Layamon's Brut (British Museum Ms. Cotton Caligula A.IX)

Lines 8601 through 8700

þenne þi lif endeð; þer þu scalt resten. Line 8601 Þus seiden Mærlin; & seoððen he sæt stille. Line 8602 al-se þeh he wolde; of worlden iwiten. Line 8603 Þe king hine lette bringen; into ane fære bure. Line 8604 & wunien þer-inne; æfter his iwille Line 8605 Aurilie þe king; lette beoden husting. Line 8606 of alle þan londe; þa stod an his honde. Line 8607 he bad him ræde; to swulchere neode. Line 8608 and heo him wel rædden; riche his beornes. Line 8609 þat he dude þene ræd; þat Mærlin him hauede is[æd]. Line 8610 Ah heo nælden leden þene king; ut of þis londe. Line 8611 ah heo curen heom to ældre; Vther þene gode. Line 8612 & fif-tene þusend cnihten; fæire i-wepned. Line 8613 baldere Brutten; þa þider sculde buȝen. Line 8614 Þa þas ferde wes al ȝaru; þa bigunnen heo to faren. Line 8615 mid alle þan bezste scrip%pen; þæ bi þære sæ stoden. Line 8616 & ferden swa longe; þat heo comen to Irlonde. Line 8617 & þa hauene nomen; þæ cnihtes wel idone. Line 8618 heo eoden uppen sæ-strond; & biheolden Irlonde. Line 8619 Þa spæc Mærlin; & spilede mid worden; Line 8620 I-seo ȝe nu ohte men. þene muchelne hul; Line 8621 þe hul swa swiðe hæh; þere weolcne he is ful neh. Line 8622 þat is þat seolliche þing; hit hatte þere Eotinde Ring. Line 8623 elches weorkes unniliche; hit com of Aufrike. Line 8624 Slæð eower teldes; ȝeond al þas feldes. Line 8625 Her we scullen ræsten; to þreom dæȝen uirsten. Line 8626 i þan feorðe dæiȝe; we scullen heonne fusen. Line 8627 touward þan hulle; þer is ure iwille. Line 8628 Ah we scullen us ær baðien; & bonnien ure beornes. Line 8629 græiðien ure wepnen; for wel heo us bi-houeð. Line 8630 Þus hit bi-læfde; & þer læie þa ferde. Line 8631 Þeo ahte Irlond; a king þat wes swiðe strong. Line 8632 he hæhte Gillomaurus; gomenen he wes lauerd. Line 8633 him comen þa tiðende; þat Brutes weoren an londe. Line 8634 he lette beoden ferde; ȝeond alle Irlondes ærde. Line 8635

Line 8635 & he gon þretien swiðe; þat al he wolde heom to-driue. Line 8636 þa þat word him com to; þat Brutes wolden þer don. Line 8637 & comen to þan anes; to fæchen þa stanes. Line 8638 þa þe king Gillomar; makede muc%chel hoker & scarn. Line 8639 & seide þat heo weoren; sotten iueren. Line 8640 þat ouer sæ brade; þider weoren iliðene. Line 8641 to sechen þer stanes; ase in heore londe neoren nane. Line 8642 and swor a Seint Brænden; Ne scullen heo læden ænne stan. Line 8643 ah for þan stanen heo scullen ibiden; alre baluwenen mæst. Line 8644 heore blod ȝeoten; ut of heore buken. Line 8645 & swa me scal heom tachen; stanes to sæchen. Line 8646 & seoððen ich wulle buȝen; in-to Brut-londe. Line 8647 & suggen þan king Aurilie; þat mine stanes ich wullen werien. Line 8648 & buten þe king beon stille; & don mine iwille. Line 8649 ich wulle in his londe; mid fæhte at-[ston]den. Line 8650 maken him weste paðes; & wildernes monie. Line 8651 widewen i-noȝe; heore weres scullen deȝe. Line 8652 Þus þe vnwise king; plaȝede mid worden. Line 8653 ah al an oðer hit iwærð; oðer he iwende. Line 8654 Ȝaru wes hes ferde; & forð heo gon fusen. Line 8655 swa longe þat heo comen; þer læien Brutes on. Line 8656 To-gaderen heo comen; & hærd-liche on-sloȝen. Line 8657 & fuhten feond-liche; feollen þa fæie. Line 8658 Þa Irisce weoren bare; & Bruttes iburnede. Line 8659 þa Irisce fullen; & wriȝen al þa feldes. Line 8660 & þe king Gillomar; gon him to fleonne þar, Line 8661 & flæh forð-rihtes; mid twenti of his cnihtes. Line 8662 in-to ænne muchele wude; wurðscipen biræiued. Line 8663 wes his Irisce uolc; mid stele iualled. Line 8664 Þus wes þe king iscænd; & þus he endede his ȝelp. Line 8665 & þus to wude ferde; & lette his folc fællen. Line 8666 Þa Bruttes biheolden; þa dede ȝeond þan vælden. Line 8667 seouen þusend þer leien; liues bidæled. Line 8668 Bruttes ȝeond þan uælden; ferden to heore telden. Line 8669 & heore gode wepnen; wurðliche bihoȝeden. Line 8670 & þer heo gunnen ræsten; al-se Merlin heom radde. Line 8671 I þan feorðe dæie; þa gunnen heo fusen. Line 8672 & ferden to þan hulle; iwæpned wel alle. Line 8673

Line 8673 þer stod þat seolkuð werc; muchel & swiðe sterc. Line 8674 Cnihtes eoden up-ward; cnihtes eoden dun-ward. Line 8675 cnihtes eoden abuten; & ȝeorne biheolden. Line 8676 iseȝen þer on londe; sellic werc stonden. Line 8677 þer weoren a þusend cnihtes; mid wepnen wel idihten. Line 8678 and alle þa [o]ðer to iwiten; biwusten wel heore scipen. Line 8679 Þa spæc Merlin; & spileden mid þan cnihten. Line 8680 Cnihtes ȝe beoð stronge; þas stanes beoð græte. & longe Line 8681 ȝe mote neh gon; & neodliche heom fon on. Line 8682 ȝe mote uaste heom wriðen; mid strongen sæil-rapen. Line 8683 scuuen & hebben; mid hæȝere strenðe. Line 8684 treon græte & longe; þat beon swiðe stronge. Line 8685 & gað to ane stane; ȝe alle glæne. Line 8686 and cumeð mid stre[n]gðe; ȝif ȝe hine maȝen sturien. Line 8687 Wel wuste Merlin; hu hit sculde iwurðen. Line 8688 Þa cnihtes to-stepen; mid muchelere strengðe. Line 8689 heo swunken ful swiðe; ah næfden heo syȝe. Line 8690 þat heo auer æine stan; sturien mahten. Line 8691 Merlin biheold Vther; þe was þe kinges broðer. Line 8692 & þas word sæide; Merlin þe witeȝe. Line 8693 Vther tih þe aȝan; & bonne þine cnihtes. Line 8694 & stondeð al abuten; & ȝeorne bi-haldeð. Line 8695 & beoð alle stille; þat na man þer ne sturie. Line 8696 ær ich sugge eou nu anan; hu we scullen fon on. Line 8697 Vther droh hine abac; & bonnede his cnihtes. Line 8698 þat ne bilafden þer nane; aneoweste þan stane. Line 8699 al swa feor swa a mon; mihte werpen ænne stan. Line 8700