Layamon's Brut (British Museum Ms. Cotton Caligula A.IX)

Lines 8201 through 8300

& þa Cristine men; cumen heom an-ufene. Line 8201 þa fleh Henges þurh & þurh; þat he com to Kunigges-burh. Line 8202 i þare burh he wende; burh to brukene. Line 8203 & þe king Aurilien; after wende anan. Line 8204 & clep((e))de to his leoden; ludere stæuene. Line 8205 Ærneð æuere vorð & vorð; Hengest is ifaren norð. Line 8206 & heo him after buȝen; þat heo to burhȝe comen. Line 8207 Þa isæh Hengest & his sune; al þa uerde heom after cumen. Line 8208 þa sæide Hengest; cnihten alre wraðest. Line 8209 Nulle ich na mare fleon; ah nu ich wulle fihten. Line 8210 & mi sune Octa; & his wed-broðer Ebissa. Line 8211 & al mi mon-uerde; sturieð eouwer wepnen. Line 8212 & fare we heom to-ȝænes; & makien feond-slæhtes. Line 8213 & ȝif we hom ne falleð; þænne beon we fæie. Line 8214 ilæid on felde; & freonde bidælde. Line 8215 Hengest bah a þene wald; & bilæfde al his teld. Line 8216

Line 8216 & makede his sceld-trume; al of his hæðene gumen. Line 8217 Þa com Aurilie þe king; & moni þusend mid him. Line 8218 and bigunnen þer oðer fæht; þe wes feond-liche stærc. Line 8219 þer wes moni græt dunt; idæld i þan compe. Line 8220 þer weoren þa Cristine; wel neh ouer-cumene. Line 8221 Þa comen þer uaren; fif þusend rideren. Line 8222 þa Aurilie hafde; an horse to fihten. Line 8223 heo smiten a þan hæðene; þat heo adun helden. Line 8224 þer wes feht swiðe stor; eornest ful sturne. Line 8225 I þan fæhte com þe eorl; Aldolf of Glouce[t]re. Line 8226 & ifunde Hengest; cnihten for-cuððest. Line 8227 whar he feond-liche faht; & þa Cristine feolde. Line 8228 Aldolf his gode sweord adroh; & uppen Hengest sloh. Line 8229 & Hengest warp þene sceld biuoren; & ælles weoren his lif forloren. Line 8230 & Aldolf smat i þene sceld; þat he atwa to-scænde. Line 8231 & Hengest him leop to; swulc hit a liun weore. Line 8232 & smat an Aldolfes helm; þat he atwa to-feol. Line 8233 Þa heowen heo mid sweorde; þa swipen weoren grimme. Line 8234 fur flæh of stele; ofte & wel ilome. Line 8235 Vnder are stunde; þa leop Aldolf to [grunde]. Line 8236 & isæh him Gorlois; þat wæs a kene gume ful iwis. Line 8237 of Cornwale he wes eorl; he wes widene cuð. Line 8238 Þa wes þæ beorn Aldolf; muchele þe balder. Line 8239 & hæf hæhȝe his sweord; & lette hit adun swippen. Line 8240 & smat Hengest a þan hond; þat he forlette his brond. Line 8241 [an] hiȝinge hine igrap; mid grimme his læchen. Line 8242 bi þere burne hode; þa wes an his hafde. Line 8243 & mid muchelere strengðe; hine adun swipte. Line 8244 and seoððe he hine up bræid; swulc he hine to-breken wolde. Line 8245 & mid ærmen hine bisprædde; & forð hine lædde. Line 8246 Nu wes Hengest inumen; þurh Aldolf þene æhte gume. Line 8247 Þæ cleope[de] Aldolf; þene eorl of Gloucestre; Line 8248 Hengest n[i]s þe noht swa murie; swa þe wes bi Ambresburie. Line 8249 þer þu þa sæxes droȝen; and Bruttes of-sloȝen. Line 8250 mid muchele swike-dome; þu mi cun sloȝe. Line 8251 Nu þu scalt læn leosen; & losie þine freonden. Line 8252 mid reoliche witen; an worlde for-wurðen. Line 8253 Hengest eode stille; ne isæh he help nenne. Line 8254

Line 8254 Aldolf hine ladde; to his leod-kinge. Line 8255 & grætte þene leod-king; mid leofliche worden. Line 8256 Hail seo þu Aurilien; aðeles cunnes. Line 8257 her ich bringe þe biuoren; þe wes þines cunnes bone. Line 8258 Hengest þene heðene; þe hærm us hafueð iuræ[mm]ed. Line 8259 Godd hit me iuðe; þat ich hine igripen habben. Line 8260 Nu ich hine ȝiue þe; uor monne leofuest ært þu me. Line 8261 & [l]et þine hired-childeren; pleien mid þissen hunde. Line 8262 scotien mid heore flan; & his cun scenden anan. Line 8263 Þa andswarede þe king; quicliche steuene; Line 8264 Edi seo þu Aldolf. eorlene aðelest. Line 8265 þu ært me leof al swa mi lif; leoden þu scalt beon alder. Line 8266 Þer me nom Hengest; and þer me bond Hengest. Line 8267 þer wes þa Hengest; cnihten alre ȝeomerest. Line 8268 Þis feht wes ouer-cumen; & þa hæðene fluȝen. Line 8269 Þa iseh Octa; þat his fader wes ful wa. Line 8270 & Ebissa his wed-broðer; buȝen heom to-gadere. Line 8271 & fluȝen in-to Eouuerwic; mid ærmðen inoȝe. Line 8272 & greiðeden walles; to-halden þa halles. Line 8273 Summe þa hæðene; to þan wude iwenden. Line 8274 þær þat ganninde folc; læiden heom to grunde. Line 8275 Þa wes Aurilian þe king; iquemed wel þurh alle þing. Line 8276 he wende in-to Cuninges-burh; mid his driht-folke. Line 8277 & þankede Drihten; swulchere mihten. Line 8278 Þreo dæies & þreo niht; þe king wunede þar-riht. Line 8279 to lechinien þa wunden; of leofenen his cnihten. Line 8280 & baðien on burȝe; heore wærie ban. Line 8281 Þa þe þridde dæi com; & þat folc hafde imaked non. Line 8282 þa lette þe king blawen; & beonnede his eorles. Line 8283 þa heo comen to hustinge; to Aurilie þan kinge. Line 8284 Þa heo to-gadere comen; þe king heom axede sone. Line 8285 whæt heo him radde; þat his richemen weoren. Line 8286 a wulchere witen; Hengest scolde for-wurðen. Line 8287 & hu he mihte bezst wreoken; his leofueste freondes. Line 8288 þe an-fest Amberes-buri; leien bi-buride. Line 8289 Þa stod up Ældadus; & wið þene king he spac þus. Line 8290 to-wardes Gode he was god; he wes an hali biscop. Line 8291 Aldolf eorles broðer; nefde he nenne oðer. Line 8292

Line 8292 Lauerd king lust nu me; what ic wullen tellen þe. Line 8293 Ich wulle makien þene dom; hu he scal beon fordon. Line 8294 for he is on leode; monnen us laðest. Line 8295 & haue[ð] ure kun of-slæȝen; & idon of lif-dæȝen. Line 8296 and he is an hæðene hund; helle he scal isechen. Line 8297 þer he scal sinke; for his swike-dome. Line 8298 Lauerd king hærcne me; wat ich þe wulle tællen. Line 8299 A king wes in Ierusalem; Saul wes ihaten. Line 8300