Layamon's Brut (British Museum Ms. Cotton Caligula A.IX)

Lines 801 through 900

& he hine for-smat a-midden; a twa riht bi þon ribben. Line 801 Nes þer nan swa stæðeli; þat lengore mihte stonden. Line 802 Corineus heom to-brutte; ban & heora ribbes. Line 803 & [ȝ]eond þat lond he heom to-draf; moni þusend þar abad. Line 804 Þat folc þat flei Corineum; þat com to Brutun. Line 805 & alle heo slowen; þat heo neih comen. Line 806 Þe king Goffar iseih his burst; & un-æðe him-seolf at-breac. Line 807

Line 807 he fleih ut of his londe; & bi-læfde his leode. Line 808 In-to France he ferde; þer he freond funde. Line 809 to þon kaisere; & to his tueolf iferen. Line 810 and tolde heom of þan balwe; þe Brutus him hefde idon. Line 811 Inne Franse weren italde twelfe iferan. Line 812 þa Freinsce heo cleopeden dusze pers; þa weren drihtliche men. Line 813 kinges heo weoren icleopede; þat heo ofte cu[ðd]en. Line 814 Heo bi-hæihten Goffaren þen kinge; þat heo hine wreken wolden. Line 815 wreken hine of his unwines; þat him þe [eðere] weorra. Line 816 Heo senden ȝeond al France; & buden heora ferda. Line 817 fulle seouen nihte; heo somenede cnihtes. Line 818 & Brutus ladde his ferde; in Armorichen earde. Line 819 & he wes swiðe bliðe; for his muchele biȝate. Line 820 Ȝeond þat lond he gon ernen; & þa tunes for-bearnen. Line 821 & herȝede þat lond; & tæh hit to his aȝre hond. Line 822 Al þat lond he wiste; & al he hit awalde. Line 823 Swa he ferde mid his here; þat he on ænne hul bi-com. Line 824 He wes feir & heih; & he hine swiðe bi-heold. Line 825 He nom ræd æt his monnen; þat he wolde þar castel makian. Line 826 Þa þe castel vp stod; he wes strong & swiðe god. Line 827 Nes hit buten lutel wile; þat Goffar king com him liðen. Line 828 mid vnimete ferde; of Frenchisce folke. Line 829 & of alle þon londen; þa leȝen into France. Line 830 Þa Goffar þe king; þene castel kennede; Line 831 swa swiðe wa him was; þat al his wit he for-læs. Line 832 Swiðe he fusde þider-ward; kene his ferde. Line 833 heo to-dælden heom atweolfa; & t[uȝen] on alc((h))ere halue. Line 834 & þa Troynisce men; heom comen aȝein. Line 835 & anan leiden to þan grunden; of þane Freinsce þreo þusende. Line 836 Þa Freinsce weoren isturmede; & noðelas heo stal makeden. Line 837 & heo bi niðinges beard; driuen heom on-ȝeinwærd. Line 838 Brutun & his kempan; heo driuen into þan castle. Line 839 & in þera ilke uore; heo fælden of his i-ueren. Line 840 & æl dai heo ræmden; & resden to þan castle. Line 841 þat com to þere nihte; þat lengre heo ne mihten. Line 842 I þon castle wes muchel dred; a þa mid-niht heo nomen read. Line 843 þat heo wolden Corineum; to þon wode senden. Line 844 mid alle þon folke; þat he hefde on his ferde. Line 845 & ferden vt swa stille; swa heo stelen wolden. Line 846 in-to ane þicke wode; þa þer on uest wes. Line 847

Line 847 Brutus wes i þon castle; & hine wel wuste. Line 848 A-marwen þo hit dawede; & dai com to folke. Line 849 Brutus wes on-bolȝen; swa bið þa wilde bær. Line 850 wenne hundes hine bistondeð; i þon wode-londe. Line 851 Brutus heh((te)) his beornes; don on heora burnan. Line 852 & heora wæpne gode; for heo to feht sculden. Line 853 Vp heo duden heora castles ȝæten; & cofliche vt wenden. Line 854 fusden to þan Freinscan; & heo hem to-ȝan fengen. Line 855 Þær wes feiht swiðe strong; on alche halue hit wes stor. Line 856 þer wes monies kunnes folc; & moni cniht feie. Line 857 Þer hefde Brutus; enne mæi haihte Turnus. Line 858 swa wod he was to fehte; þat he feie iwerð. Line 859 He feolde þa Frensca; on feole kunne wisen. Line 860 mid his aȝene honden; he falde monie hundred. Line 861 ah he ferde to feor; ut from his iueren. Line 862 & heo him to liðden; on elchere siden. Line 863 mid wepnen hine wundeden; & seoððen hine slowen. Line 864 Brutus hine funde dead; & into þane castle dude. Line 865 & þer-inne bi-buriȝede; bi ane stan walle. Line 866 Þuru þan ilka Turnus; Turs wes ihaten. Line 867 Turuine al þat lond; þurh Turnus deaðe. Line 868 Brutus ferde ut; & fusde to fihte. Line 869 wreken he wolde his teonen; & Turnus his wine leoue. Line 870 To-gadere heo comen; & grundliche on-slowen. Line 871 þer wes bil ibeat; þer wes balu muchel. Line 872 & feht unimete; fæie þer feollen. Line 873 Þat feht wes wnder strong; þa Corineus of wode com. Line 874 mid michelene ferde; Brutun to fulste. Line 875 Brutus wes on ane half; Corineus an oðer. Line 876 Heo letten to-gliden; gares swiþe scarpe. Line 877 heo qualden þa Frensce; alle þa heo funden. Line 878 þus heo westen þat lond; & slowen þa leoden. Line 879 Nes næuer þa mon iboren; ne swa wis mon icoren. Line 880 þe cuðe i þon daȝe; tellen of þan deade. Line 881 hu monie þusende; þer weoren ileid to grunde. Line 882 Þa bleou Brutus; & bonnede his ferde. Line 883 & speken to-gadere; of feole wisdomes. Line 884 & funden on ræde; þat heo faren wolden. Line 885 Heo letten lude clepian; & cuðen ȝeond þat ferde. Line 886 þat Brutus þe sele; to þare sæ wolde. Line 887

Line 887 Swa heo ferden to heora scipa; mid allen heora uenge. Line 888 & mid seoluere & mid golde; þa wes Goffares kinges. Line 889 & þere Freinsce monnen; þe i þon feht for-worðen. Line 890 Heo ferden ut of hauene; þa heleðes weren bliðe. Line 891 wind stod on willen; þloȝede þe wil((d))e fisc. Line 892 þet water wes swiðe god; gumen weoren bliðe. Line 893 Lið[d]en þa leoden; þat heo on londe comen. Line 894 æt Dertemuðe i Totenes; wel wes Brutus þes. Line 895 Þa scipen biten on þat sond; & al þat folc eode an lond. Line 896 Þa hefde Brutus þa ȝeue; þat Diana him bi-heihte. Line 897 i Logice þan eit-londe; þer heo weoren at-stonden. Line 898 Muchel wes þa murðe; þe þat folc makode. Line 899 & heo Godd þonkeden; mid þeu-fulle worden. Line 900