Layamon's Brut (British Museum Ms. Cotton Otho C.XIII)

Lines 10401 through 10500

And ȝef þou þat nolle do wat þou wolle. Line 10401 and ich þe wolle sende sixtene þousend kempes; Line 10402 = Line 10403 þat þe solle b(i)nde; and to me bringe. Line 10404 = Line 10405 and þin lond wasti; and falle þine cnihtes. Line 10406 Þis ihorde þe king of þisse herde þr(et)ing. Line 10407 and caste on his rugge; swiþe riche webbes. Line 10408 and him nam bi-sides; hundes and hauekes. Line 10409 moche seoluer and gold; and his sones beine. Line 10410 And forþ he gan wende; to Arthur þan kinge. Line 10411 and þes word saide Doldanym þe sele Line 10412 Hayl beo þou Arthur; boldest alre kinge. Line 10413 Her ich bringe tweie; mine sones hii beoþ beye Line 10414 hure moder his kinges streon; cwene ȝeo his min owe. Line 10415 Here ich take hire sones; and mi-seolf ich wolle þ(in ma)n b(i)-come Line 10416 = Line 10417 And ich þe w(oll)e sende gauel of min(e) londe. Line 10418 euereche ȝere; s(oue) þousend poundes. Line 10419 == Line 10420 an(d) h(er) ich (w)olle þin man b(i-c)ome; and oþes þe swerie. Line 10421

Line 10421 þat so lang so beoþ euere; ne swike (i)ch þ(e) neue(re) Line 10422 Arthur nam his sonde; and sende to Winet-londe. Line 10423 to Rumerat þan kinge; to cuþi him an hiȝenge. Line 10424 þat he hadde in his hond; (Bru)tlond and Scotlond. Line 10425 Gutlond (and) Irlond; Orcaneye and (Islond) Line 10426 He hehte Ru(mera)t come and bringe his huldeste sone. Line 10427 and ȝef he þ(a)t nolde he wolde him driue of lo(n)de. Line 10428 and ȝef he him mihte (on)der-fon. (h)e wolde him he(hȝe) an-hon Line 10429 = Line 10430 Þis ihorde Rum(e)rat; þe riche king of (Wi)net. Line 10431 swiþe he was afere(d) al so þe oþer were. Line 10432 loþ him were þe tydinges (fram) Arthur þan kinge. Line 10433 N(oþe)les þe k(i)ng Rumerat hercnede (t)idinges. Line 10434 he nam his eldeste sone; and oþer twealf cnihtes. Line 10435 a(nd wen)de to Arthur; þa(ne) b(olde) kinge. Line 10436 and sat (h)at hi(s) fote; and faire hine gan grete. Line 10437 Hayl beo þou Arthur þe king; Bruttene deorling Line 10438 Ich hatte Rumeret; of þe londe of Winet. Line 10439 inoh ich hure kenne; of kensipe þinne. Line 10440 þat þou hart wide icud; kennest alre kinge. Line 10441 Þou hauest many kine-lond; a-wonne to þin owe hond. Line 10442 nis non king in londe; þat maȝe þe wiþ-stonde. Line 10443 = Line 10444 of al þat þou bi-ginnest þou dost þine wille. Line 10445 Her ich ham to þe icome; and hi-broht min eldeste sone. Line 10446 ich sette þe her an hond; mi-seolfe and myn kinelond Line 10447 and mine sone leue; and mine men alle Line 10448 = Line 10449 wiþ þan þat þou me griþie; wiþ þine grym reases. Line 10450 And beo þou min hehȝe king and ich wolle beo þin onderling. Line 10451 and sende þe to honde; fif hundred pound of golde. Line 10452 fram ȝere to ȝere; to Londene þe sende. Line 10453 Arthur him grantede al þat he ȝornde. Line 10454 and suþþe helde rouning; wiþ leoue his cnihtes. Line 10455 þat he wolde aȝen wende; into þisse londe. Line 10456 and isen Gwennaifer þe leodisse cwene Line 10457 Bumes he lette bloue; and banni his ferde. Line 10458 and to sipe wende; many bliþe chnihtes. Line 10459 Winde ȝam stod at wille. weder ase hii wolde. Line 10460

Line 10460 glad hii were for-þi. vp hii come at Grimesbi. Line 10461 Þat i-horde sone; þe heheste of þisse londe. Line 10462 and to þar cwene com tydi(ng) of Arthur þan king Line 10463 (þ)at he was isunde icome; and his folk on sele. Line 10464 Þo weren in Bruttayne blisses inowe. Line 10465 Was her fiþ(e)ling and song; her wa(s) harping a-mang. Line 10466 of (al)e cunnes dremes; murie her songe. Line 10467 of Arthur þan kinge; and of his w(in)ninge. Line 10468 of his mo(c)hele worsipe; þat he (a)-wonne hadde. Line 10469 folk þar was i-gadered; of mani cun(ne) londe. Line 10470 = Line 10471 Al þat Arthur i-seh; al hit him to beh. Line 10472 riche and pore; ase þe hawel þat falleþ. Line 10473 nas þar n(o)n so wrecche Brut þat he nas wel iw(e)llid. Line 10474 Her man may reade; of Arthur þa(n) kene. Line 10475 hou he twalf ȝere suþþe wonede here Line 10476 in griþe and blisse; and in alle fair-nisse. Line 10477 No man him ne fast wiþ; ne he non oþer wiþ. Line 10478 ne mihte no ma[n] bi-þenche of blisse þat were more. Line 10479 in eni cunnes londe þane was in þisse. Line 10480 == Line 10481 Ich may segge ou hit iwarþ þeh hit wonder þinche. Line 10482 Hit was in on holy day; þat Arthur ine Londene lay. Line 10483 þar weren to him icome; of al his kineriche. Line 10484 of Brutlond of Scotlonde; of Irlond of Islond. Line 10485 and of alle þan londes; þat Arthur hadde an honde. Line 10486 and alle þe hexste cnihtes; þat were mid hire sweines. Line 10487 (Þar) were soue kingene (son)es; mid soue hundred (cnih)tes. Line 10488 wiþ-oute þan (fol)ke; þat Arthur had(de) on hepe. Line 10489 == Line 10490 Þat folk was ++ manie londe; þar (w)as mochel onde. Line 10491 for (eue)rech wende; be bete(r)e þan oþer. Line 10492 Bumes +ar blewe; bordes me wyde. Line 10493 water me brohte an flore; mid goldene bole. Line 10494 suþþe cloþes sohte al of wite solke. Line 10495 Þo sat Arthur a-dun; and Gwennayfer his cwene. Line 10496

Line 10496 suþþe seten eorles; beornes and cnihtes. Line 10497 = Line 10498 And þe hehȝe ibore men þane mete beare. Line 10499 euere forþrihtes toward þe cnihtes. Line 10500