; to gladie mine doȝeþe Line 8756 Igerne wende to boure and lette bed makie. Line 8757 was þat kineworþe bed al mid palle ouer-sprad. Line 8758 Þe king hit wel bi-hedde; and eod[e] to his bedde. Line 8759 and Igerne lay adun; bi Vther Pendragon. Line 8760 Euere wende Igerne foliwis þat hit were Gorloys. Line 8761 = Line 8762 Þe king hire wende to; so wepman sal to wifue do. Line 8763 = Line 8764 and streonede hire on; one selcouþe man. Line 8765 king alre kennest þat euere com to londe. Line 8766 and was on erþe. Arthour ihote. Line 8767

Line 8767 == Line 8768 Nas þar na more sohriht; bote þat hit was day-liht. Line 8769 a-non forþ-rihtes; onderȝeten Vth(e)r his cnihtes. Line 8770 þat þe (k)ing was awend vt of þ(a)n ferde. Line 8771 Þo saide þe cnihtes soþ þeh hit nere. Line 8772 þat þe king was afloȝe; for drede of þan eorle. Line 8773 = Line 8774 and heolde her-of mochel roun; vppe Vther Pendragon. Line 8775 Þo saide þe eorles; and þe hehste beornes. Line 8776 Nou wane hit wot Gorloys; ou hit ivaren his. Line 8777 þat oure king his afloȝe; and his ferde bi-lefued. Line 8778 he wole anon-rihtes; wepni his cnihtes. Line 8779 and vt he wole to fihte; and falle ous to grunde. Line 8780 = Line 8781 þanne were vs betere; þat we ibore nere Line 8782 Ac lete we blowe bumes and banni oure ferde. Line 8783 and Cador þe kene sal bere þis kinges marke. Line 8784 holden heȝe þane drake; bi-vore þeos ilke ferde. Line 8785 and wende to þan castle; mid al oure mihte. Line 8786 and þe eorl Aldolf. sal beon oure eldre. Line 8787 and we him solle herie; ase he þe king were. Line 8788 and so we sollen mid [r]ihte; wiþ Gorloys [f]ihte. Line 8789 and ȝef he wole speke vs wiþ; and ȝerne þis kinges griþ. Line 8790 = Line 8791 þanne mawe mid worsipe hinne wende. Line 8792 þat nabbeþ oure onderlinges; none vp-breidinges. Line 8793 þat we for eny ȝearsipe; hinene beoþ at-hourne. Line 8794 Al þat ilke folk lofuede þane ilke read. Line 8795 Bvmes hii bleowen; and bannede hire ferde. Line 8796 vp hii houe þane drake; eche marke onimake Line 8797 þar was many bold cniht; þat sceal[d] sweynde on soldre. Line 8798 and wende to þan castle; þar Gorloy[s] was wiþ-ine. Line 8799 === Line 8800