Layamon's Brut (British Museum Ms. Cotton Otho C.XIII)

Lines 10301 through 10400

and bi Arthur he sat; and eke mid him-seolf hate. Line 10301 mid Arthur me wyn drong þat was mid mochel onþong. Line 10302 Noþeles þo he iseh þat Arthur was so neh. Line 10303 Gillomar him saide; mid sorþ-folle heorte. Line 10304 Louerd Arthur þin griþ; ȝef me leome and ȝef me lif. Line 10305 and ich wolle þin man bi-come; to hostage take þe mine sone. Line 10306 = Line 10307 and ȝet ich wolle more; ȝef þou me wolt ȝefue ore. Line 10308 ich wolle þe bi-take; hostages riche. Line 10309 children folle sixti; riche and wel mihti. Line 10310 And ȝet ich wolle more; ȝef þou me ȝeuest ore. Line 10311 eche ȝer of mine londe. soue þousend pound þe sende. Line 10312

Line 10312 == Line 10313 and alle mine stedes; mid alle hire wedes. Line 10314 min hauekes and mine houndes; and oþer riche ȝeftes. Line 10315 ich take þe an honde of al mine londe Line 10316 And wane þou hauest þus idon; ich wolle nime halidomes. Line 10317 of Seint Columkille þat dude Godes wille. Line 10318 and Seint Brendan his heued þat God seolf halwede. Line 10319 and Seinte Bride riht fot; þat his holy and god. Line 10320 and halidomes inowe; þat come vt of Rome. Line 10321 and swerien þe to soþe; swike þat ich þe nelle. Line 10322 ac ich þe wolle louie and holde þe for louerd. Line 10323 = Line 10324 Þis ihorde Arthur; boldest alre kinge. Line 10325 = Line 10326 and him answerede; mid mildeliche wordes. Line 10327 Beo nou glad Gillomar; ne beo þou noht heorte sor. Line 10328 for þou hart a wis man; þe sal þe bet for þan. Line 10329 = Line 10330 for þine wisdome; ne sal þe noh þe worse. Line 10331 moche þou me bedest; þe sal beon þe betere. Line 10332 Her forþrihtes; bi-vore alle mine cnihtes. Line 10333 ich for-ȝeue of þine bode; al þan haluendeale. Line 10334 of golde and of garisome; ac þou salt min man bi-come. Line 10335 and half þat gauel sende; in-to mine londe. Line 10336 Halue þe stedes; and halue þe wedes. Line 10337 halue þe hundes; and halue þe hauekes. Line 10338 þat þou me bedest; ich wolle þe bi-lefue. Line 10339 ac ich wolle habbe þine sone; ich may þe þe bet i-leue. Line 10340 = Line 10341 and þou salt wonie; in worsipe þine. Line 10342 in þine kinelonde; and þin rihte icunde. Line 10343 and ich þe wolle loke to; þat no king ne sal þe mis-do. Line 10344 bote he hit a-bugge; mid his bare rugge. Line 10345 Þus him saide Arthur; boldest alre kinge. Line 10346 Þo he hadde al Irlond; to his owene hond. Line 10347 and þe king his man bi-com; and bi-tok Arthur his sone. Line 10348 Þo spac Arthur to sele his cnihtes. Line 10349 Wende we to Islond and nime hit to oure hond Line 10350 Forþ hii wende; þat hii þider come. Line 10351 Alcus hehte þe king; he hadde mani onderlyng. Line 10352 he ihorde þan tyding%ge of Arthur þan kinge. Line 10353 he dude ase a wis man; and wende aȝenest him anon. Line 10354 swiþe forþ-rihtes; mid sixtene cnihtes. Line 10355 he bar on his honde; ane mochele ȝeord of golde. Line 10356 Sone so he Arthur iseh; on his cnowes he him beh. Line 10357 and þeos word saide þe king was a-fered. Line 10358 Wolcome sire Arthur; wolcome louerd. Line 10359 Her ich bi-take þe an hond; al to-gadere Islond Line 10360 þou salt beo min hehȝe king and ich wolle beo þin onderling. Line 10361 = Line 10362 Ich wolle here þi man bi-come; and take þe mine sone. Line 10363 Escol his ihote; and þou hine most teche. Line 10364 to cnihte hine dobben; ase þin owene man. Line 10365 His moder his wel ibore; þe kinges dohter of Rusie icore. Line 10366 And eke eche ȝere; ȝefen ich þe wolle. Line 10367 soue þousend pound of seoluer and of golde. Line 10368 and to euereche reade; beo ȝaru to þine neode. Line 10369 Þis ich wolle swerie; vppen mine sweorde. Line 10370 þar his an halidom wel icore; in þan helte bi-vore. Line 10371 likie ou me likie; nolle ich þe neuere swike. Line 10372 Þis ihorde Arthur boldest alre kinke. Line 10373 Arthur was wis man ware he hadde his wille Line 10374 he was wonder steorne; wiþ his wiþer-iwinne. Line 10375 = Line 10376 Arthur grantete þan king; al þat he ȝornde. Line 10377 oþes he þare nam and hostages al-son. Line 10378 Þo ihorde segge; soþere wordes. Line 10379 þe king of Organeye; onimete kene Line 10380 Gongwas was ihote heaþene kempe. Line 10381 þat Arthur þe stronge gome; to his londe wolde come. Line 10382 = Line 10383 Gongwas ȝeode to-ȝeynes; mid wise his cnihtes. Line 10384 and sette Arthur an hond; al Organeyes lond. Line 10385 and two and þritti yllondes; þat þar-to liggeþ. Line 10386 and his manradene; mid mochelere mensce. Line 10387

Line 10387 And he him hadde a foreward bi-vore alle his cnihtes. Line 10388 eche ȝer to iwite; fulle sixti sipes. Line 10389 mid his owene costninge. bringen ȝam to Londene. Line 10390 i-fulled mid iwisse of gode see visce. Line 10391 = Line 10392 Oþes he swor gode; swike þat he nolde. Line 10393 and suþþe he lefue nam and forþ he gan wende. Line 10394 Louerd haue godne day; ich (wolle) come wan ich may. Line 10395 = Line 10396 Þo Arthur hadde þis idon ȝet he wolde more vnder-fon. Line 10397 he nam his sonde; (a)nd sende to Gutlonde. Line 10398 and grette þane king Delda(n)ym; and hehte hine an hiȝenge come to him. Line 10399 nd him-seolf (hi)s man bi-come; and br(i)ng(e) mid him his tweie sones. Line 10400