Layamon's Brut (British Museum Ms. Cotton Caligula A.IX)

Lines 7701 through 7800

a þat ich mihte bæt; burhȝen iwinnen. Line 7701 wræken me a mine feonden; þa mine wines feolden. Line 7702 & habbeð al mi kine-lond; awræht ut of mire hond. Line 7703 & þus me iflæmed; mine fulle ifan. Line 7704 Þa andswerede a wis mon; þe wel cuðe ræden. Line 7705 Lust me nu lauerd king; ich þe cuðe god þing. Line 7706 uppen þan munte of Reir; ich wullen ræden. Line 7707 þat þu caste[l] wurche; mid stronge stan walle. Line 7708 for þer þu miht wunien; & libben mid winne. Line 7709

Line 7709 & ȝet þu hauest a þire hond; muchel seoluer & gold. Line 7710 to halden þine hired; þa þe helpen scal. Line 7711 & swa þu miht on liue; libben alræ sælest; Line 7712 Þa andswere[de] þe king; Let hit cuðen an hiȝing. Line 7713 ȝeond muchele mire ferde; þæt ich faren wulle. Line 7714 to þan munte of Reir; & ræren þer castel. Line 7715 Forð ferde þe king; & þa ferde mid him. Line 7716 Þa heo þider comen; dic heo bigunnen sone. Line 7717 Hornes þer bleouwen; machunnes heowen. Line 7718 lim heo gunnen bærnen; ȝeond þat lond ærnen. Line 7719 & al Wæst Walsce lond; setten a Uortigernes hond. Line 7720 al heo hit nomen; þat heo neh comen. Line 7721 Þa þe dic wes idoluen; & allunge ideoped. Line 7722 þa bi-gunnen heo wal; a þere dic ouer-al. Line 7723 & heo lim & stan; leiden to-somne. Line 7724 of machunes þer wes wunder; fif and twenti hundred. Line 7725 A dæi heo leiden þene wal; a niht he feol ouer-al. Line 7726 a marwe heo hine arædden; a niht he gon to-reosen. Line 7727 Fulle seouen nihte; swa heom dihte. Line 7728 ælche dæi heo hine aredden; & ælche niht he gon reosen. Line 7729 Þa wes sari þe king; & sorhful þurh alle þing. Line 7730 swa wes al þa uerde ladliche of-færed. Line 7731 for æuere heo lokede; whænne Hengest come an-uuenan. Line 7732 Þe king wes ful særi; & sende after witien. Line 7733 æfter world-wise monne; þa wisdom cuðen. Line 7734 & bad heom leoten weorpen; & fondien leod-runen. Line 7735 fondien þat soðe; mid heore siȝe-craften. Line 7736 whær-on hit weore ilong; þat þe wal þe wes swa strong. Line 7737 ne moste niht-longes; nauere istonden. Line 7738 Þas weorlde-wise men; þer a twa wenden. Line 7739 summe heo wenden to þan wude; summe to weien-læten. Line 7740 heo gunnen loten weorpen; mid heore leod-runen. Line 7741 fulle þreo nihten; heore craftes heo dihten. Line 7742 Ne mihten heo nauere finden; þurh nauere nane þinge. Line 7743 whær-on hit weore ilong; þat þe wal þat wes swa strong. Line 7744 æuere-ælche nihte to-ras; & þe king his swinc læs. Line 7745 Buten witie þer wes an; he wes ihaten Ioram. Line 7746 he seide þat he hit afunde; ah hit þuhte læsinge. Line 7747 he seide ȝif mon funde; in auer æi londe. Line 7748

Line 7748 æuer æi cniht bærn; þe næuere fæder no ibæd. Line 7749 & openede his breoste; & nomen of his blode. Line 7750 & mengde wið þan l((i))me; & þæne wal læide. Line 7751 þenne mihte he stonde; to þere worlde longe. Line 7752 Þat word com to þan kinge; of þere læsinge. Line 7753 & he hit i-lefde; þah hit læs weore. Line 7754 Sone he nom his sonde; & sende ȝeond þan londe. Line 7755 swa feor swa he for dæðes kare; dursten æies weies faren. Line 7756 & in ælche tune; hercneden þa runen. Line 7757 whær heo mihten ifinden. speken of swulche childe; Line 7758 Þas cnihtes forð ferden; widen ȝeond þan ærde. Line 7759 tweien uerden ænne wæi; þe west-riht him læi. Line 7760 þe læi forð-rihtes in; þer nu is Kaer-merðin. Line 7761 Bisides þere burh; in ane weie brade. Line 7762 hefden ænne muchelne plæȝe; alle þa burh-cnauen. Line 7763 Þas cnihtes weoren weri; & an heorte swiðe særi. Line 7764 & seten adun bi þan plaȝe; & bi-heolden þas cnauen. Line 7765 Vmben ane stunde; heo bigunnen striuinge. Line 7766 al-se hit wes auer laȝe; imong childrene plæȝe. Line 7767 þe an þe o[ð]erne smat; & he þeos dun[t]es abad. Line 7768 Þa wes swiðe grim; Dinabuz touward Mærlin. Line 7769 & þus quað Dinabus; þe þene dunt hefde. Line 7770 Mærling vnwærste man; whu hæuest þu me þus idon. Line 7771 þu hauest idon me muchel scome; þer-fore þu scalt habben grome. Line 7772 Ich æm anes kinges sune; & þu ært of noht icumen. Line 7773 Þv nahtes i nane stude; habben freo monnes ibude. Line 7774 for swa wes al þa uore; þi moder wes an hore. Line 7775 for nuste heo næuere þene mon; þat þe streonde hire on. Line 7776 no þu on moncunne; nefdest fader nenne. Line 7777 & þu in ure londe; makest us to sconde. Line 7778 þu ært us imong icumen; & nært nænes ((monnes)) sune. Line 7779 þu scalt i þissen dæie; þer-uore dæd þolien. Line 7780 þis iherden þa cnihtes; þer heo weoren bi-halues. Line 7781 heo arisen up & eoden neor; & neodeliche ȝerden. Line 7782 of þissere uncuðe talen; þe heo iherden of þan cnauen. Line 7783 Þa wes inne Kair-merðin; a reue þe hehte Eli. Line 7784 þa cnihtes biliue; comen to þan reue. Line 7785 & þus him to sæiden; sone mid muðe. Line 7786 We buð her-rihtes; Uortigernes cnihtes. Line 7787

Line 7787 & habbeoð her ifunde; enne cnaue ȝunge. Line 7788 he is ihaten Merlin; ne icnawe we na-wiðt his cunne. Line 7789 Nim hine [an] hiȝin[g]e; & sende hine to þan kinge. Line 7790 al-se þu wult libben; & þine limen habben. Line 7791 & his moder mid him; þe hine bar to monnen. Line 7792 ȝif þu þis wult don; þe king heom wule under-fon. Line 7793 & ȝif þu hit noht ne ȝemest; þer-fore þu bist flæme. Line 7794 & þas burh al for-bard; þas leoden al fordemed. Line 7795 Þa answarede Eli; þe reue of Kæir-merðin. Line 7796 Wel ic wat þat al þis lond; stunt a Vortigernes hond. Line 7797 & we beoð alle his men; his monscipe is þe mare. Line 7798 & we scullen þis don fain; & driȝen his wille. Line 7799 Forð wende þe reue; & burh-men his iuere. Line 7800