Layamon's Brut (British Museum Ms. Cotton Caligula A.IX)

Lines 9701 through 9800

ich wulle hine hiȝenliche fordon; oðer slæn oðer an-hon. Line 9701 Alle ful sone; to hirede heo comen. Line 9702 no durste þær bilæuen; na þæ uatte no þe læne. Line 9703 Þe king forð-rihtes; nom alle his cnihtes. Line 9704 & ferde him anan; to þan tune of [V]er[o]lam. Line 9705

Line 9705 abuten Uerolames tun; com him V[ð]er Pendragun. Line 9706 Octa wes wið-innen; mid alle his monnen. Line 9707 Þa wes Verolam; a swiðe kine-wurðe hom. Line 9708 Seint Alban wes þe[r] islæȝen; & idon of lif-dæȝen. Line 9709 Þe burh wes seoððe for-uaren; & muchel folc þer wes islæȝen. Line 9710 Vðer lai wið-uten; & Octa wið-innen. Line 9711 Vðeres ferde; fusde to wal((e)). Line 9712 ræsden to feondliche; þeines riche. Line 9713 ne mihte heo of þan walle; ænne stan falle. Line 9714 no mid nare strengðe; þene wal amærre. Line 9715 Wælle bliðe wes þæ; Hangestes sune Octa. Line 9716 þa he isæh Bruttes; buȝen from walle; Line 9717 & sorh-ful wenden. aȝæin to heore telden. Line 9718 Þa sæide Octa; to his iueren Ebissa. Line 9719 Her is icumen to [Vero]lam; V[ð]er þe lome mon. Line 9720 & wulle wið us here; fihten in his bære. Line 9721 he wænde mid his crucche; us a-dun þrucche. Line 9722 Ah to-mærȝe wæne hit dæi buð; duȝeðe scal arisen. Line 9723 & oppenien ure castel-ȝæten. þas riche we s[c]ullen al biȝeten. Line 9724 ne scullen we nauære here liggen. for ane lom%me monne. Line 9725 Ut we scullen riden; uppen ure steden. goden. Line 9726 and to Uðere fusen. & his folc fællen. Line 9727 for alle heo beoð fæie; þat hider beoð iridenen. Line 9728 and nimen þene lome mon; and leggen in ure benden. Line 9729 and halden þene wræcche; a þat he for-wurðe. Line 9730 & sa me scal lacnien; his leomes þat beoð sare. Line 9731 and his ban rihten; mid bite[r]e stelen. Line 9732 Þus him ispac Octa; wið his iuere Ebissa. Line 9733 ah al hit iwrað oðer; þene heo iwenden. Line 9734 A-marȝe þa hit daȝede; duren heo un-tunden. Line 9735 up aras Octa; Ebissa & Ossa. Line 9736 and hehten heore cnihtes; ȝarkien heom to fihte. Line 9737 vndon her brade ȝæten; burȝen un-tunen; Line 9738 Octa him ut ræd; & muche folc him after glæd. Line 9739 mid balden his beornen; þer he bælu funden. Line 9740 Vðer him þis isæh; þat Octa heom to bæh. Line 9741 & þohten his ferde; feolen to grunde. Line 9742

Line 9742 Þa cleopede Uðer; mid quickere stefene þer. Line 9743 Wær beo ȝe Bruttes; balde mine þeines. Line 9744 Nu is icumen þe ilke dæi; þe Drihten us helpen mai. Line 9745 þat Octa scal ifinden; þat he þrættede me to binden. Line 9746 Iþenche[ð] on eoure aldren; hu gode heo weoren to fehten; Line 9747 Iþenche[ð] þene wurð-scipe; þat ich eou habbe wel biwiten. Line 9748 ne læten ȝe næuere þas hæðene; bruken eoure hames. Line 9749 þæs ilke awedde hundes; walden eouwere londes. Line 9750 And ich wullen bidden Drihten; þat scop þæs dæies lihten. Line 9751 & alle þaie halȝen; þa an hæfene hæhȝe sitteð. Line 9752 þar [ich] on þissen felde; mote beon ifroured. Line 9753 Nu fuseð heom to swiðe; fulste eou Drihten. Line 9754 þe al-waldinde God bi-witen mine þeines. Line 9755 Cnihtes gunnen riden; gæres gunnen gliden. Line 9756 breken bræde speren br((u))sleden sceldes. Line 9757 helmes þer scenden; scalkes feollen. Line 9758 Þe Bruttes weoren balde; & bisie to fihten. Line 9759 & þa hæðene hundes; hælden to grunde. Line 9760 Þer wes islaȝen Octa; Ebissa & Ossa. Line 9761 þer seouen-tene þusend; siȝen into helle. Line 9762 feole þer at-wenden; touward þan norð enden. Line 9763 Al þene dæi-lihte; Vðeres cnihtes. Line 9764 sloȝen and nomen; al þat heo neh comen. Line 9765 þa hit wes eauen; þa wes hit al biwunnen. Line 9766 Þa sunggen hired-men; mid hæȝere strengðe. Line 9767 & þæs word sæiden; inne murie heore songen. Line 9768 Her is V[ð]er Pendragun; icume to Verolames tun; Line 9769 & he hæfueð idubbed swa; Octa & Ebissa & Ossa. Line 9770 & itah heom a londen; laȝen swiðe stronge. Line 9771 þat men maȝen tellen; heore cun to spelle. Line 9772 and þer-of wurchen songes; inne Sæx-londe. Line 9773 Þa wes Vðer bliðe; & igladed swuðe. Line 9774 and spac wið his duȝeðe; þe deore him wes an heorte. Line 9775 & þas word sæide; Vðer þe alde. Line 9776 Sexisce men me habbeo[ð]; for hene ihalden. Line 9777 mine unhæle me at-witen; mid heore hoker-worden. Line 9778 for ich wes here; ilad inne horse-bere. Line 9779 & sæiden þat ich ((wes)) ded; and mi duȝeðe aswunden. Line 9780

Line 9780 And nu is muchel sellic. isiȝen to þissere riche; Line 9781 þat nu haueð þeos dede king; þas quiken aqualden. Line 9782 & summe he heom flæmde; uorð mid þan wedere. Line 9783 Nu iwurðen her-after; Driht%tenes wille. Line 9784 Fluȝen Sæxisce men; feondliche swiðe. Line 9785 þe weoren bihalues; ihalden from þan fihte. Line 9786 forð heo gunnen scriðen; into Scotlonde. Line 9787 and nomen heom to kinge; Colgrim þene hende. Line 9788 He wes Hængestes mæie; & monnen him leofuest. Line 9789 and Octa hine lufede; þæ while þe he leouede. Line 9790 Weoren þa Saxisce men; swiðe iswunten. Line 9791 & iscriðen heom to-somne; into Scot-londe. Line 9792 & Colgrim þene hende; heo makeden to kinge. Line 9793 & sumneden færde; wide ȝeond þan ærde. Line 9794 and sæiden þat heo wolden; mid heore wiðer-craften. Line 9795 inne Winchastre tun; quellen Vðer Pendragun. Line 9796 Wa la wa; þat hit sculde iwurðen swa. Line 9797 Nu sæiden Saxisce men; in heore som-runen; Line 9798 Nime we six cnihtes; wise men and wihte. Line 9799 hæweres witere; & senden we to hirede. Line 9800