Layamon's Brut (British Museum Ms. Cotton Caligula A.IX)

Lines 9601 through 9700

Cnihtes eoden to ræde; cnihtes eoden to rune. Line 9601 radden þat heo nalden; þene castel lengere halden. Line 9602 heore brugge heo duden adun; & bitahte hine Vðer Pendragun. Line 9603 Þa stod al þis kine-lond; æft an Vtheres hond. Line 9604 Þer Vðer þe king; nom Ygærne to quene. Line 9605 Ygærne wes mid childe; bi Vðer kinge. Line 9606 al þurh Merlines wiȝel; ær heo biwedded weore. Line 9607 Þe time com þe wes icoren; þa wes Arður iboren. Line 9608 Sone swa he com an eorðe; aluen hine iuengen. Line 9609 heo bigolen þat child; mid galdere swiðe stronge. Line 9610 heo ȝeuen him mihte; to beon bezst alre cnihten. Line 9611 heo ȝeuen him an-oðer þing; þat he scolde beon riche king. Line 9612 heo ȝiuen him þat þridde; þat he scolde longe libben. Line 9613 heo ȝifen him þat kine-bern; custen swiðe gode. Line 9614 þat he wes mete-custi; of alle quike monnen. Line 9615 þis þe alue him ȝef; and al swa þat child iþæh. Line 9616 Æfter Arður wes iboren; þeo ædie burde Line 9617 heo wes ihaten Æne. þat ædien maiden. Line 9618 & seoððen heo nom Loð; þe Leones ahte. Line 9619 heo wæs inne Loeneis; leodene læfdi. Line 9620 Longe l[i]uede Vðer; mid muchelere blisse her. Line 9621 mid gode griðe mid gode friðe; freo on kine-dome. Line 9622 Þa þe he wes ald mon; þa com him ufel on. Line 9623 þat vfel hine læide adun; seoc wes Vðer Pendragun. Line 9624 swa he wes here; seoc seoue ȝere. Line 9625 Þa iwurðen Bruttes; swiðe [un]balded. Line 9626 heo duden ofte unwræste; al for æie-leste. Line 9627 Þe ȝet læi ibunden; in þe quarterne of Lunden. Line 9628 Octa Hengestes sune; þa at Eouerwic wes inume. Line 9629

Line 9629 and his iueren Ebissa; & his o[ð]er Ossa. Line 9630 Heom biuusten twælf cnihtes; dæies and nihtes. Line 9631 þa weoren weri of-læien; inne Lundenne. Line 9632 Octa iherde suggen; of seoc-nesse þas kinges. Line 9633 & spac wið þa wardes-men; þe hine witen scolden. Line 9634 Hærcneð me nu cnihtes; þat ich eou wulle cuðen. Line 9635 We liggeð here i Lundene; uaste ibunden; Line 9636 and ȝe monienne longne dæi; ouer us ilæien habbeoð. Line 9637 Bettere us weoren to libben; inne Sexlonde. Line 9638 mid muchele richedome; þene þus reouliche here; Line 9639 & ȝif ȝe wolden iwurðen; & don mine iwille. Line 9640 ich eou wolden ȝiuen lond; muchel seoluer & gold. Line 9641 þat a ȝe mihten riche; rixlien in þan londe. Line 9642 and eoure lif libben; swa eou bið alre leofuest. Line 9643 For no biden ȝe nauere ȝiuen gode; of Vðer kinge. Line 9644 for nu ful raðe he bið dæd; and his duȝeðen al bilæueð. Line 9645 þenne nabben ȝe nouðer; þat an no þat o[ð]er. Line 9646 Ah biðenche eou ohte men; & doð us eoure mildze on. Line 9647 & þencheð whæt eou weoren leof; ȝif ȝe þus ibunden leien. Line 9648 & mihten in eouwer londe; libben inne winne. Line 9649 Swiðe ofte Octa; wið þæs cnihtes spac swa. Line 9650 Cnihtes gunnen runen; cnihtes gunnen ræden. Line 9651 to Octa heo seiden ful stille; We scullen don þine iwille. Line 9652 Aðes heo sworen; swiken þat heo nalden. Line 9653 Hit wæs in ane nihte; þat þe wind wende rihte. Line 9654 forð i-wenden cnihtes; to þere mid-nihte. Line 9655 and ledden uorð Octa; & Ebissa & Ossa. Line 9656 after þere Temese; tuhten forð in-to þere sæ. Line 9657 forð heo iwenden; into Sæx-londen. Line 9658 Heore cun heom com aȝeines; mid mucle flockes. Line 9659 heo liðen ȝeond þan leoden; swa heom wes alre leofuest. Line 9660 me heom bi-tahte lond; me ȝæf heom seoluer & gold. Line 9661 Octa hine bi[ð]ohte; whæt he don mahte. Line 9662 he þohten hider wenden; & wræken his fader wunden. Line 9663 Ferden heo biȝæten; of folke vnimete. Line 9664 to þere sa heo wenden; mid muchele þrætte. Line 9665 to Scotlonde heo comen; Line 9666 sone heo fusden alond. and mid fure hit igrætten; Line 9667

Line 9667 Sæxes weoren ræie. Scottes heo sloȝen; Line 9668 mid fure heo adun læiden. [þri]tti hundred tunes; Line 9669 Scottes heo sloȝen; moni and unifoȝen. Line 9670 Comen þa tidende; to Vðer kinge. Line 9671 Vðer wes swiðe wa; & wunderliche ihærmed. Line 9672 and senden into Loæines; to leofen his freonden. Line 9673 and grette Lot his aðum; & hehte hine beon an sund. Line 9674 & hahte hine nimen an his hond; al his kine-wurðe lond. Line 9675 chihtes and freomen; and freo-liche heom halden. Line 9676 & leden heom to ferde; swa laȝen beoð an ærde. Line 9677 & he hæhte his cnihtes leoue; beon hærsume Loðe. Line 9678 mid leofliche læten swulc he weoren leodene king. Line 9679 For Lot wes swiðe god cniht, & hafde ihalden moni fiht. Line 9680 and he wes mete-custi; æuer-alche monne. Line 9681 he bi-tahten him þa warde; of alle þissen ærde. Line 9682 Octa heold muche vnfrið; & Lot faht him ofte wið. Line 9683 & ofte he ahte biȝæt; & ofte he heom losede. Line 9684 Bruttes hafden muchel mode; & vni-mete prute. Line 9685 & weoren æie-lese; for þas kinges alde. Line 9686 and lætten swiðe hokerliche; of Lote þan eorle. Line 9687 and duden swiðe vnwraste; alle his haste. Line 9688 and weoren alle twi-ræde; heore teone wes þa mare. Line 9689 Þis wes isæid sone; seocken þan kinge. Line 9690 þat his hæȝe men; Lot al for-hoȝeden. Line 9691 Nu ich þe wulle tellen; a þissen boc-spællen. Line 9692 hv Vðer þe king; uu[nd]ede hine seolven. Line 9693 He sæide þat he wolde; wende to his ferde. Line 9694 and mid his eȝene iseon; wæ þer wolde wel don. Line 9695 He lette makien þere; gode horse-bere. Line 9696 & letten beoden uerde; ȝeond al his kine-ærde. Line 9697 þat ælc mon bi his liue; comen to him swiðe. Line 9698 bi heore liue & bi heore leme. to wræken þas kinges scome. Line 9699 & ȝif þær is æi gume; þæt nulle hiȝenliche cume. Line 9700