Layamon's Brut (British Museum Ms. Cotton Otho C.XIII)

Lines 3401 through 3500

===== Line 3401 Suþþe Caper his sone Hely; hit heold ȝeores four an twenti. Line 3402 oþer wile he heold griþ; oþer wile me faht him wiþ. Line 3403 He was a strong gome; and he streonede þreo sones Line 3404 Lud was ihote þe on; he was swiþe hoht man. Line 3405 þe midleste Cassibilanus; þe ȝeongeste Nemnius. Line 3406 After Hely king hadde þis lond Lud his sone swiþe long. Line 3407 þes was swiþe strong king. a(nd) o(nimete) kene. Line 3408 and he (was swiþe riche) for r(ea)des he louede. Line 3409 He verde ouer al his kinelond; and makede ech borh strong. Line 3410

Line 3410 castles makede Lud þe king (ac Londe)ne he louede þorh (alle þi)ng. Line 3411 Þe ȝet þat Lud king hadde þis lond; Londene hehte Trinauant. Line 3412 and of castles nas þar noþing; bo(t)e þe tur þat makede Belyn king. Line 3413 alse þes bock telleþ; bi-fore in his spelle. Line 3414 Lud king makede þane wal; aboute Londene oueral. Line 3415 þat euere suþþe haueþ i-(last); and so he wole longe Line 3416 He lette bulde þe halles swiþe wel mid alle. Line 3417 he hehte echne riche man; þat he his heahte dealde atwo Line 3418 and neme þat halfendele; and god woning him makede. Line 3419 and alle þe onstrong men; þane borh he dude wiþ-houte. Line 3420 = Line 3421 He leide adun þane name; and nemnede hine after him-seolue. Line 3422 and cleopede hine Kay[r] Lud; and oueral hit lette cuþi. Line 3423 Þat he dude al for þan; þat þar-after solde mani man. Line 3424 wan þe king were dead; speken of his workes. Line 3425 Suþþe þar com oncuþ folk; faren to þisse erþe. Line 3426 and nemnede (þe)os borh Londen; in hire (le)od-wise. Line 3427 Þar-after come S(ax)isse men (an)d Lu(n)dene h(it) cl(eopede) Line 3428 (þe) ilke name ilaste (lange) ine þisse londe. Line 3429 Þar-after c(o)me Normains; mid (hire n)iþ-craftes. Line 3430 and h(ehte) hit Lundres; folke ++ +++me. Line 3431 Þus his al þis lo(nd) ifare; þorh oncouþ fo(lke) Line 3432 þat þis lond habbeþ iw++ne; and eft idriuen h++ne. Line 3433 An eft bi-ȝete hit oþer oncouþe leode. Line 3434 and aleide þe olde names; of þis heȝe borewes. Line 3435 = Line 3436 so þat nis her borh non; in þissere Brutayne. Line 3437 þat hire names holdeþ; þat me erest sette. Line 3438 Þus gan þis lond wende; þat com þeos kinge ende. Line 3439 Lvd þe king iwarþ dead; in Londene me hine leide. Line 3440 þar weren eorles swiþe wate; and leide hine hat Ludes gate. Line 3441 þat me cleopeþ ȝiet iwis; Porþ-lud in Bruttis Line 3442 Suþþen come from Englisse men wel wate; and cleopede [hit] Loudesgate. Line 3443 and so hit haueþ longe; in þane name at-stonde. Line 3444 Þo weren þar two children; Ludes sones þes kinges Line 3445 þe eldre hehte Androgius þe ȝeongere Teunancius. Line 3446

Line 3446 Þes childrene were lutle; þo hire fader deȝeade. Line 3447 Þo com hire fader broþer; Cassi(bi)lane. Line 3448 and i-warþ him-seolf king; (an)d þeos childrene wel bi-wiste. Line 3449 = Line 3450 Þeos Cassibilane was god king; and wel bi-loued þorh alle þing. Line 3451 = Line 3452 (He se)tte fai(re) þeues; ine þis (londe) Line 3453 = Line 3454 Þeos ch(i)ldren wox (a)n hond; þat hii mihte ++(ld)e londe. Line 3455 þe king heom +++ (g)ode; tweie eorldomes Line 3456 (A)ndrogius him was leofere; +++fore Londene he him ȝef. Line 3457 +++ al Kent þar forþ mede; him for to cweme. Line 3458 and Teu(n)anciu[m] he hehte; to Corn(w)ale wende. Line 3459 and freoliche þeos twei broþers; holde þai eorldomes. Line 3460 bote þat hii solde þane king; for louerd icnowe. Line 3461 = Line 3462 Wile hii weren þus seahte; þis lond wel verde. Line 3463 = Line 3464 and þo iworþe wroþe; hit was sone þe worse. Line 3465 so þat Romleode; com to þissere þeode. Line 3466 and setten truage in þisse lond; boþe seoluer and gold. Line 3467 þe neuere her on lifue; ne dorste hii hider liþe. Line 3468 ne axi king of þisse londe; ȝield in-to Rome. Line 3469 Þo was hit bi-valle in þat daiȝe; alse ich soh segge may. Line 3470 þat Iulius. Cesar was iwend; mid onimete ferde. Line 3471 fram Rome into France; He was swiþe iwraþþed Line 3472 Alle þe londes he bi-w(an þat he mid) eȝe(ne) lo(kede) an Line 3473 (he þohte) to bi-winne mi(d strengþe) and mid ginne. Line 3474 (al) þe (mid)delerþes lond to his o(w)ene (h)ond. Line 3475 Ac he ne mihte h(it) do(n) al þe worle onderfo(n). Line 3476 ac þe þridden dea(l) he awan; of þisse worle-riche. Line 3477 ==== Line 3478 He makede þane kalender; bi wam geoþ al þe ȝer. Line 3479 he sette fale domes; þat ȝet beoþ in Rome. Line 3480 Awei þat euere soch man; in-to helle [solde] gon. Line 3481 Iulius wende of Rome; mid folke wel idone. Line 3482

Line 3482 he verde ouer Lombardie; so he dude ouer Montagu. Line 3483 he awan Lorenne and Boloyne; France Aluerne and Gascoyne. Line 3484 Peyto Normandie and Britayne; and Loueine and Alemaine Line 3485 = Line 3486 In-to Flandres he verde; and makede his sip-ferde. Line 3487 = Line 3488 Þe dai was wel briþt; and þe sonne ȝef hire liþt. Line 3489 and Cesar wende in Flandres lond; wandrenge bi see-strond. Line 3490 Þat weder was swiþe liþe; and he þis lond a-kende. Line 3491 Þo saide Iulius; and wiþ þan folke he spac þus. Line 3492 Wat his þat ilke lond; þat ich i-se mid eȝene. Line 3493 for ouer see-strem; Fair hit me þincheþ. Line 3494 A wis man þar was; þat to þan king saide. Line 3495 Þat his on illond; of alle gode hit his strong. Line 3496 þat Brutus erest a-wan; after þan flode. Line 3497 þar his fis þar fowel; þar beoþ men kene. * Line 3498 Brutayne hit hatte; þat lond þat þou bi-holdest. Line 3499 Þo spac Iulius Cesar; he was swiþe wis and war. Line 3500