Layamon's Brut (British Museum Ms. Cotton Caligula A.IX)

Lines 7801 through 7900

& ifunden Mærlin; & his plaȝe-iueren mid him. Line 7801 Mærlin heo nomen; and his iuæren loȝen. Line 7802 Þa þa Mærling wes ilad; þa wes Dinabus ful glad. Line 7803 e wende þat he ilad weore; limen for to leosen. Line 7804 ah al an-oðer set þe dom; ær hit weoren al idon. Line 7805 Nu wes Mærlinges moder; wunder mere i-wurðen. Line 7806 in ane haȝe munstre; mu[n]chene ihaded. Line 7807 Þider iwende Eli; þe reue of Kair-merðin. Line 7808 & nom him þa lafdie; þer heo læi on munstre. Line 7809 & uorð him gon ærne; to þan kinge Uortigerne. Line 7810 & muchel folc mid him; & ladden þa nunne & Merlin. Line 7811 Sone wes þat word cuð; to Vortigernes kinges muð. Line 7812 þat icumen wes Eli; & brohte þa lauedi. Line 7813 & Marling heore sune; wes mid hire þer icumen. Line 7814 Þa wes an liue; Vortigerne bli[ð]e. Line 7815 & þa læuedi aueng; mid swiðe uæire læten. Line 7816 & Mærlin he bitahte; goden twælf cnihten. Line 7817 þa weoren þan kinge holde; & hine witen scolden. Line 7818 Þa sæiden þe king Vortiger; wið þa nunne he spilede þer. Line 7819 Gode læuedi sæi me; sæl þe scal iwurðe. Line 7820 whar weoren þu iboren; Wha streonede þe to bearne. Line 7821 Þæ andswarede þa nunne; & hire fader nemnede. Line 7822 Þriddendale þis lond; stod a mines fader hond. Line 7823 of þan londe he wes king; cuð hit wes wide. Line 7824 he wes ihaten Conaan; cnihtene lauerd. Line 7825 Þa answarede þe king; swulc heo his cun weore. Line 7826

Line 7826 Lauedi sæie þu hit me; sæl þe scal iwurðen. Line 7827 her is Mærlin þi sune; wha streonede hine. Line 7828 Who wes him a folke; for fader iholden. Line 7829 Þa heng heo hire hæfued; & heolde touward bræsten. Line 7830 bi þan kinge heo sæt ful softe; & ane lutle while þohte. Line 7831 vmbe while heo spac; & spilede wið þan kinge. Line 7832 King ich þe wulle tellen; for seolcuðe spellen. Line 7833 Mi fader Conaan þe king; luuede me þurh alle þing. Line 7834 þa iwarð ich on vestme; wunder ane fæir. Line 7835 Þa ich wes an uore; fiftene ȝere. Line 7836 þa wunede ich on bure; on wunsele mine. Line 7837 maidene mid me; wunder ane uæire. Line 7838 þenne ich wæs on bedde iswaued; mid soft mine slepen. Line 7839 þen com biuoren; þa fæireste þing þat wes iboren. Line 7840 swulc hit weore a muchel cniht; al of golde idiht. Line 7841 Þis ich isæh on sweuene; alche niht on slepe. Line 7842 Þis þing glad me biuoren; and glitene[de] on golde. Line 7843 ofte hit me custe; ofte hit me clupte. Line 7844 ofte hit me to-bæh; & eode me swiðe neh. Line 7845 Þa ich an ænde me bisæh; selcuð me þuhte þas. Line 7846 mi mæte me wes læ[ð]; mine limes uncuðe. Line 7847 selcuð me þuhte; what hit beon mihte. Line 7848 Þa anȝæt ich on ænde; þat ich was mid childe. Line 7849 þa mi time com; þisne cnaue ich hæfuede. Line 7850 Nat ic on folde what his fader weoren. Line 7851 ne wha hine biȝate; inne weorlde-riche. Line 7852 no whaðer hit weore unwiht; þe on Godes halue idiht. Line 7853 La swa ich ibedde are; nat ich na-mare. Line 7854 to suggen þe of mine sune; hu he to worulde is icume. Line 7855 Þe nunne beh hire hæfde adun; & hire huȝe dihte. Line 7856 þe king hine bi-þohte; whæt he don mihte. Line 7857 & droh him to ræde; redȝiuen gode. Line 7858 & heo him radden; ræd mid þan bezste. Line 7859 þat he of-sende Magan; þat wes a selcuð mon. Line 7860 He wes a wis clærc; & cuðe of feole cræften. Line 7861 he cuðe wel ræden; he cuðe feor læden. Line 7862 he cuðe of þan crafte; þe wuneð i þan lufte. Line 7863 he cuðe tellen; of ælche leod-spelle. Line 7864 Magan com to hirede; þar þe king wunede. Line 7865

Line 7865 & þene king grætte; mid godfulle worde. Line 7866 Hail seo þu & sund; Vortigerne þe king. Line 7867 Ich æm icumen to þe; cuð me þine iwille. Line 7868 Þa andswærede þe king; & talde al þan clærke. Line 7869 hu þa nunne hafde i-sæid; & axede hine þer of ræd. Line 7870 ord fram þan ende; al he him talde. Line 7871 Þa sæide Magan; Ich con ful wel her-on. Line 7872 Þer wunieð in þan lufte; feole cunne wihte. Line 7873 þa þer scullen bilæfuen; þat Domes-dæi cume liðen. Line 7874 Summe heo beoð aðele; & summe heo uuel wurcheð. Line 7875 Þer-on is swiðe muchel cun; þa cumeð imong monnen. Line 7876 heo beoð ihaten ful iwis; incubii demones. Line 7877 Ne doð heo noht muchel scaðe; bute hokerieð þan folke. Line 7878 monine mon o[n] sweuene; ofte heo swencheð Line 7879 & monienne hende wimmon; þurh heore cræfte kenne((ð)) anan. Line 7880 & monies godes monnes child; heo bicharreð; þurh wigeling. Line 7881 & þus wes Marlin biȝeten; & iboren of his moder. Line 7882 & þus hit is al igan; quað þe clærc Magan. Line 7883 þa sæide Marling. to seolue þan kinge. Line 7884 King þine men me habbeoð inumen; & ich æm to þe icumen. Line 7885 & ich iwiten wulle; what beon þi wille. Line 7886 & for wulche þinge; ich æm ibroht to kinge. Line 7887 Þa spilede þe king; mid [c]wikere speche. Line 7888 Mærlin þu ært hider icumen; þu nært nanes monnes sune. Line 7889 Swiðe þe longeð; after laðe spelle. Line 7890 Iwhiten þu wult þa uore; nu þu hit scalt ihere. Line 7891 Ich habbe bigunnen a weorc; mid grund-liche stre[n]gðe. Line 7892 þe haueð mine gærsume; wel swiðe binume. Line 7893 fif þusend men; wurcheð þer-on. Line 7894 Ich habbe lim & stan; on leode nis betere nan. Line 7895 na in nare leode; weorcmen al swa gode. Line 7896 Al þat heo leggeoð a dæi; to soðe ich hit sugge mæi. Line 7897 ær dæi amarwen; al hit bið dune. Line 7898 ælc stan from oðer; iualled to þan grunde. Line 7899 Nu suggeð mine wise; and mine witie men. Line 7900