Layamon's Brut (British Museum Ms. Cotton Caligula A.IX)

Lines 8801 through 8900

Hit wes an ane dæie; his duȝeðe weoren bliðe. Line 8801 þer com faren Appas; feondes hine væ[re]den)) Line 8802 To Passent he quað þus; Cum hidere to us. Line 8803 Ich þe wulle telle; of ane wil-spalle. Line 8804 Ich was at Winchæstre; at þine wiðer-iwinnen. Line 8805 þer lið þe king seoc; & sorh-ful an heo((r))ten. Line 8806 What scal beon mi mede; ȝif ic þider ride. Line 8807 & ich þe swa iqueme; þat ich hine aque((le)); Line 8808 þa andswarede Passen; and toward Appase went. Line 8809 Ich bi-hate þe todæi; an hundred pund. for ic mæi. Line 8810 ȝif þu me iquemest; þat þu hine aquelle. Line 8811 Treoðen he plihten; þesne swike-dom to dihten. Line 8812 Appas eode to bure; & þesne balu mæinde. Line 8813 he wes an hæðene gume; ut of Sax-londe i-cume. Line 8814 Muneckes claðes he nom an; he scar his crune ufenen. Line 8815 he nom him tweien iueren; & forð he gon fusen. Line 8816 & wende anan rihte; in-to Winchæstre. Line 8817 swulc hit weore an hali mon; þe hæðene deouel; Line 8818 He wende to þan burhȝate; þer þe king on bure lai. Line 8819 & gratte þene dure-ward; Godes grætinge. Line 8820 & bad hine an hiȝinge; gan in to þan kinge. Line 8821 & suggen him to soðe; þat Vther his broðer. Line 8822 hæfde him þider i-send; seolne læche. Line 8823 þene bezste læche; þe wunede an æi londe. Line 8824 þe auer-ælcne sucne mon; of ufele bringen con. Line 8825

Line 8825 Þus læh þe laðe mon; leodene kinge. Line 8826 for Uther wes ifaren; forð mid his ferde. Line 8827 no nauer Vther hine ne isæh; ne þider hine i-sende. Line 8828 & þe king wende þat hit weore soð; & ilefde him inoh. Line 8829 Wha wolde wene; þat he swike weore. Line 8830 for an his bare liche; he weorede ane burne. Line 8831 þer-ufenen he hæfde; ane lad-liche here. Line 8832 & seoð[ð]en ane cule; of ane blake claðe. Line 8833 iblæcched he hæfede his licame; swulc ismitte of cole. Line 8834 He cneolede to þan king%ge; his spæche wes ful milde. Line 8835 Hail seo þu Aurilien; aðelest alre kingen. Line 8836 Hider me sende Vther; þe is þin aȝen broðer. Line 8837 & ich al for Godes luue; æm to þe her icume. Line 8838 for ich þe wulle helen; & al hal makien. Line 8839 for Cristes leofe Godes sune; ne ræche ich nane garsume. Line 8840 no mede of londe; no of seoluere no of golde. Line 8841 ah ælche seocken ich hit do; for luue of mine Drihtene. Line 8842 Þis iherde þe king; hit wes him swiðe iqueme. Line 8843 ah whar is æuere æi mon; a þisse middel-ærde. Line 8844 þe þis wolde wenen; þat he swiken weore. Line 8845 He nom his glæs-fat anan; & þe king mæh þer-on. Line 8846 Anne while after þan; þat glæs-fat an honden nom. Line 8847 & sceoweden hit forð-riht%tes; biforen þas kinges cnihtes. Line 8848 & þus sæide anan Appas þe haðene mon; Line 8849 Ȝif ȝe me wulleð ileuen; ær to-marwen eue. Line 8850 þes king scal beon al hal; ihaled an his willen. Line 8851 Þa weoren bliðe; alle þa weoren i bure. Line 8852 Appas eoden in ænne bur; & þat balu mæinde. Line 8853 & dude þer-to atter; þa scamoie((ne)) hatte. Line 8854 & com ut forð-rihtes; imong þa burh-cnihtes. Line 8855 & þan kinge he gon dæle; muchel canele. Line 8856 & gingiuere & licoriz; he hom lefliche ȝef. Line 8857 alle heo nomen þat lac; & he heom alle bi-swac. Line 8858 Þeos swike feol a cneowe; at-foren þan leod-kinge. Line 8859 & þus saide him to; Lauerd nu þu scalt a-fon. Line 8860 of þissen drinchen ane dæle; þat scal beon þin hale. Line 8861 & þe king up drong; & þer þat atter he dronc. Line 8862 Anan swa he hafde idrunke; þe leche hine adun læide. Line 8863 Þus seide Appas; to þan bur-cnihtes. Line 8864

Line 8864 Wreoð nu wel þene king; þat he ligge a swæting. Line 8865 for ich sugge eou þurh alle þing; al hal beoð aure king. Line 8866 & ich wulle to mine inne; and speken wið mine monnen. Line 8867 & to þere mid-nihte; ich cume forð-rihtes. Line 8868 mid oðer lache-crafte; þa sculleð beon him liðe. Line 8869 Forð wende þe swike; þe king læi on sweuete. Line 8870 Appas to his inne; & spec wið his monnen. Line 8871 mid stilleliche rune; bistal of þan tune. Line 8872 To þere mid-nihte; þa sende þa burh-cnihtes. Line 8873 sixe of heore monne; to Appases inne. Line 8874 heo wenden hine to finden; and longi hine to þan kinge. Line 8875 þa wes he ifloȝen; & feondes hine uæreden. Line 8876 Þa men aȝein comen; þer þe king wunede. Line 8877 & cudden i þan bure; of Appases fore. Line 8878 Þa mihte me iseon; sorȝen inoȝe beon. Line 8879 cnihtes feollen a-dun; & ȝirnden heore dæðes. Line 8880 Þer wes muchel waning; heortne graning. Line 8881 þer wes moni reolic spel; þer wes gumene iȝel. Line 8882 Heo leopen to þan bedde; & þene king hedden. Line 8883 þa ȝet he lai on sweouete; & on muchele swate. Line 8884 Þæ cnihtes mid weope; þene king awehten. Line 8885 & heo him to cleopeden; mid mildere steuene. Line 8886 Lauerd hu mid þe; hu beoð þine beo[r]ste. Line 8887 For nu is ure læche ifaren buten laue. Line 8888 iliðen ut of hirede; for hæne us bilæued. Line 8889 Þe king heom ȝ[a]f andsware; Al ic æm to-swollen. Line 8890 & þer nis nan o[ð]er ræd; nu nan ich wurðe dæd. Line 8891 & ich bidde forð-rihtes; ȝe beoð mine cnihtes. Line 8892 þat ȝe græten Vther; þe is min aȝe broðer. Line 8893 & biddeð hine halden; mi lond an on-walde. Line 8894 Godd seolf þurh alle þing; lete hine beon god king. Line 8895 & hateð hine beon kene; & æiwær riht deme. Line 8896 wærc%che uolke for fæder; hænen to frouere. Line 8897 þenne maie he halde; lond an on-walde. Line 8898 & nu to-dai þenne ich beo dæd; nimeð alle anne ræd. Line 8899 & leteð me i-lenge; riht to Stanhenge. Line 8900