Layamon's Brut (British Museum Ms. Cotton Caligula A.IX)

Lines 8001 through 8100

& heore fiht & heore uare; & heore uæi uolc. Line 8001 Ah ȝif þu weore swa wis mon; & swa witter a þoncke. Line 8002 þat þv fræinedest me; of feole þine sorȝen. Line 8003 of þire mucle kare; þa þe is to cumene. Line 8004 ich þe wolde suggen; of sorȝe þine. Line 8005 Þa quað Vortiger þe king; Leofue freond Merling. Line 8006 sæie me of þan þinge; þe me to cumen sonden. Line 8007 Bluðeliche quad Mærlin; baldere stefne. Line 8008 ich þe wulle suggen; ah æuere hit wule ((þe)) reouwen. Line 8009 King king bi-siȝ þe; Sorȝen þe bið ȝeueðe; Line 8010 of Costantines cunne; his bern þu aqualdest; Line 8011 Þu lettest slæn Costanz. þe wes king a þis lond; Line 8012 þu lettest þine Peohtes; hine ladliche biswiken. Line 8013 þer-uore þu ibidest; alre baluwene mæst. Line 8014 Seoððen þu tuȝen uuenon þe; uncuðe leoden. Line 8015 Saxes to londe; þer-uore þu wurðest to sconde. Line 8016 Nu beoð of Brutaine; beornes ariued. Line 8017 hit his Aurilien & Vther; nu þu ært þær-of war. Line 8018 Heo cumeð to-mærȝen fuliwis; i þis lond at Tottenæs. Line 8019 ich do þe wel to witene; mid seouen hundred scipene. Line 8020 & nu heo inne sæ; seilieð biliue. Line 8021

Line 8021 Þu hauest heom muchel uuel idon; and nu þu most þat lað on-fon. Line 8022 þu hauest a ba halue; bone þe þe þencheð. Line 8023 þine ifan þe biuoren; & þine ifeond bæften. Line 8024 Ah flih flih þinne wæi; & burh þine life. Line 8025 & fleo þider þe þu fleo; heo þe wulleð after teon. Line 8026 Ambrosie Aurilien; he hæue[ð] ærest þisne kinedo[m]. Line 8027 ah he þurh atterne drench; dæð scal iþolien. Line 8028 & seoððen scal Vther Pendragon; habben þesne kinedom. Line 8029 ah þi cun hine scal; mid attere aquellen. Line 8030 ah ær he dæd þolie; he scæl dune makien. Line 8031 Vther scal habben ænne sune; of Cornwaille he scal cumen. Line 8032 þat beoð a wilde bar; iburst((l))ed mid stele. Line 8033 Þe bar scal for-bærnen; hæhȝe þa burhȝes. Line 8034 he scal alle þa swiken; swenien mid eiȝe. Line 8035 he scal al þi riche cun; mid witen aquellen. Line 8036 he bið swiðe oht mon; & aðele an þonke. Line 8037 heonenæ into Rome; rixleð þeos ilke. Line 8038 scal he alle his feond; fallen to grunde. Line 8039 Soð ich habbe þe isæid; ah nis þe na þe softre. Line 8040 ah flih mid þine verde; þine iuon þe cumeð to herede. Line 8041 Þa aswac worden; Merlin þe wise. Line 8042 & þe king lette blawen; þreottene bemen. Line 8043 & forð mid his ferde; feo[n]dliche swiðe. Line 8044 Nes þer uorð-rihtes; bute uirst of ane nihte. Line 8045 þat comen þa broðere; beien to-some. Line 8046 to sæ-stronde ful iwis; at Dertene-muðe i Totenas. Line 8047 Þis iherden Bruttes; & weoren bliðe ful iwis. Line 8048 Heo droȝen ut of þan wuden; & of þan wulderne. Line 8049 bi sixti & bi sixti; & bi seouen hundred. Line 8050 bi þrit[ti] & bi þritti; & bi feole þusend. Line 8051 Þa heo comen to-somne; ful sel hit heo þuhte. Line 8052 Þa broðeren to þissen ærde; brohten vnimete verde. Line 8053 & her comen heom bi-uoren; balde þas Bruttes. Line 8054 vnimete uolc; al hit wræ[h] þa wolde. Line 8055 þæ ær weoren ȝeond wudes; wunderliche to-dreued. Line 8056 þurh þene muchelne æie; and þurh þe muclen ærmðe. Line 8057 & þurh þene mucle hærm; þa Hengest heom wrohte. Line 8058 & hafde alle heore hæfd-((men)); mid cniuen amurðerd. Line 8059

Line 8059 mid sæxen to-snæ[ðd]e; snelle þe þeines. Line 8060 Bruttes heolden husting; mid heȝe wis-dome. Line 8061 heo nomen Aurilien; þene ældre bro[ð]er a-nan. Line 8062 inne hæȝe hustinge; and heouen hine to kinge. Line 8063 Þa weoren Bruttes; mid blisse auulled. Line 8064 bliðe an mode; þæ ær weoren murne. Line 8065 Comen þas tiðende; to Vortigerne þan kinge. Line 8066 þat Aurilien wes icoren; and to kinge iheouen. Line 8067 Þa wes Vortiger wa; & æft him wes wurse. Line 8068 Vortiger uerde; ver to ane castle. Line 8069 Genoire hæhte; hæh an ane munte. Line 8070 Cloard hæhte þe munt; and Hærgin hahte þat lond. Line 8071 on-væst Wæie; þe is a water hende. Line 8072 Vortigernes men nomen; al þat heo neh comen. Line 8073 heo nomen wepnen & mete; a moni are wise. Line 8074 to þan castle heo brohten; swa muchel swa heo rohten. Line 8075 þat heo inoh hafden; þeh hit lutel hulpe. Line 8076 Aurilien & Vther; weoren of Vortigerne war. Line 8077 whær he wes uppen Cloward; biclused in castlen. Line 8078 Heo letten blawen bemen; bonnien heore uerde. Line 8079 volc unimete; of moni ane londe. Line 8080 ferden to Genoire; þær læi Vortigerne. Line 8081 King. wes wið-uten; king wes wið-innen. Line 8082 cnihtes þer fuhten; mid feond-liche ræsen. Line 8083 æuerælc god mon; gurede hine seolfuen. Line 8084 Þa heo iseȝen; þat heo siȝen næfden. Line 8085 þa to wude wenden; wunder muche uerde. Line 8086 Heo uelden þæne wude adun; & droȝen to þan castle. Line 8087 & fulden al þæ dic; þe wes wunder ane deop. Line 8088 F[u]r heo in sende; on æuer-ælche ende. Line 8089 & cleopeden to Vortiger; Nu þu scalt þe warmen þer. Line 8090 for þu sloȝe Costanz; þe wes king of þis lond. Line 8091 & seoððe Costantin his sune; Nu is Aurilie icumen. Line 8092 & Vther his broðer; þa þe balu sendeð; Line 8093 Þe wind wæht þat fur; þat hit wunderliche. born. Line 8094 þe castel gon to bernen; bures þer s[w]ælden. Line 8095 feollen þa hellen floȝen to grunde. Line 8096 Ne mihten þer na cniht; aȝeines þe fure makien fiht. Line 8097 þat fur eode ouer-al; & barnde hus & barnde wal. Line 8098

Line 8098 & þe king Vortigerne; þer-inne he gon to berne. Line 8099 al hit for-swælde; þat þer-inne wunede. Line 8100