Layamon's Brut (British Museum Ms. Cotton Otho C.XIII)

Lines 1501 through 1600

þat ich euere bi-ȝet; oþer bi-ȝete mawe. Line 1501 ich þe segge soþ-riht; ne sal ȝeo habbe no-wiþt. Line 1502 Ac ȝif þou hire wold habbe; maide ȝeo his hende. Line 1503 ich þe wole hire bi-wete; and sende hire in one sipe. Line 1504 mid seolue hire cloþing; of me ȝeo nafeþ na more. Line 1505 Ȝif þou hire wolt vnder-fon; al þis ich wolle don. Line 1506 Iseid ich habbe þane grund and þou þi-seolf far hol and (sunde) Line 1507 (Þis wri)t (com) to Franc(e to þ++ ++eo) kinge. Line 1508 (He) hit lette (r)ede (le)of hi(m) were (þ)e roune Line 1509 Þo we+de þe welde-(king) þat hit were for gyle Line 1510 þat Leir king hire fader; nolde (hire) him lene. Line 1511 and he moch(e þe w)odlokere; wilnede ++(t mayd)e. Line 1512 and seide to his (fol+++ +in)g (A)ganippus. Line 1513 Ich (ha+ +++he) +an inoþ; of ++++++ ich ne recche. Line 1514 ne sa(l) +++++ Leir þe king; þa(t maide me at-le)de. Line 1515 ac ich hire w(olle h)abbe; to eȝ(e) cwene. Line 1516 Habbe hire fader al his lond; and his seoluer and his gold. Line 1517 Ne bid ich no-þing of his; i-noh ich habbe mi-seolue. Line 1518 bote þat maide Gordoille; þan ich habbe mine wille. Line 1519 Mid writ and mid worde; he send eft to þisse londe. Line 1520 and bad Leir king him sende; his dohter þat was hende. Line 1521 and he hire wolde vnderfon; and moche mansipe hire don. Line 1522 Þo nam þe holde king; Gordoille þat maide Line 1523 mid seolue hire cloþing; and lette hire forþ wende. Line 1524 ouer see-stremes; hire fader was sterne. Line 1525 Aganippus þe Frence king; þis maide faire vnder-feng. Line 1526 and al his folk hit was icweme; þat ȝeo were cwene. Line 1527 and þus ȝeo þare bi-leofde; leof ȝeo was þan folke. Line 1528 and Leir king hire fader liuede in þisse lo(nde) Line 1529 (a)nd hadde [iȝeue] his two d++++++ (al) his kinedome. Line 1530

Line 1530 He ȝaf G(orn)oille to Scottene king. Line 1531 he (h)ehte Maglandus his mihtes weren store. Line 1532 and to Cornwales duke; Re(g)au his ++(hter) Line 1533 Þ(o) bifulle +++ siþþe; +one þar-hafter. Line 1534 þat þe Scottene king and þe duk speken to-gadere. Line 1535 mid hire stille rouning; nemen heom to reade Line 1536 þat hii wolde al þis lond; habbe to hire owene hond. Line 1537 and feode Leir þane king wile þat he leofede. Line 1538 daiȝes and niþtes mid fourti cniþtes. Line 1539 And we him wolleþ finde hauekes and hundes. Line 1540 þat he mai ride; ouer al þe þeode. Line 1541 and libbe ine blisse þe wile þat he libbeþ. Line 1542 Þus i þo speken and eft hit to-breken. Line 1543 and Leir king was wel ipaid; and eft onlikede. Line 1544 And Leir king wende to Scottene kinge. Line 1545 to Maglande his oþom and to his heldeste dohter. Line 1546 Me vnder-feng þane [king]; mid his fourti cniþtes. Line 1547 = Line 1548 and hire hors and hire atyr and al þat ham bi-houede. Line 1549 Þo bi-fullet seþþe sone þar-after. Line 1550 þat Gornoille bi-þohte wat ȝeo don mihte. Line 1551 Hire þohte swiþe eil; of hire fader cnihtes Line 1552 And ȝeo bi-gan to mene; to Maglande hire louerd. Line 1553 and seide hit in bedde; þar þai leien. Line 1554 Sei me mi louerd; manne me leofest Line 1555 me þincheþ þat mi fader; his noþt fele. Line 1556 no worsipe he ne can; his wit he hafeþ bi-leued. Line 1557 = Line 1558 He halt here fourti cniþtes; daiȝes and niþtes. Line 1559 he halt here his sweynes; þar-fore we habbeþ harmes. Line 1560 == Line 1561 Al þat god þe we heom doþ; hii hit bloþeliche vnderfoþ. Line 1562 and ne conne vs bote vnþong; for hure wel-deade. Line 1563 Hii doþ hus mochel bismare; hure men hi to-beteþ Line 1564 mi fader haueþ to m(ani)e of idele men. Line 1565

Line 1565 Al þat feorþe deal lete we forþ fuse. Line 1566 = Line 1567 Hus seolf we habbeþ cocus to cwecche to kichene. Line 1568 hus seolf we habbeþ bermen; and borles inowe. Line 1569 Lete we som þis mochele folk fare woder iwolleþ. Line 1570 so ich euere ibide ore; ich hit nele þolie more. Line 1571 Þis i-herde Maglandus þat þe cwene spac þus. Line 1572 and hire answerede mid his gode speche. Line 1573 Leafdi þou hauest woþ; nauest þou richedom i-noþ. Line 1574 Ac hold þin fader in blisse ne liueþ he noþt lange Line 1575 For ȝef honcuþe kinges; hii-hereþ soche þinges. Line 1576 þat we so take him on hit hus wolleþ sinde. Line 1577 Ac lete we him habbe his folk at his wille. Line 1578 and þis his min owene read; for sone her-after he worþ dead Line 1579 and eke we habbeþ in hure hond haluendel his kinelon(d) Line 1580 Þo seide Gornoille; Louerd b(eo) þou stille. Line 1581 let me al iwor++ and ich ham wolle awilde. Line 1582 Ȝeo sende al mid ginne; to þare cniþten hinne. Line 1583 and hehte ȝam faren hire wai. Na more we nolleþ ȝou feode. Line 1584 == Line 1585 Þis ihorde Leir þe king; and wraþþede him swiþe. Line 1586 = Line 1587 and seide þeos wordes; sorȝfulle on mode. Line 1588 Wo worþe þane man þat lond haueþ to wille; Line 1589 and takeþ hit his child. þe wile þe hit mai holde. Line 1590 for hofte hit bi-falleþ; þat eft hit him aþincheþ. Line 1591 Nou ich wolle hinne fare riþt into Cornwale. Line 1592 ȝern ich wolle reades of Regau mine dohter. Line 1593 þat aueþ Amari þe duk; and half min kineriche. Line 1594 Forþ þe king wende; into þan suþ ende. Line 1595 to Regau his dohter for reades him trokede. Line 1596 Þo he to Cornwale com; he was faire vnderfon. Line 1597 so þat al þat alue ȝer; mid alle his cnihtes he wonede þer. Line 1598 Þo seide Regau; to Armari hire louerd. Line 1599 Hercne louerd to me; to folle soþe ich segge þe. Line 1600