Layamon's Brut (British Museum Ms. Cotton Otho C.XIII)

Lines 11701 through 11800

Sitteþ adun alle cnihtes in halle Line 11701 and ich ȝou wolle telle; wat ich don wolle. Line 11702 Mine writes hich wolle makie; and to Luces sende. Line 11703 = Line 11704 þat ich wolle after sone; come toward Rome. Line 11705 Nolle ich non gauel bringe; ac þane cayser ich wolle bind(e) Line 11706 (and) suþþe ich woll(e) hin(e an-h)on; and al þat lond ic(h w)olle fordon. Line 11707

Line 11707 and for-(faren a)lle þe cnihtes (þat) ++++++ (aȝ)eyn me (in) +++++ Line 11708 ++++++ +++ his writ (in) +++++ +++ wiþer-(foll). ++++++ Line 11709 +++ hit þan cniht(es) +++++++ þat þe earende br(ohte) Line 11710 (and s)uþþe he lette ȝam scrude; mid allere prude. Line 11711 = Line 11712 and bad ȝam wende sone (to) Luces of Rome. Line 11713 (and +e c)omen after wolde ++ ++++ (s)o he mihte. Line 11714 Þeos (tw++lu)e ȝeoden hire wai tow(ard) hire londe. Line 11715 nere in none londe; mid seoluer and mid golde. Line 11716 cnihtes so iscrud; ne þorh alle þing so wel idiht. Line 11717 ase þeos were of Arthur þan kinge. Line 11718 Þeos cnihtes forþ ȝeoden; þat hii to Rome comen. Line 11719 hii grette hire caiser; hire kine-louerd. Line 11720 Hayl beo þou Luces; þou hart þe hexste ouer ous. Line 11721 We weren mid þan hehȝe; Arthur þe riche. Line 11722 we habbeþ ibroht þe wordes swiþe grete. Line 11723 Arthur his þe kenneste man; þat we eu(ere) lokede an. Line 11724 and he his wonder riche; and his cnihtes bolde. Line 11725 þar his euerech cnaue; so he cniht were. Line 11726 = Line 11727 þar beoþ cnihtes; ase hit were kinges. Line 11728 meate þar his onimete; and men swiþe bolde. Line 11729 and þe fairest wifmen; þat wonieþ in londe. Line 11730 and him-seolf Arthur; fayrest of alle. Line 11731 Bi ous he word sendeþ; þat hider he þencheþ. Line 11732 no gauel he nele sende; ac þi-seolue he wole binde. Line 11733 and suþþe he wole þe an-hon; and þis lond al for-don. Line 11734 and nimen Alemaine and Lombardie; Borgoyne France and Normandie Line 11735 and Frolle he sloh his i-fo; and þe he wole al-so do. Line 11736 and habbe him-seolf one; þat we oweþ cleane. Line 11737 Her-to he wole leade kinges; eorles and heredringes. Line 11738 And her we habbeþ an honde; writes þat he þe sendeþ Line 11739 þat telleþ wat he wole don; wane he comeþ hider on. Line 11740 Þo þe earende was isaid; þe cayser was wel sori-mod. Line 11741 and alle Romleode a-fered weren sore. Line 11742 Ofte hii ȝeode to reade; ofte hii ȝeode to roune. Line 11743 her hii mihte iworþe; wat idon wolde. Line 11744

Line 11744 Noþeles a þan eande; anne read ifunde. Line 11745 þat was þorh þe senaturs; þat þe londes witede Line 11746 þan cayser hii radden; þat he writes makede. Line 11747 and sende his sonde; to manicune londe. Line 11748 and bidde heom come sone alle to Rome. Line 11749 of euereche londe; þat he oht louede. Line 11750 and alle þat wolleþ mid fihte; bi-ȝete lond oþer heahte. Line 11751 Folk þar com wel sone; to þare borh of Rome. Line 11752 so moche so þar neuere hear; no man ne gadere[de]. Line 11753 Hii saide þat hii wolde ouer Montagu wende Line 11754 and wiþ Arthur fihte; war-so hii hine finde mihte. Line 11755 and Arthur slean and an-hon; and his cnihtes al for-don. Line 11756 and ohni þan caysere; Arthur his kineriche. Line 11757 Þe earest king þat þar com; he was swiþe kene man. Line 11758 Epistrot king of Grece. Ethion duk of Boece. Line 11759 þar com mid mochele wyȝe; Irtak king of Turkie. Line 11760 Pandras king of Egipte; of Grece þe king Ypolite. Line 11761 of Syrie þe king Euander. of Frisie þe duk Teucer. Line 11762 of Babylonie Maptizas. of Spayne þe caiser Meodras. Line 11763 of Medie þe king Bockus. of Libie þe king Sextorius. Line 11764 of Bitinie. Pollidites. of Yturie. þe king Serses Line 11765 Oristenser king of Affrike; nas þar no king his iliche. Line 11766 mid him com many Affrican; of Ethiope he brohte þe bleome[n]. Line 11767 Þe seolue Rom-leode; wende to-gadere. Line 11768 þat weren nexste; of Rome þe hexste. Line 11769 Marchus Lucas an Catel; Cocta Cayus and Metel. Line 11770 þis weren þe sixe; þat Rome-lond bi-wiste. Line 11771 Þo þis folk i-gadered was; of falecune londes. Line 11772 þo lette þe caysere; telle al þan here. Line 11773 Þo weren þar riht itold; to fihte swiþe bold. Line 11774 four hundred þousend cnihtes o þan heape. Line 11775 mid wepne and mid horse; ase bi-oueþ to cnihtes. Line 11776 Nas he neuere icore; ne in none londe ibore. Line 11777 þat mihte þat folk telle þar ȝeode afote. Line 11778

Line 11778 Forþ hii wende alle þane way; þat toward Montegiu lay. Line 11779 = Line 11780 Leate we nou one wile þeos ferde bi-leafue. Line 11781 and speke we of Arthur; baldest alre kinge. Line 11782

Line 11782 þo þat he bi-soht hadde; his cnihtes gode. Line 11783 and ech was hom iwend; þar he lond hadde. Line 11784 And sone a-ȝein come; cnihtes to route. Line 11785 mid wepne wel idiht mid al hire miht. Line 11786 of Scotlond. of Irlond. of Gutlond of Islond. Line 11787 of Norene. of Denene. of Orcaneie. of Mayne. Line 11788 of þan ilke londe; beoþ an hundred þousend Line 11789 iwepnid wel alle; in hire londes wise. Line 11790 Neren hii alle noht cnihtes; ne þes (aw)eies idiht. Line 11791 ac hit were þe kenlokeste men; þat eni man akende. Line 11792 mid mochele wiaxes; and mid lange saxes. Line 11793 Of Normandie. of Angou. of Brutayne of Peitou. Line 11794 of Flandres of Boloyne. of Lorenne of Loueine. Line 11795 beoþ an hundred þusend; icome to þan kinge. Line 11796 cnihtes mid þan beste; þorh-costned mid wepne. Line 11797 Þar come þe twealf veres; þat France solde werie. Line 11798 twealf þusend cnihtes; hii brohten forþrihtes. Line 11799 and of þisse londe. Arthur nam an honde. Line 11800