Layamon's Brut (British Museum Ms. Cotton Caligula A.IX)

Lines 9401 through 9500

Ah longe is æuere; þat ne cum%með nauere. Line 9401 þat he heo biwinne; bute þurh mine ginne. Line 9402 for nis na wimmon treowere; in þissere worlde-riche. Line 9403 & neoðe-les he scal aȝe; þa hende Ygærne; Line 9404 on ((hir)) he scal streonen; þat scal wide sturien. Line 9405 he scal streonien hire on; ænne swiðe sellichne mon. Line 9406 Longe beoð æuere; dæd ne bið he næuere. Line 9407 þe wile þe þis world stænt; ilæsten scal is worð-munt. Line 9408 and scal inne Rome; walden þa þæines. Line 9409 Al him scal abuȝe; þat wuneð inne Bruttene. Line 9410 of him scullen gleomen; godliche singen. Line 9411 of his breosten scullen æten; aðele scopes. Line 9412 scullen of his blode; beornes beon drunke. Line 9413 of his eȝene scullen fleon; furene gleden. Line 9414 ælc finger an his hond; scarp stelene brond. Line 9415 scullen stan walles; biuoren him to-fallen. Line 9416 beornes scullen rusien; reosen heore mærken. Line 9417 Þus he scal wel longe; liðen ȝeond londen. Line 9418 leoden biwinnen; & his laȝen sette; Line 9419 Þis beoð þa ((ta))cnen of þan sune. þe cumeð of U[ðe]re Pendragune. Line 9420 and of Ygærne; Þes speche is ful derne. Line 9421 for ȝet næt hit neoðer. Ygærne no Uðer. Line 9422 þat of Vðere Pendragune; scal arisen swilc a sune. Line 9423 for ȝet he beoð unstreoned; þa sturieð al þa þeoden. Line 9424 Ah Lauerd quað Merlin; nu hit is iwille þin. Line 9425 þat forð I scal fusen. to uerde þas kinges; Line 9426 þi word ich wulle heren. and nu ich wulle wende; Line 9427 and faren ich wulle for þire lufe; to Vthere Pendragune. Line 9428 and habben þu scalt þat lond; þat he þe sette an hond. Line 9429 Þus heo þa ispecken; þæ æremite gon to weopen. Line 9430 deorliche he hine custe; þer heo gunnen dælen. Line 9431 Merlin ferde riht suð; þat lond him wæs ful cuð. Line 9432 forð-riht he fusde; to þes kinges ferde. Line 9433 Sone swa Vðer hine isæh; swa he him to-ȝeines bæh. Line 9434 & þus quað V[ð]er Pendragune; Mærlin þu ært wilcume. Line 9435 Her ich sette þe an honde; al þene ræd of mine londe. Line 9436 and þat þu me ræde; to muchere neode. Line 9437 Vther him talde; al þat he walde. Line 9438

Line 9438 & hu Ygærne him wes on leoden; wimmo[n]nen leofest. Line 9439 and Gorlois hire lauerd; mo[n]nenen alre laðest. Line 9440 & buten ich habbe þinne ræd; ful raðe þu isihst me dæad. Line 9441 Þa andswerede Merlin; Let nu cume in Vlfin. Line 9442 & bitæc him an honde; þritti sulȝene lond. Line 9443 & bi-tæc þan æremite; þat þu him bihete. Line 9444 for nulle ich aȝæn na lond; neouðer [seoluer na gold]. Line 9445 for ich am on rade. rihchest alre monnen. Line 9446 & ȝif ich wilne æhte; þenne wursede ich on crafte. Line 9447 Ah al þin iwille; wel scal iwurðen. Line 9448 for ich con swulcne leche-craft; þe leof þe scal iwurðen. Line 9449 þat al scullen þine [ch]eres; iwurðen swulc þas eorles. Line 9450 þi speche þi dede; i-mong þere duȝeðe. Line 9451 þine hors & þine iwe[d]e; & al swa þu scalt ride. Line 9452 þenne Ygæ[r]ne þe scal iseon; a mode hire scal wel beon. Line 9453 heo lið inne Tintaieol; uaste bituned. Line 9454 Nis nan cniht swa wel iboren; of nane londe icoren. Line 9455 þe mi[d] strengðe of Tintaieol; þe ȝeten mihten un-tunen. Line 9456 buten he weoren ibirsted; mid hungere & mid þurste. Line 9457 Þat is þat soðe; þat ich þe sugge wulle. Line 9458 þurh alle þinge þu scalt beon; swulc þu eorl weore. Line 9459 & ich wulle beon iwil del; swulc him is Brutael. Line 9460 þat is a cniht swiðe herd; he is þeos eorles stiward. Line 9461 Iurdan is his bur-cniht; he is swiðe wel idiht. Line 9462 Ich wulle makien anan; Ulfin swulc is Iurdan. Line 9463 Þenne bist þu lauer[d]; & ich Brutael þi stiward. Line 9464 & Ulfin Iurdan þi bur-cniht; & we scullen faren nu to-niht. Line 9465 faren þu scalt bi ræde; wuder-swa ich þe læde. Line 9466 Scullen nu to-nihte; half hundred cnihten. Line 9467 mid speren and mid scelden; beon abuten þine telden; Line 9468 þat nauere nan qui[k] mon; ne cumen þer aneosten. Line 9469 & ȝif þer auer-æi mon cume; þat his hæued him beon bi-numen. Line 9470 for þa cnihtes scullen suggen; selen þine beornen. Line 9471 þat þu ært ilete blod. and restest þe on bædde. Line 9472 Þas þing%ges forð-rihte; þus weoren idihte. Line 9473 Forð ferde þe king; næs hit cuð na-þing. Line 9474

Line 9474 and ferden forð mid him; Vlfin & Merlin. Line 9475 he tuȝen riht þen wæi; þa in-to Tintaieol læi. Line 9476 heo comen to þas castles ȝæte; & cuð-liche cleopeden. Line 9477 Vndo þis ȝæt-essel; þe eorl is icumen here. Line 9478 Gorlois þe læuerd; & Britael his stiward. Line 9479 and Iurdan þe burcniht; we habbeoð ifaren al niht. Line 9480 Þe ȝæte-ward hit cudde ouer-al; & cnihtes urnen uppen wal. Line 9481 and speken wið Gorlois; and hine icneowen mid iwis. Line 9482 Þa cnihtes weoren swi[ð]e whæte; and wefden up þa castles ȝæte. Line 9483 & letten hine binnen fare; þa læsse wes þa heore care. Line 9484 heo wenden mid iwisse; to habben muchel blisse. Line 9485 Þa hædden heo mid ginne; Merlin þer wið-inne. Line 9486 & heo[lden] Vðer þene king; wið-inne heore walding. Line 9487 and ledde þer mid him; his gode þein Ulfin. Line 9488 Þis tidinde com biliue; in to þan wife. Line 9489 þæt hire læuerd wes icumen; and mid him his þreo gumen. Line 9490 Vt com Ygærne; forð to þan eorle. Line 9491 and þas word seide; mid wunsume wurde. Line 9492 Wil-cume læuerd; monne me leofest. Line 9493 & wilcume Iurdan; and Britael is a[l]swa. Line 9494 Beo ȝe mid isunde; to-dæled from þan kinge. Line 9495 Þa quæð Vðer ful iwis; swulc hit weore Gorlois. Line 9496 Muchel þat mon-kun; þæt is mid Vther Pendragun. Line 9497 and ich æm bi nihte; bi-stole from þan fihte. Line 9498 for æfter þe ic wes of-longed; wifmonne þu ært me leofuest. Line 9499 Buð in-to bure; & let mi bed makien. Line 9500