Layamon's Brut (British Museum Ms. Cotton Caligula A.IX)

Lines 8301 through 8400

þe wes in hæðenesse; king of muchele mæhte. Line 8301 Agag wes ihaten; Ierusalem he hatede. Line 8302 he wes king of þe Amalæh; þe Wurse him wes ful nieh. Line 8303 auere he hatede Ierusalem; mid hærmen þan mesten. Line 8304 nolde he neouere heom ȝiuen grið; ah auere he heom stod wið. Line 8305 he heom barnde he heom sloh; he dude heom so((r))ȝen inoh. Line 8306 Hit ilomp in ane time; þat þe sunne gon to scine. Line 8307 þa sat Agag þe king; inne his hæh sættele. Line 8308 meinde his fæie blod; & muneȝede hine to fusen. Line 8309 He cleopede his cnihtes; anan uorð-rihtes. Line 8310 Swiðe to eouwer steden; & forð we scullen riden. Line 8311 we sculleð bærnen & slæn; al ibuten Ierusalem. Line 8312 Forð wende þe king; & muche ferde mid him. Line 8313 þat lond heo gunne þurh-ærnen; & þa tunes fur-bernen. Line 8314 Þat iseȝen þa men; þe wuneden inne Ierusalem. Line 8315 & heo heom to-ȝeines; cnihtes & sweines. Line 8316 & fuhten wið þene king; & mid fæhte hine ouer-comen. Line 8317 & al his folc sloȝen; & Agag heo king nomen. Line 8318 & swa heo mid him comen; to Saul þan kinge. Line 8319 Þa wes Saul þe king; bliðe þurh alle þing. Line 8320 þe king axeden ræd; at his riche a-nan. Line 8321 whæðer he mihte him bet don; oðer slæn oðer an-hon. Line 8322 Þa leop up Samuel; a witiȝe of Israel. Line 8323 he wes swiðe hali mon; hæh touward Drihten. Line 8324 nuste na mon i þan dæȝen; swa heh mon an Godes laȝen. Line 8325 Samuel nom Agag þene king; & lædde hine a þan cheping. Line 8326 & lette hine swiðe sterke; to ane stake binde. Line 8327 & nom mid his riht hond; ænne dure-wurðe brond. Line 8328 & þus cleopede him on; Samuel þe gode mon. Line 8329 Þu hattes Agag þe king; nu þu ært an ærming. Line 8330

Line 8330 nu þu scalt fon þat læn; þat þu for-ferdest Ierusalem. Line 8331 þat þu hauest þas hæȝe burh; swa swiðe for-worht. Line 8332 & monienne godne mon islæȝen; & idon of lif-dæȝen. Line 8333 swa ich ibide are; ne scalt þu nauer-mare. Line 8334 Samuel þat sweord an-hof; & hærdeliche adun sloh. Line 8335 & al to-swadde þene king; in Ierusalemus chepping. Line 8336 & þa stucchen tarueden; wide ȝeond þa straten. Line 8337 þus tok Samuel on; and swa þu aȝest Hengest don. Line 8338 Þis iherde Aldolf; þe eorl of Glocetere. Line 8339 touward Hengest he leop; swulc hit a liun weore. Line 8340 and i-grap hine bi þan toppe; & hine æfter him halede. Line 8341 & ladde hine þurh & þurh; & þurh-ut Cuninges-burh. Line 8342 & wið-uten þere burhȝe; he hine lette binden. Line 8343 Aldolf his swored adroh; & Hengestes hafd of-sloh. Line 8344 & þe king hine nom forð-rihtes; for he wes swa oht cniht. Line 8345 & læide hine in eorðe; after heðene laȝen. Line 8346 & bad for þere sæule; þat ((hire)) neuere sæl neore. Line 8347 & nu Aurilie þe king; lette beode husting. Line 8348 & lætte blawen bemen; & bonnien his ferde. Line 8349 folc þer wes sellic; & ferden riht to Euerwic. Line 8350 & biclusden þer wið-innen; Octa mid his monnen. Line 8351 þe king lette deluen ænne dich; al abuten Eouerwic. Line 8352 þat ne mihte þer na man; neoðer ute no i[n] gan. Line 8353 Þæt isæh Octa; þer-fore him wes wa. Line 8354 & his hæðene folc; þe he hafde an burȝe. Line 8355 heo nomen heom to ræde; what heo don mæhten. Line 8356 & þus spac Octa; wið his iuere Ebissa. Line 8357 No[u] ich habben me biþoht; wh[a]t ich don wulle. Line 8358 Ich and mine cnihtes; scullen forð-rihtes. Line 8359 in ure bare brechen; gan ut of burȝen. Line 8360 ræmen a mine swore; ænne rake-teȝe. Line 8361 & cumen to þan kinge; his mildce biddinde. Line 8362 Ælles we beoð alle dæde; buten we fulien þissen ræde. Line 8363 Alle heo duden swa; swa heom radde Octa. Line 8364 duden of claðes; kare-fulle cnihtes. Line 8365 & eoden ut of burhȝe; blaðe þeines. Line 8366 tweiene & tweiene; twenti hundred. Line 8367

Line 8367 þis bi-heold Aurilien; aðelest kingen. Line 8368 seolcuð him þuhte; of þan nakede cnihten. Line 8369 To-somne comen þa ferde; þat læi ȝeond þan ærde. Line 8370 i-seȝen Octa cumen; þat wes Hengest sune. Line 8371 He bar an his honde; ænne rake-teȝe. longe. Line 8372 he com to þan kinge; & bi-uoren his hære-dringe. Line 8373 he feol uppen uolde; þas kinges fæt isohte. Line 8374 & þas word seide þa; Hengestes sune Octa. Line 8375 Imilze mi lauerd king; þurh þene milde Godd. Line 8376 for luue of God al-mihten; haue milce of mine cnihten. Line 8377 for alle ure heðene-scipe; hæne is iwurðen. Line 8378 laȝen & ure leoden; for laðe we beoð Drihten. Line 8379 for us is itruked an hond; Appollin & Teruagant. Line 8380 Woden & Mercurius; Iubiter & Saturnus. Line 8381 Venus & Didon; Frea & Mamilon. Line 8382 & alle ure laue; nu us sunde laðe. Line 8383 ah we wulleð ileuen; in leofen þine Drihten. Line 8384 for al hit trukeð us an hond; þat we to temden. Line 8385 We ȝeorne[ð] þine are; nu and auere-mare. Line 8386 ȝif þu me wult grið[i]en; and þu me wult fr[i]ðien. Line 8387 we þe wulleð to teon; & þine holde men beon. Line 8388 luuien þine leoden; & þine laȝen halden. Line 8389 Ȝif þu þet [n]ulle; do þine iwille. Line 8390 whaðer-swa þu wult don; þa us slan þa us an-hon. Line 8391 & þe king wes mild-heorte; & heold hine stille. Line 8392 he bi-heold a riht hond; he bi-heold a lift hond. Line 8393 wulc of wiisen; ærest spæken wolden. Line 8394 Alle heo weoren stille; & swiȝeden mid stæuen Line 8395 nes þer nan swa hæh mon; þat durste word sciren. Line 8396 & æuere læie Octa; æt þes kinges foten swa. Line 8397 alle his cnihtes; leien him biæften. Line 8398 Þa spac Aldadus; þe gode biscop & seide þus. Line 8399 Æuere hit wæs; & a hit bið; & ȝet hit us bi-houeð. Line 8400