Layamon's Brut (British Museum Ms. Cotton Caligula A.IX)

Lines 7601 through 7700

Þus þe balde-fulle mon; bi-spac þer þa Bruttes. Line 7601 Þa andswarede Uortiger; her he wes to vn-war. Line 7602 Ȝif here is æi cniht swa wod; þat wepnen habbe bi siden. Line 7603 he scal leosen þa hond; þurh his aȝene brand. Line 7604 buten he hit sone; heonene isende. Line 7605 Heore wepnen heo awæi senden; þa nefden heo noht an honden. Line 7606 cnihtes eoden upward; cnihtes eoden adonward. Line 7607 ælc spac wið oðer; swulc he weore his broðer. Line 7608 Þa weoren Bruttes; imænged wið þan Saxes. Line 7609 Þa cleopede Hengest; cnihtene swikelæst. Line 7610 Nimeð eoure sexes; sele mine bernes. Line 7611 & ohtliche eou sturieð; & nænne ne sparieð. Line 7612 Bruttes þer weoren riche; ah ne cuðe heo noht þa speche. Line 7613 whæt þa Saxisce men; seiden heom bi-tweonen. Line 7614 Heo breoden ut þa sæxes; alle bihalues. Line 7615 heo smiten an riht half; heo smiten an lift half. Line 7616 biuoren & bihinden; heo leiden heom to grunde. Line 7617 alle heo sloȝen; þat heo neh comen. Line 7618 of þes kinges monnen; [sone] þer feollen Line 7619 feouwer hundred. & fife. wa wes þan kinge on liue; Line 7620 Þa Hengest hine igrap; mid grimmen his gripen. Line 7621 & bi þan mantle hine ibræid; þat breken þa strenges. Line 7622 & Sæxes him sette to; & wolden þene king fordon. Line 7623 & Hengest hine gon werien; & nalde hit noht iþeuen. Line 7624 ah he heold hine ful faste; þe while þat feht i-laste. Line 7625 Þer wes moni riche Brut; biræfued þan liue. Line 7626 Summe heo fluȝen swiðe; ofer þene feld brade. Line 7627 & wereden heom mid stanen; for wepnen næfden heo nane. Line 7628 Þer wes swiðe hard fiht; þer feol moni god cniht. Line 7629 Þer wes of Salesburi; an oht bonde icumen. Line 7630

Line 7630 ænne muchelne mæin clubbe; he bar an his rugge. Line 7631 Þa wes þer an aðele eorl; Aldulf ihaten. Line 7632 cniht mid þan bezste; he æhte Glochæstre Line 7633 he to þan cheorle leop; swulc hit a liun weoren. Line 7634 & binom him þe clubbe; þa he bar an rugge. Line 7635 æuere wulcne swa he s[m]at; þer forð-rihtes he iwat. Line 7636 bi-foren & bi-hinden; he laide heom to grunde. Line 7637 Þreo & fifti he þer sloh; & seoððe to ane ste[de] droh. Line 7638 he leop uppen stede; & swiðe gon him riden. Line 7639 he ærde to Glochæstre; & þe ȝates læc ful feste. Line 7640 & anan forð-rihtes; lette ærmi his cnihtes. Line 7641 ȝeond alle þan londe. & nomen þat heo funden. Line 7642 heo nomen orf heo nomen corn; & al þat heo quic funden. Line 7643 & brohten to burhȝe; vnnimete blisse. Line 7644 þa ȝæten heo tunden uaste; & wel heom biwusten. Line 7645 Lete we hit þus stonden; & speken of þan kinge. Line 7646 Sexes him leop%pe to; & wolde þene king ((for))-do. Line 7647 Hengest cleopede uorð-rihtes; Aswikeð mine cnihtes. Line 7648 ne sculle ȝe hine noht for-faren; for us he haueð ihaued mucle care. Line 7649 & he haueð to quene; mine dohter þa is scone. Line 7650 ah alle his burhȝes; he scal us bitæchen. Line 7651 ȝif he wule his lif broken; oðer ælles him is balu ȝiueðe. Line 7652 Þa wes Uortigerne; væste ibunden. Line 7653 giues swiðe grete; heo duden an his foten. Line 7654 ne moste he nauere biten mete; ne wið nenne freond speken. Line 7655 ær he heom hæfden isworen; uppen halidom þat wes i-coren. Line 7656 þat he al þis kine-lond; wolde bitæchen heom an heond. Line 7657 burhȝes & castles; & al his co[m]elan. Line 7658 & al swa he idode; ase hit idemed was. Line 7659 & Hengest nom an his hond; al þis riche kine-lond. Line 7660 & delde his leoden; muchel of þisse londe. Line 7661 he ȝæf æne eorle al Kent; ase hit bi Lundene went. Line 7662 he ȝæf his stiwarde Æst-sex; Line 7663 & his burðeine; Middel-sax bitahte. Line 7664 Þa cnihtes hit at-fengen; and ane while heo heolden. Line 7665 þa while Uortigerne; ȝeond þis lond ferde. Line 7666 & bitahte Hengest; hæȝen his burhȝes. Line 7667 & Hengest forð-rihtes; dude þer-in his cnihtes. Line 7668 þa while muchel smal folc; læi inne Suð-sæxe. Line 7669 & inne Middel-sæxe; muchel of þan kunne. Line 7670

Line 7670 & inne Æst-saxe; heore aðeleste ȝuȝeðe. Line 7671 Mete heo ferden; al þat heo funden. Line 7672 heo for-læiȝen þa wif; & Godes laȝen breken. Line 7673 heo duden i þan londe; al þat heo wolden. Line 7674 Þat iseȝen Bruttes; þat balu wes on londe. Line 7675 & hu Sæxisce men; isiȝen weoren to heom. Line 7676 Brut((tes)) scupten þan londe nome; for Sæxisce monnen scome. Line 7677 & for þan swike-dome; þat heo idon hæfden. Line 7678 for þan þe heo mid cnifen; biræueden heom at liue. Line 7679 þa cleopeden heo þat lond al; Æst-sæx & West-sæx. Line 7680 & þat þridde; Middel-sæx. Line 7681 Vortigerne þe king; bi-tahte heom al þis lond. Line 7682 þat ne bilæfde him an honde; a turf of londe. Line 7683 & him-seolf Vortigerne; flæh ouer Sæuærne. Line 7684 feor in-to Wellisce londe; & þer he gon at-stonde. Line 7685 & his hired mid him; þe hæne wes iwurðen. Line 7686 & he hæfde an horde; gersume swi[ð]e stronge. Line 7687 he lette his men riden; widen & siden. Line 7688 and lette him to bonnen; of ælches cunnes monnen. Line 7689 þe æuere wolden his feoh; mid freond-scipe ȝirnen. Line 7690 Þat iherden Bruttes; þat iherden Scottes. Line 7691 to him heo comen; þer-after ful sone. Line 7692 an ælchere side; þider heo gunnen riden. Line 7693 monies hæȝes monnes sune; for golde & for gærsume. Line 7694 Þa hæfde he to-somne; sixti þusend monnen. Line 7695 þa sumnede he þa richen; þa wel cuðen ræden. Line 7696 Gode men ræ[d]e[ð] me ræd; uor me is swiðe muchel neod. Line 7697 whar ich mihte on wilderne; wurchen ænne castel. Line 7698 þer ic mihte an inne; l[i]bbe mid mine monnen. Line 7699 & halden hine wið Hengest; mid hæȝere strengðe. Line 7700