Layamon's Brut (British Museum Ms. Cotton Caligula A.IX)

Lines 9301 through 9400

Uppen þere sæ-stronde; Tintaieol stondeð. Line 9301 he is mid sæ-cliuen; faste biclused. Line 9302 þat ne bið he biwunne; þurh nanes cunnes monnen. Line 9303 bute ȝif hunger; cumen þer an-vnder. Line 9304 Þe eorl uerde þenne; mid seouen þusend monnen. Line 9305 & wende to ane oðere castle; and bic[lu]sde hi[ne] ful uæste. Line 9306 and bilefde his wif in Tintaieol; mid ten þusend monnen. Line 9307 For ne þurue þa cnihtes; dæies na nihtes. Line 9308 buten biwiten þat castelȝat; & careles liggen. slæpen. Line 9309 and þe eorl wuste þene oðer; & mid him his a[ȝen] broðer. Line 9310 Þis iherde Vther; þe king wes swiðe steorc. Line 9311 þat Gorlois his eorl; his ferde hafde igadere[d]. Line 9312 and wolde halde weorre; mid muchelere wraððe. Line 9313 Þe king bad his ferde; ȝeond al þissen ærde. Line 9314 & ȝeond al þan londe. þa stoden an his honde. Line 9315 monies kinnes leoden; liðen heom to-gæderes. Line 9316 and comen to Lundene; to þan leod-kinge. Line 9317 Ut of Lundene tun; ferde Vðer Pendragun. Line 9318 he & his cnihtes. ferde uorð-rihtes. Line 9319 swa longe þat heo comen; into Cornwæille. Line 9320 & ouer þat water heo tueoȝen; þat hatten Tambreis. Line 9321 riht to þan castle; þer heo Gorlois wusten. Line 9322

Line 9322 Mid muchelere læðe; þene castel heo bilæien. Line 9323 ofte heo to-ræsden; mid ræȝere strengðe. Line 9324 to-somne heo leopen; leoden þer feollen. Line 9325 Fulle seouen nihte; þe king mid his cnihten; Line 9326 bilæi þene castel; his men þer hafeden sorȝen. Line 9327 ne miste he of þan eorle; naþing iwinnen. Line 9328 and alle þa seouen nihte; ilaste þat selliche feoht. Line 9329 Þa iseh Vðer king; þat him ne spedde naðing. Line 9330 ofte he hine biþohte; whæt he don mahte. Line 9331 for Ygærne him wes swa leof; æfne alse his aȝen lif. Line 9332 and Gorlois him wes on leoden; monnen alre læðest. Line 9333 & ælches weies him wes wa. a þissere weorlde-riche. Line 9334 for he ne mihte beon wurðe; na-þing of his wille. Line 9335 Þa wes mid þan kinge; an ald mon swuðe hende. Line 9336 he wes a swiðe riche þein; and ræh on ælche dome. Line 9337 he wes ihaten Vlfin; muche wisdom wes mid him. Line 9338 Þe king bræid up his chin; and bisah an Vlfin. Line 9339 swiðe he murnede; his mod wes iderued. Line 9340 Þa quað Vðer Pendragun; to Ulfin þan cnihte. Line 9341 Ulfin ræd me sumne ræd; oðer ich beo ful raðe dæde. Line 9342 swa swiðe me longeð; þat ne mai i noht libben. Line 9343 after þere faire Ygærne; Þis word halt me derne. Line 9344 for Ulfin þe leoue; aðele þine lare. Line 9345 lude & stille; don ich heom wulle. Line 9346 Þa andswarede Ulfin; þan kinge þet spac wið him. Line 9347 Nu ihere ich muche seollic; ænne king suggen. Line 9348 Þu luuest Ygærne; and halst hit swa deorne Line 9349 þe wifmon is þe to leof; & hire lauerd al to lað. Line 9350 his lond þu forbernest; & hine blæð wurchest. Line 9351 and þrattest hine to slænne; & his cun to for-donne. Line 9352 Wenest þu mid swulche hærme; to biȝeten Ygærne. Line 9353 þenne heo sculde don; swa ne deð na wif-man. Line 9354 mid æie vnimete; halden luue swete. Line 9355 Ah ȝif þu luuest Ygærne; þu sculdest hit halden derne. Line 9356 and senden hire sone; of seoluere and of golde. Line 9357 & luuien hire mid liste; & mid leofliche bihæste. Line 9358 Þa ȝet hit weore a wene; whar þu heo mihtes aȝe. Line 9359 for Ygærne is wel idon; a swiðe treowe wimmon. Line 9360 swa wes hire moder; & ma of þan kunne. Line 9361 To soðe ich þe suggen; leofest alre kinge. Line 9362

Line 9362 þat oðere weies þu most ag[i]nnen; ȝif þu hire wult awinnen. Line 9363 For ȝursten-dæi me com to; an æremite wel idon. Line 9364 & swor bi his chinne; þat he wuste Merlin. Line 9365 whar he ælche nihte; resteð vnder lufte. Line 9366 and ofte he him spæc wið; & spelles him talde. Line 9367 & ȝif we mihte Merlin; mid liste biwinnen. Line 9368 þenne mihtest þu þine iwille; allunge biwinne. Line 9369 Þa wes Vðer Pendragun; þa softer an his mode. Line 9370 & ȝ[a]f and-sware red; Vlfin þu hauest wel isæd. Line 9371 Ich þe ȝiue an honde; þritti solh of londe. Line 9372 þat þu Merlin biwinne; & don mine iwille. Line 9373 Vlfin ȝeond þat folc wende; & sohte al þa uerde. Line 9374 & he vmbe stunde; þene æremite f[u]nde. Line 9375 and an hiȝinge; brohte hine to þan kinge. Line 9376 and þe king him sette an hond; seouen sulȝene lond. Line 9377 ȝif he mihte bringen; Merlin to þan kinge. Line 9378 Þe æremite gon wende; in þene west ænde. Line 9379 to ane wilderne; to ane wude muchele. Line 9380 þer he iwune[d] hafde. wel feole wintre. Line 9381 and Merlin swiðe ofte; þer-inne sohte. Line 9382 Sone þe armite com in; þa ifunde he Mærlin. Line 9383 vnder ane treo stonden; and sære him gon longen. Line 9384 þene æremite he isæh cume; alse while wes his iwune. Line 9385 he orn him to-ȝænes; beiene heo uæineden þas. Line 9386 heo clupten heo custen; and cuð-liche speken. Line 9387 Þa sæide Merlin; muchel wisdom wes mid him. Line 9388 Sæie þu mi leofe freond; wi naldest þu me suggen. Line 9389 þurh nanes cunnes þinge; þat þu wældest to þan kinge. Line 9390 Ah ful ȝare ich hit wuste; anan swa ich þe miste. Line 9391 þat þu icumen weore; to Vðere kinge. Line 9392 and what þe king þe wið spæc; and of his londe þe bæd. Line 9393 þat þu me sculdest bringe; to Vðer kinge. Line 9394 And Vlfin þe sohte; & to þan kinge brohte. Line 9395 & Vðer Pendragun. forð-rihtes anan. Line 9396 sette him an honde. þritti solh of londe. Line 9397 & he sætte þe an honde; seoue sulhȝene lond. Line 9398 Vther i[s] of-longed; æfter Ygærne þere hende. Line 9399 wunder ane swiðe; after Gorloises wiue. Line 9400

Line 9400