Layamon's Brut (British Museum Ms. Cotton Otho C.XIII)

Lines 11601 through 11700

þorh rihte cunde; of Belyn þan kinge. Line 11601 and of Brenne his broþer; duk of Borgoyne. Line 11602 Þeos weren oure eoldre; þat we beoþ of icome. Line 11603 þe(s bi)-leye Rome and þe riche a-wonne. Line 11604 = Line 11605 and suþþe hii neme al þat lond and sette hit in hire owe hond. Line 11606 and þus hahte Rome beon oure cunde. Line 11607 Nou ich wolle bi-leue; Belyn and Brenne. Line 11608 and speke of þan caysere; Constantyn þan stronge. Line 11609 he was Eleynes sone; al of Bruttes icome. Line 11610 he bi-wan Rome; and eke al þe riche. Line 11611 Leate we nou of Constantin; þ(at R)ome wan al to him. Line 11612 and speke we of Maximien; þat was a swiþe strong man. Line 11613 he was ki(ng) here; and he a-wan (Fra)nce. Line 11614 Maximien þe stronge; Rome nam an honde. Line 11615 and Alemaine he bi-won; mid mochele(re str)engþe. Line 11616 and al fram Romayne; into Normandie. Line 11617 And alle þeos weren min eldre; of wan we beoþ i-spronge. Line 11618 and adde alle þe londes; þat into Rome leie Line 11619 and þorh soche domes; ich hahte ohni Rome. Line 11620 He ȝornt of mine lond; truage to habbe; Line 11621 and so ich wolle of Rome ȝef ȝe me readeþ. Line 11622 Ich ȝeorne in min(e) þonke; to habbe al Rome Line 11623 and he wilneþ in þis lond binde me faste. Line 11624 slean mine Bruttes; mid his wiþer-reases. Line 11625 Ac ȝef hit wole Drihte; þat soþ þis daies lihte; Line 11626 he sal for his balnesse; mochel harm habbe. Line 11627 and his Romleode þar-vore solle reose Line 11628 = Line 11629 Sitteþ alle nou stille; ich wolle segge mine wille. Line 11630 ne sal no man oþer don; alle hii solle stonde þar-on. Line 11631

Line 11631 He wilneþ al and ich wilny al; þat we beie oweþ. Line 11632 habbe hit nou and euere; wo-se hit may a-winne. Line 11633 = Line 11634 Þus spac þe bolde; þat B(rut)tes hadde in anwolde Line 11635 (þat) was Arthur þe king B(rutt)ene (de)orling Line 11636 Sete his k(e)mpes; and his speche lus(te) Line 11637 (som)me hii seten st(ille) ++++++(on)e stunde. Line 11638 so+++ +++ +++++ ++(u)ning ++++++++++++(ne) Line 11639 somme (h)++ +++++ (ȝam) god; som(m). +++(m) einde hire mod Line 11640 (Þo hii had)de lange i-lustned þan kinge. Line 11641 þo spac Howel; heh man of Britaine. Line 11642 and þeos word(es s)aide bi-vore þan kin(ge) Line 11643 +(ouard) king hercne m(e) +++ +++ ear dude þe. Line 11644 Þou (ha++st) isaid wordes; þat (beo)þ swiþe soþe. Line 11645 for hit was ȝare isaid; þat nou we solle finde. Line 11646 = Line 11647 Sibily hit saide; hire wordes weren soþe. Line 11648 and sette hit in boke folke to bysne. Line 11649 þat þreo kinges solde wende vt of Brutlonde. Line 11650 þat biwinne solde Rome and alle þe riche. Line 11651 and alle þe londes; þat þar-to liggeþ. Line 11652 Þe vorme was Belyn; þat was Bruttene king. Line 11653 þe oþer was Constantin. þat Rome wan al to him. Line 11654 þou salt beon þe þridde; þat Rome salt habbe. Line 11655 Ȝef þou þis wold bi-ginne; þou hit salt awinne. Line 11656 and ich wole þar-to helpe; mid hehȝere strengþe. Line 11657 and ich wole ouer see sende; to sele mine cnihtes. Line 11658 = Line 11659 and hote ȝam alle; bi hire cwike lifue. Line 11660 = Line 11661 þat hii beo redi sone; mid þe fare to Rome. Line 11662 Min lond ich wolle sette; for seoluer and for golde. Line 11663 = Line 11664 and so we solle to Rome fare; and slean þane kaisere. Line 11665 and for to bi-ȝeten þin rihtes; ich leane þe ten þousend cnihtes. Line 11666 Þus spac Howel; heh man in londe. Line 11667 Þo Howel hadde i-said wat him god þohte. Line 11668 þo spac Angel þe king Scotlondes deorling. Line 11669 and stop vp on benche; and his broþers beine. Line 11670

Line 11670 þat was Loth and Vrien. tweie swiþe bolde men. Line 11671 = Line 11672 Arthur þou ha wel isaid. ercne mine wordes. Line 11673 þat ilke þat Howel haueþ ispeke ne sal hit no man a-wreke. Line 11674 ac we hit solle ileaste; bi oure cwike lifue. Line 11675 And louerd Arthur þe heȝe. lust me one wile Line 11676 cleope þe to reade; þine eorles riche. Line 11677 and alle þe hexste; þat beoþ in þine londe. Line 11678 and bide ȝam þe segge; mid soþe hire wordes. Line 11679 wat hii þe wolleþ helpe; to winne þine rihte. Line 11680 Ich þe leane wolle; cnihtes of mine londe. Line 11681 þreo þousend kempes. to fihte swiþe kene. Line 11682 ten þousend men a fote; to fihte swiþe gode Line 11683 and wente [we] to Rome; and i-win þe riche. Line 11684 Fol sore ous may samie; and wel sore gramie. Line 11685 þat hii solle sende sonde; after gauel of oure londe. Line 11686 Ac so ous helpe Drihte þat soþ þis daiȝes lihte Line 11687 hii hit solle a-bugge; mid hire bare rugge. Line 11688 For wane we habbeþ Rome; and alle þe riche. Line 11689 we solle nime þe londes; þat þar-to liggeþ. Line 11690 Pullye and Alemaine; Lombardie and Brutayne. Line 11691 France and Normandie; þo hit hehte Neustrie. Line 11692 and so we solle temie hire mod onimete. Line 11693 Þo he isaid hadde; þo answere[de] alle. Line 11694 Aneþered worþe þe ilke man; þat nele þar-to helpe. Line 11695 mid wepne and mid hahte; and mid al his mihte. Line 11696 Þo were Arthur his men; stranliche iwreþþed. Line 11697 cnihtes a-borst weren þat al hi gonne buuie Line 11698 Þo Arthur ihorde hadde his cnihtes bi-heste. Line 11699 þo cleopede he anon; þe king was a-bolwe. Line 11700