Layamon's Brut (British Museum Ms. Cotton Caligula A.IX)

Lines 8501 through 8600

Sone swa hine i[m]etten; fæire heo hine igrætten. Line 8501 & þus him to forð-rihtes; sæiden þa tweien cnihtes. Line 8502 Hail seo þu Mærlin; monnene wisest. Line 8503 Bi us þe gon græten; þat is a god-ful king. Line 8504 Aurilian ihaten; að[el]est alre kingen. Line 8505 stont al þis muchele lond; in Aurilies kinges hond. Line 8506 faire he þe bisecheð; þat þu him to buȝe. Line 8507 & he þe wule ȝiue lond; boðe seluer & gold. Line 8508 ȝif þu an riche; ræde wulle þan kinge. Line 8509 Mærlin andswerede þa; þæt cnihten wes ful wa. Line 8510 Ne recche ich noht his londes; his seoluer no his goldes. Line 8511 no his claðes no his hors; miseolf ich habbe inowe. Line 8512 Þa sat he stille; longe ane stunde. Line 8513 þas cnihtes weoren afæred; þat he f((l))eon wolde. Line 8514 Þa hit alles up brac; hit wes god þat he spæc. Line 8515 Ȝif beoð tweiene cnihtes; icumen her-rihtes; Line 8516 ȝurstendæi ær none; ich wuste þat ȝe comen; Line 8517 & ȝif ich swa walde; ne mihte ȝe me finden. Line 8518 Ȝe bringeð me gretinge; from Aurilie þan kinge. Line 8519 Ich cneou his cnihtes; ær he come to londe. Line 8520

Line 8520 & ich icneou þene oðer; Vther his broðer. Line 8521 ic icneou beien; ær heo iboren weoren. Line 8522 þæh ich nauer nouþer; mid eȝen ne iseȝe. Line 8523 Ah walawa walawa; þat hit is idiht swa. Line 8524 þat þe leodene king; leng ne mot l[i]uien. Line 8525 Ah nu ich wulle fusen; & beon eouwer ifere. Line 8526 to þan kinge ich faren wulle; & driȝen his iwille. Line 8527 Forð ferde Mærlin; & þa cnihtes wið him. Line 8528 swa longe þat heo comen; to þan leod-kinge. Line 8529 Komen to þan kinge; wil-tidende. Line 8530 næuer ær an his liue; nes þe king swa bliðe. Line 8531 for næuere nanes monnes cume; þe him to come. Line 8532 Þe king to his stede; & ut him gon ride. Line 8533 & alle his cnihtes mid him; to wulcumen Mærlin. Line 8534 Þe king hine imette; & fære hine igratte. Line 8535 he hine iclupte; he hine custe. Line 8536 he hine cuð-læhte; Line 8537 Muchel wes þe murhȝe; i þan mon-uerede; Line 8538 al for Marlines cume. þe nes nanes monnes sune; Line 8539 Wale þat an worlde; næs nan witie. Line 8540 þat auere wuste here; whes sune he weore. Line 8541 buten Drihten ane; þe wlæt al clane. Line 8542 þe king læ[d]de to bure; Mærlin þe wes deore. Line 8543 he hine fræinien gon; mid fæire his worden anan; Line 8544 þat he dude him to vnder-stonde; of þan weorldes ȝeongen. Line 8545 & of al þan ȝeren; þat to cumen weoren. Line 8546 for hit weoren him swiðe iwil; þat he þerof wuste. Line 8547 Mærlin andswerede þa; & to þan kinge seide swa. Line 8548 O Aurilie þe king; þu fræinest me a sellic þing. Line 8549 loke þat þu na mare; swulc þing ne iscire; Line 8550 For mi gæst is bæl iwis; þa a mire breoste is. Line 8551 and ȝef ich a-mong monnen; ȝelp wolde makien. Line 8552 mid glad-scipe mid gomene; mid god-fulle worden. Line 8553 mi gast hine iwarðeð; & wirð stille. Line 8554 & binimeð me min wit; & mine wise word for-dut. Line 8555 þenne weore ich dumbe; of æuer-ælche dome. Line 8556 Ah bilef swulche þinges; quæd Mærlin to þan kingen. Line 8557 for whan-swa cumeð neode; to auer-æi þeode. Line 8558

Line 8558 & mon me mid milde-scipe; wulle me bisechen. Line 8559 & ich mid mine iwille; mote wunien stille. Line 8560 þenne mæi ich suggen; hu hit seoððen scal iwurðen. Line 8561 Ah ic((h þe)) wulle ræden; of nexte þire neoden. Line 8562 & sugen þe her-riht; what þu hauest an heorten. Line 8563 A ueld is bi Amberes-buri; þe is brad & swiðe muri. Line 8564 þer wes mid cniuen; þi cun idon of liuen. Line 8565 þer wes moni bald Brut; biswiken to þan deðe. Line 8566 & þenchest þene stude; mid wurðcipe igraten. Line 8567 mid sælcuðe wærcken; wurðien þa dæde. Line 8568 þat þer scal stonden; to þere worlde longe. Line 8569 Ah nauest þu neuere nenne mon; þe cunne awiht þe[r]-on. Line 8570 þe cunne wærc makien; þe nauere nulle trukien. Line 8571 Ah ic þe wulle ræden; to swulchere neode. Line 8572 for ich what a wærc; mid wundere bi-stonde. Line 8573 for þat weorc stondeð; inne Irlonde. Line 8574 Hit is a swiðe sellic þing; Line 8575 þat woerc is of stane; swulc ne beoð oðer nane. Line 8576 swa wid swa is weorlde-riche; nis nan weorc his iliche. Line 8577 þa stanes beo[ð] muchele; & mahten heo habbeoð. Line 8578 þa men þe beoð un-hal; heo fareð to þan stane. Line 8579 & heo wasceð þene stan; & þer-mide baðieð heore ban. Line 8580 umbe lutle stu[n]de; heo wurðeð al isunde. Line 8581 Ah þe stanes beoð muchele; & uni[m]ete græte. Line 8582 for nis nauere na mon iboren; i nauere nare burhȝe. Line 8583 þe mihte mid strengðe; þa stanes þenne bringe. Line 8584 Þa andswarede þe king; Mærlin þu sæist sællic þing. Line 8585 þe nauere nan iboren mon; ne maie heom bring%gen þenne. Line 8586 no mid nare strengðe; of þan stude lade. Line 8587 hu mihte ich heom þenne; heom bringen þeonne. Line 8588 Þa andswarede Mærlin; þan kinge þat spac wið him. Line 8589 Ȝuse ȝuse lauerd king; hit wes ȝare iqueðen. Line 8590 þat betere is liste; þene ufel strenðe. Line 8591 for mid liste me mai ihalden; þat strengðe ne mai iwalden. Line 8592 Ah somne þine uerde; & far to þan ærde. Line 8593 & þu mid þe lede; gode monne uerde. Line 8594 & ich wulle mid þe; þi monscipe bið þe mære. Line 8595 Ær þu aȝæn wende; þine iwille þu scalt habben. Line 8596

Line 8596 & þat weorc þu scalt bringen; mid þe to þissen londe. Line 8597 & swa þu hit scalt leden; to þere lich-raste. Line 8598 & wurðien þene stude; þer þine wines liggeð. Line 8599 & þu seolf scalt þer-in; þine ban resten. Line 8600