Layamon's Brut (British Museum Ms. Cotton Caligula A.IX)

Lines 8401 through 8500

þene we milze ȝeorneð; þat we milze habben. Line 8401 wurðe he is milze; þe wurðe-liche heo biddeð. Line 8402 & þu seolf læuerd king; leoden þu ært ælder. Line 8403 i-milze þu Octa; & his iueren al-swa. Line 8404 ȝif heo wulleð Cristindom; mid gode lefuen vnder-fon. Line 8405 for ȝet hit mai ilimpen; i summere leoden. Line 8406

Line 8406 þat heo maȝen Drihten; duȝeðliche hærien. Line 8407 Nu stont al þis kine-lond; a þire aȝere hond. Line 8408 Bitec heom enne stude; þer he bið iqueme. Line 8409 & nim of heom ȝisles; swulche þu wult ȝirnen. Line 8410 & let heom wel halden; in irene benden. Line 8411 finden þan ȝislen mete & clað; finden al þat heom bið leof. Line 8412 & þenne miht þu wel halden; þis mon-cun i þine londe. Line 8413 & let heom tilien þat lond; & libben bi heore tilæhðe. Line 8414 Ȝif hit seoððen ilimppeð; sone þer-after. Line 8415 þat heo trukieð an hond; treo((u))ðen to halden. Line 8416 & wakieð mid wærke; & þe wiðer haldeð. Line 8417 nu ich þe demen þene dom; whæt þu miht seoððen don. Line 8418 Let riden heom to; ræh-liche swiðe. Line 8419 & let heom alle for-don; spillen & æc an-hon. Line 8420 Þis ich þe deme; Drihten hit ihere. Line 8421 Þa andswarede þe king; quickere stefne. Line 8422 Al swa ich wulle don; swa þu hauest idemed. Line 8423 Þus spac þe kin((g))þa; Aris up Octa. Line 8424 þu scalt swiðe wel don; vnder-uoh Cristindom. Line 8425 Þer wes iuulȝed Octa; & his iueren al-swa. Line 8426 and alle his cnihtes; i þan stude uorð-rihtes. Line 8427 Heo nomen heore ȝisles; & ȝeuen þan kinge. Line 8428 þreo & fifti children; heo bitæhten þan kinge. Line 8429 & þe king heom sende; bi-siden Scotlonde. Line 8430 aðes heo sworen; swiken þat heo nalden. Line 8431 Þe king bi-tahte [heom an] hond; sixti hidene lond Line 8432 þer-on heo wuneden; wel feole wintren. Line 8433 Þe kin((g)) wes inne Eouerwic; aðele him þuhte. Line 8434 he nom his sonden; & sende ȝeond his londe. Line 8435 hæhte his biscopes; his boc-ilærede men. Line 8436 eorles & þeines; cumen him to-ȝeines. Line 8437 to Aurilie þan kinge; to muchele hustinge. Line 8438 Hit i-wærð sone; þat heo gadere comen. Line 8439 Þe king his folc grætte; mid fæire his worden; Line 8440 he wilcumede eorles; he wilcumede beornes. Line 8441 & þa biscopes & þa boc-ilærede men. Line 8442 Ich eou wulle suggen; mid soðe worden. Line 8443 whi ich eou æfter sende; & for wulche þingen. Line 8444

Line 8444 Her ich aȝeuen ælche cnihten; is cunden & his rihten. Line 8445 & æuerælche eorle; & æuerælche beorne. Line 8446 þat he mæi biwinnen; bruken hit mid wunnen. Line 8447 & ælche monnen bi his life; ich hate grið luuien. Line 8448 Ich hæten eou wurchen; & bulden þa chirchen. Line 8449 bellen leten ringen; Godes lof singen. Line 8450 heren mid ure mihten; leofe ure Drihten. Line 8451 ælche mon bi his mæhte; halden sibbe & sæhten. Line 8452 læten tilien þat lond; nu hit is al a mire hond. Line 8453 Þa þ[i]s dom wes isæid; alle heo leofden þisne ræd. Line 8454 Þe king heom ȝef leoue; þenne to liðe. Line 8455 ælc uærde heomward; swa heom bezst þuhte. Line 8456 Seouen niht fulle; þe king læi þer stille. Line 8457 & seoððen he gon liðe; in-to Lundenne. Line 8458 to gladien þat burh-folc; þat ofte weoren bisie. Line 8459 He letten stronge walles; he lette bulden halles. Line 8460 & rihte al þa workes; þe ær weore to-b((r))okene. Line 8461 & aȝef heom alle þa laȝen; þe stoden bi heore ælderne dæȝen. Line 8462 he makede þer reuen; þan uolke to reden. Line 8463 & þenenen he gon wenden; riht to Winchæstre. Line 8464 þer he lette wurc%chen; [halles & chirchen] Line 8465 þer him þuhte swiðe muri; seoððen he uerde to Ambres-buri. Line 8466 to þan leerstowe; of leofuen his freonden. Line 8467 þa Hengest mid cniuen; þer aquald hæfuede. Line 8468 He lette axien anan; men þat cuðen hæuwen stan. Line 8469 & æc gode wurhten; þe mid æxe cuðe wurchen. Line 8470 he þohte wurche þer a werc; wunder ane ueire. Line 8471 þat a sculde ilasten; þa while men l[i]ueden. Line 8472 Þa wes inne Kaerlium; a biscop þe hahte Tremoriun. Line 8473 he wes swiðe wis mon; inne weorld-richen. Line 8474 mid þan kinge he wes; ouenan þæ walde. Line 8475 & þus Tremorien Godes dring; spæc þer wið þene king. Line 8476 Lust nu me Aurilien; what ich þe wulle cuðen. Line 8477 & ich þe wullen suggen; sælest alre ræden. Line 8478 ȝif þu hine wult luuien; æft he þe likeð. Line 8479 We habbeoð ænne witeȝe; Mærlin is ihaten. Line 8480 Ȝif æi mon hine mihte ifinden. uppe þissere wælden. Line 8481 & to þe ibringen; þurh æies cunnes þinge. Line 8482 & þu his iwille; driȝen woldest; Line 8483

Line 8483 he þe wolde runen. selest ræden. Line 8484 hu þu mihtest; þis weorc; makien strong & sterk. Line 8485 þet a mihte ilæsten; þa while men leoueden. Line 8486 Þa andswarede þe king; þas wordes him weoren iqueme. Line 8487 Leoue freond Tremoriun; al þis ich wulle don. Line 8488 Þe king sende his sonde; ȝeond al his kine-londe. Line 8489 and bad æuerælcne mon; axien after Mærlin. Line 8490 & ȝif me hine mihten ifinden; bringen hine to þan kinge. Line 8491 he him wolde ȝifuen lond; boðe seoluer & gold. Line 8492 & a weorl-richen; driȝen his iwille. Line 8493 Þa sonden gunnen riden; widen & siden. Line 8494 summe heo uerden riht norð; & summe heo uerden suð forð. Line 8495 summe heo uerden riht æst; & summe heo uerden riht west. Line 8496 summe heo uerden a-nan; þat heo comen to Alæban. Line 8497 þat is a wælle; inne Wælsce londe. Line 8498 Þe walle he lufode; & ofte hine þer-inne. baðede. Line 8499 þa cnihtes hine funde; þer he sat bi þan stronden. Line 8500