Layamon's Brut (British Museum Ms. Cotton Caligula A.IX)

Lines 7501 through 7600

He nom feole sonden; & sende ȝeond his londe. Line 7501 & hehte alle his cnihtes; to him comen forð-rihtes. Line 7502 Þa þat folc was icumen; þa wes þe king swiðe untrumed. Line 7503 þa ȝirnde þe king heore grið; & þus he spac hem alle wið. Line 7504 Alre cnihten wrð eow best; þe heren æie kinge. Line 7505 þer nis nan oðer red; buten hiȝend-liche ich beo dæd. Line 7506 hir ich bitæche eow mi lond; al mi seoluer & al mi gold. Line 7507 & alle mine maðmes; eowre monscipe is þa mare. Line 7508 & ȝe forð-rihtes senden after cnihtes; Line 7509 & ȝeuen heom soluer & gold; & hældeð ȝe seolf eowre lond. Line 7510

Line 7510 & wrekeð eow ȝif ȝe cunnen; of Sexisce monnen. Line 7511 uor weonne so ich beo uorð-faren; Hengest eow wul makien kare. Line 7512 & nimeð mine likamæ; & leggeð an chæsten. Line 7513 & ledeð me to þare sæ-stronde; þer Saxisce men wulleð cumen a lond. Line 7514 Anan swa heo me þer witen; awæi heo wulleð wenden. Line 7515 nouðer quic ne dead ne durren heo me abiden. Line 7516 I-mong þissen dome; dæ[d] i-warð þe gode king. Line 7517 þer wes wop þer wes rop; & reuliche iberen. Line 7518 Heo nomen þes kinges licame; & ladden to Lundene. Line 7519 & bisides Bælȝes-ȝate fæire hine bi-burȝeden. Line 7520 & nawiht hine ne ladden; alse þe king heihte. Line 7521 Þus liuede Uortimer; & þus he endede þar. Line 7522 Þa iueolen Bruttes; a balu-fulle ræde. Line 7523 heo nomen Uortigerne anan; & bi-tahten heom þesne kenedom. Line 7524 welle reoulich wes þer a þing; nu was Vortigerne æft king. Line 7525 Uortigerne nom his sonde; & sende to Sexlonde. Line 7526 & grette wel Hengest; cnihten alre væirest. Line 7527 & bad hine [an] hiȝinge; comen to þisse londe. Line 7528 & mid him brouhte here; an hundred ridæren. Line 7529 For þat wite þu þuru alle þing; þat dead is Vortimer þe king. Line 7530 & siker þu miht hider comen; for dæd is Fortimer mi sune. Line 7531 Nis þe non neod to bringen; mid þe muchel genge. Line 7532 leste ure Bruttes; æft beon abolȝen. Line 7533 þat eow æft seorwen; siȝen bitweonen. Line 7534 Hengest somnede uærde; of feole cunne ærde. Line 7535 þat he hefde to iwiten; seouen hundred scipen. Line 7536 & ælc scip he dihte; mid þreo hundred cniten. Line 7537 i þere Temese at Lundene; Hengest com to londe. Line 7538 Þat word com ful sone to Uortigerne þan kinge. Line 7539 þat Hengest was in hauene; mid seouen hundred scipene. Line 7540 Ofte was Uortigerne wa; neuer wrse þan þæ. Line 7541 & Bruttes weoren sari; & seorhful an heorte. Line 7542 nusten heo an world-riche; ræd þat heom weore ilike. Line 7543 Hengest was of ufele war; þat he wel cudde þær. Line 7544 he nom sone his sonde; & sende to þan kinge. Line 7545 & grette Uortigerne king; mid swiðe uæire worden. Line 7546 & seide þat he was icumen; swa fader sculde to his sune. Line 7547 mid sibbe & mid saihte; he wolde on sele wunien. Line 7548 grið he wolde luuien; un-riht he wolde scunien. Line 7549

Line 7549 grið he wolde habben; grið he wolde holden. Line 7550 & al þis leodisce folc; luuien he wolde. Line 7551 & Uortigerne þene king; luuien þurh alle þing. Line 7552 Ah he hefde ibroht i þis lond; ut of Sexleoden. Line 7553 seouen hundred scipene; of hæðene folke. Line 7554 þat beoð þe alre wihteste men. þat wunieð under sunnen. Line 7555 & ich wulle quað Hengest; leden heo to þan kinge. Line 7556 to an i-sette dæie; at-foren al his duȝeðe. Line 7557 & þe king scal arisen; and of þan cnihten cheosen. Line 7558 twa hundred cnihten; to leden to his fihten. Line 7559 þe sculen biwiten þene king; durewurðliche þurh alle þing. Line 7560 & seoððen scul%len þa oðere; uaren to heore ærde. Line 7561 mid sibbe & mid sæle; aȝen to Sæx-londe. Line 7562 & ich wulle bi-læuen; mid monnen alre selest. Line 7563 þat is Uortigerne þe king; þe ich luuie þurh alle þing. Line 7564 Þat word com to Brutten; hu Hengest bihæhte heom. Line 7565 þa weoren heo uæine; uor uæiren his worden. Line 7566 & setten grið & setten frið; to whulchen ane uirste. Line 7567 þe king an ane dæie; wolde iseon þas duȝeðe. Line 7568 Þat iherde Hengest; cnihten alre uæirest. Line 7569 Þa wes he swa bliðe; swa he nes neuer ær an liue. Line 7570 for he þohte swike; þene king an his riche. Line 7571 Her iwrað Hengest; cnihte uor-cuðest. Line 7572 swa bið æuerælc mon; þe bi-swikeð þe him wel on. Line 7573 Wha wolde wenen; a þissere weorld-riche. Line 7574 þat Hengest swiken þohte; þene king þat hæfde his dohter. Line 7575 for nis nauer nan mon; þat me ne mai mid swike-dome ouer-gan. Line 7576 Heo nomen ænne isetne dæi; þat scolden þas duȝeðen. Line 7577 cumen heom to-somne; mid sæhte & mid sibbe. Line 7578 an ane uælde þe wæs muri; an-uast Ambresburi. Line 7579 Þe stude wes Ælenge; nu hatte hit Stan-henge. Line 7580 Þer Hengest þe swike; æiðer bi worde & bi write. Line 7581 cuðde þan kinge; þat he cumen wolde. Line 7582 mid his mon-uerde; to wurð-scipe þes kinges. Line 7583 ah he nalde bringen on drihte; buten þreo hundred cnihten. Line 7584 þa alre wiseste men; þe he mihte uinden. Line 7585 & þe king brohte al swa ueole; baldere þeinen. Line 7586 and þeo weoren þa alre witereste; þe wuneden on Bruttene. Line 7587 mid goden heore iweden; al buten wepnen. Line 7588 þat heom no to-wurðen; þurh þrist of þan wepnen. Line 7589 Þus heo hit speken; & æft heo hit to-breken. Line 7590

Line 7590 for Hængest þe leod-swike; þus he his gon learen. Line 7591 þat ælc nome a long sax; & læiden bi his sconke. Line 7592 wið-inne his hose; þer h[e] hit [mihte] hæle. Line 7593 Þenne heo comen to-somne; Sæxes & Bruttes. Line 7594 þenne queð Hengest; cnihten alre swikelest. Line 7595 Hail seo þu lauerd king; ælc þe is þin vnder-ling. Line 7596 Ȝif æuere æi of þine gume; gære haueð bisiden. Line 7597 send hit mid freond-scipe; feor from us seoluen. Line 7598 & beon we on sele; and motegen of sahte. Line 7599 nu we maȝen mid sibben; ure lif libben. Line 7600