Layamon's Brut (British Museum Ms. Cotton Caligula A.IX)

Lines 9801 through 9900

læten heom uorð liðen; an almes-monnes wisen. Line 9801 & wunien an hirede; mid heȝe þan kinge. Line 9802 and æuer-ælche dæie; þurh-gon al þa duȝeðe. Line 9803 and gan to þas kinges dale; swulc heo weoren vn-hale. Line 9804 & imong þan wracchen; harcnien ȝeorne. Line 9805 ȝif mon mihte mid crafte; a dæi oðer a nihte. Line 9806 inne Winchæstres tun; cumen to V[ð]er Pendragun. Line 9807 & mid morð-spelle; þene king aquellen. Line 9808 þenne weoren heore iwil; allunge iwurden. Line 9809 þenne weoren heo care-læse; of Costantines cunne. Line 9810 Nu wenden forð þa cnihtes; al bi dæies lihten; Line 9811 on ælmes-monnes claðes. cnihtes for-cuðest. Line 9812 to þas kinges hirede; þer heo hærm wrohten. Line 9813 Heo eoden to þære dale; swulc heo weoren un-hale. Line 9814 & hærcneden ȝeornen; of þas kinges hærme. Line 9815 hu me þæne king mihte; to dæðe idihte. Line 9816 Þa imetten heo enne cniht; from þan kinge he com riht. Line 9817 he wes Vðeres mæi; & monnen him leofuest. Line 9818 Þas swiken þer heo sæten; on-longen þere streten. Line 9819

Line 9819 cleopeden to þan cnihte; mid cu[ð]liche worden. Line 9820 Lauerd we beoð wracche men; a þissere weorlde-riche. Line 9821 while we weoren on londe; for gode men iholden. Line 9822 a þat Sæxisce men; setten us a-dune. Line 9823 & al bi-ræiueden us; & ure æhten binomen us. Line 9824 Nu we beden singeð; for Vðer kinge. Line 9825 ælche dæie on a mæl; ure mete trukeð. Line 9826 ne cumeð nauere inne ure disc; neoðer flæs ma no fisc. Line 9827 no nanes cunnes drænc; buten water scenc. Line 9828 buten water clæne; for þi we beoð þus læne. Line 9829 Þis iherde þe cniht; aȝæn he eode forð-riht. Line 9830 & com to þan kinge; þer he lai on bure. Line 9831 & seide to þan kinge. Lauerd beo þu on sunde. Line 9832 her-ute sitteð six men; iliche on heouwen; Line 9833 alle heo beoð iferen; iscrudde mid heren. Line 9834 While heo weoren; a þissere worlde-richen. Line 9835 god-fulle þeines; mid goden a-feolled. Line 9836 nu habbeoð Sæxisce men; isæt hom to grunden. Line 9837 þat heo beoð on weorlde; for wracchen i-halden. Line 9838 no raccheoð heo to borde; bu[t]en bræd ane. Line 9839 no to heore drenc%ches; bute water scenches. Line 9840 Þus heo leodeð heore lif; inne þire leode. Line 9841 & heore beoden biddeð; þat Godd þe lete longe libben. Line 9842 Þa quað V[ð]er þe king; Let heom cumen hide((r)) in. Line 9843 ich heom wulle scruden; & ich heom wulle ueden. Line 9844 for mines Drihtenes lufe; þa wille þa ich liuie. Line 9845 Comen into bure; beornes þa swikele. Line 9846 þe king heom lette feden; þæ king heom lette scruden. Line 9847 & nihtes hom læiden. ælc on his ((bedde)). Line 9848 and ælc on his halue; heoȝede ȝeorne. Line 9849 hu heo mihten þene king; mid morðe aquellen. Line 9850 ah ne mihten heo þurh naþing; aquellen Vðer þene king. Line 9851 ne þurh nane crafte; cumen to him ne [m]ahten. Line 9852 Þa iwærd hit in ane time; þe ræin him gon rine. Line 9853 þa cleopede þer a læche; þer he læi on bure. Line 9854 to ane bur-cnihte; and hahte hine forð-rihtes. Line 9855

Line 9855 irne to þere welle; þe wes on-væst þere halle. Line 9856 and setten þe[r]e ænne ohte swain; to biwiten heo wið ræin. Line 9857 For þe king ne mai on duȝeðe; bruken nanes drenches. Line 9858 buten cald welles stræm; þat him is ique[m]e. Line 9859 þat is to his ufele; aðelest alre drenc%che. Line 9860 Þas speche uorð-rihtes; iherden þas six cnihtes. Line 9861 to harme heo weoren wi((þ))te; and ut wenden bi nihte. Line 9862 forð to þere welle. þer ((ho)) hærm wrohten; Line 9863 Vt heo droȝen sone; amppullen scone. Line 9864 i-fulled mid attere; weten alre bitterest. Line 9865 six amppullen fulle; heo ȝeoten i þan welle. Line 9866 þa wes þa welle anan; al mid attre bi-gon. Line 9867 Þa weoren ful bliðe; þæ swiken on heore liue. Line 9868 & forð heo iwenden; ne dursten heo þer bilæfen. Line 9869 Þa comen þer forð-rihtes; tweien bur-cnihtes. Line 9870 heo beren on heore honde; twæie bollen of golde. Line 9871 Heo comen to þare welle; and heore bollen feolde. Line 9872 aȝæin heo gunnen wende; to Vðer þan kinge. Line 9873 forð in-to þan bure; þer he læi on bedde. Line 9874 Hail seo þu Vðer; nu we beoð icumen her. Line 9875 and we habbeoð þe ibroht; þat þu ær bedde. Line 9876 cæld welle water; bruc hit on wunne. Line 9877 Vp aras þe seocke king; & sat on his bedde. Line 9878 of þan watere he dronc; & sone he gon sweten. Line 9879 his heorte gon to wakien; his neb bigon to blakien. Line 9880 his wombe gon to swellen; þe king gon to swelten. Line 9881 Næs þer nan oðer ræd; þer wes Vðer king dæd. Line 9882 alle heo iwurðen dede; þat drunken of þan watere. Line 9883 Þa þat hired isah; þat sorhȝen of þan kinge. Line 9884 & of þas kinges monnen; þe mid attre weoren for-done. Line 9885 þa wenden to þere welle; cnihtes þe weoren snælle. Line 9886 & þa welle for-duden; mid derfulle swincche. Line 9887 mid eorðe & mid stanen; stepne hul makeden. Line 9888 Þa nomen þa duȝeðe; þene king dede. Line 9889 vnimete uolc; & forð hine uereden. Line 9890 stið-i-modede men; in; to Stanhengen. Line 9891 & hine þer bureden; bi leofen his broðer. Line 9892 side bi side; beiene heo þer liggeð. Line 9893 Þa com hit al to-gadere; þat hæhst wes on londe. Line 9894

Line 9894 eorles & beornes; & boc-ilarede men. Line 9895 heo comen to Lundene; to muchelere hustinge. Line 9896 Nomen heom ro rade; þeines riche. Line 9897 þat heo wolden ouer sæ. senden sonde; Line 9898 in-to Bruttainne; after bezst alre ȝeoȝeðe. Line 9899 þa a þissere weorlden-riche; a þan dæȝen weore. Line 9900