Layamon's Brut (British Museum Ms. Cotton Otho C.XIII)

Lines 7201 through 7300

mani heh mannes sone; for gold and for garesome. Line 7201 Þo hadde he to-gadere; sixti þusend manne. Line 7202 to ȝam saide þo þer; þe pore king Vortiger. Line 7203 Gode men redeþ me read; for nou ich habbe moche neod. Line 7204 war ich mihte in wilderne; werchen one castel. Line 7205 = Line 7206 þat ich mihte holde; wiþ Hengest þan stronge. Line 7207 forte þat ich mihte bet borewes a-winne. Line 7208 = Line 7209 vp ȝam þat habbeþ al mi lond; a-wreþt vt of mine hond. Line 7210 = Line 7211 Þo answerede a wis man þat couþe wel reade. Line 7212 Lust nou mi louerd king; and ich þe wolle cuþe god þing. Line 7213 vppe þan munte of Kaier; ich þe wolle reade. Line 7214 þat þou reare castel. Line 7215 = Line 7216

Line 7216 === Line 7217 Þo answerede þe king (L)et hit cuþe an hiȝeng. Line 7218 ouer al þan folke; þat ich wende wolle. Line 7219 to þan munte of Kayr; a-rere þar castel. Line 7220 Forþ ferde þe king; and þe ferde mid him. Line 7221 þo hii þider come; dich i dolue sone. Line 7222 ==== Line 7223 Þo he was hi-dolue; alse he beo solde. Line 7224 þo leide me wal; a þan dich oueral. Line 7225 = Line 7226 of machuns þar was wonder. fif and twenti hundred. Line 7227 A dai hii leide þane wal; a niht [he] feol oueral. Line 7228 a morewe hii hine arerde; a niht he gan to-rese. Line 7229 Folle souenihte; þos þis worck ham dihte. Line 7230 = Line 7231 Þo was sori þe king; and sorþfolle þorh alle þing. Line 7232 = Line 7233 for heuere he lokede; wane Hengest come liþe. Line 7234 Þe king was wel sori; and sende after wittie. Line 7235 = Line 7236 and bad heom lotes werpe; and fondie þat soþe. Line 7237 = Line 7238 war-on hit were ilong; þat þe wal þat was so strang. Line 7239 ne mihte nih[t]-longe; neuere one stonde. Line 7240 Þes worle-wise men; þar a two wende. Line 7241 somme wende to þan wode; som[m]e to weynleates. Line 7242 = Line 7243 folle þreo nihtes; hire craftes þar hii dihte. Line 7244 Ne mihten hii neuere finde; þorh none cunnes þinge. Line 7245 war-on hit were ilong; þat þe wal þat was so strong. Line 7246 euereche niht rees; and þe king his swinc les. Line 7247 Bote witti þar was on; he was ihote Ioram. Line 7248 he saide þat he hit funde; ac hit þoht lesinge. Line 7249 he saide þat ȝef man funde; in eni kinelonde. Line 7250

Line 7250 eny cnaue child; þat neuere fader nadde. Line 7251 and hopenede his breoste; and neme of his blode. Line 7252 and meinde wiþ þan lime; and in þan wal leide. Line 7253 þanne mihte he stonde; to þan worle longe. Line 7254 == Line 7255 Þe king sende his sonde; ouer al þan londe. Line 7256 so for so he dorste for deþes care; in eni wei fare. Line 7257 and in eche toune; hercnede roune. Line 7258 war hii mihten finden speken of soche childe. Line 7259 Þeos cnihtes forþ verde; in-to mani erþe. Line 7260 tweie verden anne way; þat west-rihtes him lay. Line 7261 þat lay [f]o[rþ]-rihtes in; þar nou his Kermerþin. Line 7262 Bisides þare borewe; in one way brode. Line 7263 adde alle borh-cnaues. hii-gadered heom to-gadere. Line 7264 Þeos cnihtes weren weri; and on heorte sori. Line 7265 and sete a-dun bi þeos cnaues; bi-heolde ou hii pleoyde. Line 7266 Bi one lutele stunde; hii bi-gonne to striuende. Line 7267 al-so hit was euere lawe a-mang [ch]ildrene plawe. Line 7268 þe on þan oþer smot; and he his dunt a-bod. Line 7269 þo was swiþe grim Dunabuz to Merlyn. Line 7270 and þus saide Dunabuz; þat þane dunt hadde Line 7271 Merlyn onwreste man; wi hauest þou þus idon. Line 7272 = Line 7273 Ich ham one kinges sone; and þou hart of noht icome. Line 7274 = Line 7275 for so was al þe vore; þi moder was an hore. Line 7276 for nuste ȝeo wat was þe man; þat þe streone[de] hire an. Line 7277 ne þou in mancunne; naddest fader na[nn]e. Line 7278 and þou in houre londe; dost vs so mochel sconde. Line 7279 = Line 7280 þou salt in þisse daie; þar-vore deaþ þolie. Line 7281 Þis ihorde þe cnihtes; þare hii weren bi-halues. Line 7282 hii a-rise and eoden ner; and ȝornliche luste. Line 7283 of þes vncouþe tale; þat hii ihorde of þes cnaue. Line 7284 Þo was in Kermerþin; a reue þat hehte Ely. Line 7285 þes cnihtes bliue; comen to þan reue. Line 7286 and to him þus sayde; sone mid muþe. Line 7287 We beoþ here-rihtes; Vortigerne his cnihtes. Line 7288

Line 7288 and habbeþ here ifunde one cnaue ȝonge. Line 7289 = Line 7290 Senden hine to þan kinge; alse þou wolt libbe. Line 7291 = Line 7292 and his moder mid him þat hine bar to manne. Line 7293 Ȝef þou þis nelt noht don; þe king þe wole a-hon. Line 7294 = Line 7295 and þeos borh al for-berne; and þat folk fleme. Line 7296 Þo answerede Ely; þe reaue of Kermerþin. Line 7297 Wel ich wot þat al þis lond; stond in Vortigernes hond. Line 7298 = Line 7299 þar-vore ich wole þis don; and dreȝen his wille. Line 7300