Layamon's Brut (British Museum Ms. Cotton Otho C.XIII)

Lines 5701 through 5800

and same hire hedde; and nom hire to his bedde. Line 5701 == Line 5702 And alle þe oþer men; chose of þis wifmen. Line 5703 = Line 5704 and somme hii adreinte; in þare see deope. Line 5705 and somme God for-soke; and to heþen-sipe toke. Line 5706 and þus hii were for-rad; mid reuþe þan meste. Line 5707 Melga and Wanis ihorde segge foliwis. Line 5708 þat þeos Brutaine was cnihtes bi-reifed. Line 5709 for Conan hadde manie; ilad to Armoriche. Line 5710 and Maximian to Rome manie wel idone. Line 5711 an so was al þis kinelond of folke swiþe onstrong Line 5712 Melga and Wanis; iwende into Scottes. Line 5713 þat lond i þorh-harnde; and sloȝe and barnde. Line 5714 = Line 5715 and so hii wende hider-ward; and pore lond makede. Line 5716 = Line 5717 Þis ihorde Bruttes; and were swiþe sori. Line 5718 heore sonde hii sende sone; forþ toward Rome. Line 5719 Hii grette Maximian; and tolde him of Melga. Line 5720 and of Wanes his ivere; wat hii duden here. Line 5721 and beden him ȝam reade; oþer elles iweren deade. Line 5722 Maximian was sori for soche tidinge. Line 5723 and anon dude vt of bende; Gracien þe hende. Line 5724 = Line 5725 Gracien bi-com mi man; and þou salt swiþe wel don. Line 5726 and ich þe wolle sende into Brutlonde. Line 5727

Line 5727 and here al þat kinelond; ich bi-take in þine hond. Line 5728 and þou salt beo mi stiward; ase was þe eorl Yþenard. Line 5729 and ȝef þou wolt wel don; ich wolle maki þe riche man. Line 5730 and drif of mine þeode; oncouþe leode. Line 5731 Þo answerede Gracien; mid godfolle worde. Line 5732 Al ich wolle werechen after þine wille. Line 5733 wende woder þat þou wolt; and holde þe for louerd. Line 5734 Þe oþes weren iswore; and hefte hii were for-lore. Line 5735 Maximian þe kaisere; gaderede moche here. Line 5736 and ten þusend cnihtes; tock Gracien forþrihtes. Line 5737 = Line 5738 and Gracien wende; into þisse londe. Line 5739 and here he ouer-com; Melga an Wanes son. Line 5740 = Line 5741 and drof heom ouer see-stronde; in-to Yrlonde. Line 5742 = Line 5743 and þe ka(i)s(e)r Maximian; in Rome was heh man. Line 5744 and he hadde Valentin faste; bi-clused in an castle. Line 5745 Þo hadde Valentin and Gracien; in Rome mochel cun. Line 5746 and i sehȝen þan anne broþer; idealed fram þan oþer. Line 5747 Hii sende hire sonde; into Poillonde. Line 5748 into Alemaine and Lombardie. and oþer mani londes. Line 5749 == Line 5750 and gaderede ferde; of manian erþe. Line 5751 and to one iset dai sone; come aboute Rome. Line 5752 and wreken vppe Maximian Valentin and Gracien. Line 5753 Her-of noht nuste; Maximian þe riche. Line 5754 == Line 5755 Þare come soue kinges; and breke Rome walles. Line 5756 = Line 5757 and þane borh nemen; and Maximian of-sloȝen. Line 5758 and dude vt Valentin; and alle his veres mid him. Line 5759 of þan stronge castle; and kaiser hine makede. Line 5760 and nemen hir[e] sonde; and sende to þisse londe. Line 5761 and sende Gracien word; hou hit was iworþe. Line 5762 and Gracien forþriht anon; ohnede þisne kinedom. Line 5763 = Line 5764 and Valentin þe riche hadde al Rome. Line 5765

Line 5765 Þus riht þorh sochne read; was Maximian dead. Line 5766 and Gracien was king her; þat was cuþ wel iwar. Line 5767 Wiþ-[ine] one ȝere; nas þar forst na-more. Line 5768 iwarþ þe king Gracien manne forcouþest Line 5769 al he for-ferde þis lond; and alle him hatede Line 5770 === Line 5771 Þo were in Est Engelond; twei boldde cheorles. Line 5772 bro(þer)es hii were; of one beor-time. Line 5773 þe on hehte Eþelbald; þe oþer Alfwald. Line 5774 Hii isehȝen in eche stude; hou þe king þis lond for-dude. Line 5775 Þeos ch((eor))les heom biþohte wat he don mihte. Line 5776 and speken wel stille; þa hii hine wolde a-cwelle. Line 5777 = Line 5778 Hii gaderede to-gaderes; soue hundred cheorles. Line 5779 and seide þorh alle þing; þat hii wolde seche þane king. Line 5780 and bidde him milce; þorþ þane God milde. Line 5781 þat he þorh his mihte heolde ham to rihte. Line 5782 Ac Alfwal[d] and his broþer; al hii þohte an-oþer. Line 5783 = Line 5784 ech bar on his honde ane staf stronge. Line 5785 and bi-side honge; cnifes swiþe longe. Line 5786 == Line 5787 and so iwende one mile; and reste one wile. Line 5788 = Line 5789 and euere ama[n]g oþer þing; hii axede ware were þe king. Line 5790 and hiredmen heom tahte; ware hii hine finde mihte. Line 5791 war he huntede in on wode; in an wilderne. Line 5792 huntede one wilde bor. þat he boht wel sor. Line 5793 Þe cheorles wende to þan wode; and warliche heom hudde. Line 5794 al bote tweie þat to þan king wende. Line 5795 and hii funde þane king; þar he was an hontyng. Line 5796 and hii him cleopede; mid swiþe loude stemne. Line 5797 Com hider louerd king; and we þe wolleþ teche. Line 5798 of one wilde bore; þat her his bi-side. Line 5799 vnder one borewe; þar he him resteþ. Line 5800