Layamon's Brut (British Museum Ms. Cotton Caligula A.IX)

Lines 7401 through 7500

Lusteð me lauerd-dinges; ich æm þissere leodene king. Line 7401 ich hatte Vortimer; mi broðer hatte Catimer. Line 7402 Vortigerne hehte ure fader; him uulieð unrædes. Line 7403 He hafð ibroh[t] i þis lond; hæðene leoden. Line 7404 ah we heom habbeoð iflemed; al swa ure uulle iuan; Line 7405 & mid wepnen i-felled; of heom ueole þusen. Line 7406 & isend heom ouer sæ-stra[m]; þat heo nauere sel ne cumen aȝan. Line 7407 & we scullen an londe; luuiæn ure Drihten. Line 7408 Godes folc ur((o))frien; & freond-liche hit halden. Line 7409 wurðen mils liðe; wið þa lond-tilien. Line 7410 churichen we scullen hæhȝen; & hæðene-scipe hatien. Line 7411 Habbe alc god mon; his rihte ȝif Godd hit an. Line 7412 & ælc þrel & ælc wælh; wurðe iuroeid. Line 7413 & here ich bi-teche eou an hond; al freo ælc chiric-lond. Line 7414 & ich for-ȝiue ælchere widewe; hire lauerdes quide. Line 7415 & þus we scullen an ure daȝen; aniðeri Hengestes laȝen. Line 7416 & hine & his hæðene-scipe; þæ he hider brohte. Line 7417 & minne fader biswak; þurh swike his cra[f]tes. Line 7418 þurh his dohter Rouwenne; mine uader he uor-radde. Line 7419 & mi uader swa uuele agon; scunede þene Cristindom. Line 7420 & þa hæðene laȝen; luuede to swiðe. Line 7421 þa we sculleð sceonien; þa while þa we luuien. Line 7422 Þa answare[de] Seint Germain; for swulche worden he wes fain. Line 7423 Ich þonkie mine Drihte; þe scop þes daȝes lihte. Line 7424 þet he swulche mildce; sent to moncunne. Line 7425 Þas biscopes ferden ȝeond þis lond; & setten hit al a Godes hond. Line 7426 & þene Cristindom heo rihten; & þat volc þer-to dihten. Line 7427 & seoððen þer-æfter sone; heo iwenden to Rome. Line 7428 & sæiden þan Papen; þe Roumain wes ihaten. Line 7429 hu he hafden her idon; iriht þene Cristindom. Line 7430 & þus hit ane stunde; stod a þan ilken. Line 7431 Vo we ȝet a Uortigerne; alre kinge si he ærmest. Line 7432 he louede Rouwen; of þan hæðenne cunne. Line 7433

Line 7433 Hengestes dohter; heo þuhten him wel softe. Line 7434 Rouwenne heo bi-þohte; whæt heo don mahte. Line 7435 hu heo mahte hire fader wreken; & hire freondene deað. Line 7436 Ofte heo sende sonde to Uortimere þon kinge. Line 7437 heo him sende maðmes; moniare cunne. Line 7438 of seoluer & of golde; þe beste of æie londe. Line 7439 heo ȝirnede his ære; þat heo moste wonien here Line 7440 mid Uortigerne his fader; & foluen his rædes. Line 7441 Þe king uor his fader bone; ȝette hire hir bone. Line 7442 buten þat heo sculde wel don; luuien þene Cristindom; Line 7443 al þat þe king ȝirnede; al heo hit ȝette. Line 7444 Ah wale þat Uortimer; of hire þonke næs wær. Line 7445 Wale þat þe gode king; of hire þonke nuste na-þing. Line 7446 þat he nuste þene swikedom; þe þohte þa luðere wimman; Line 7447 Hit ilomp an are tide; heo nom hire to ræde; Line 7448 [to don bi his ræde] alle hire neode. Line 7449 and to wlche time heo mihte wel don; vnderuongen þene Cristindom. Line 7450 Forð heo gon riden; to Uortimer þan kinge. Line 7451 þa heo hine imette; uæire heo hine igrette. Line 7452 Hal wrð þu lauerd king; Bruttene deorling. Line 7453 Ich æm þe icomen to; Cristindom ich wulle auon. Line 7454 an þan ilke dæie; þe þu seolf demest. Line 7455 Þa wæs Uortimer þe king; bliþe þurh alle þing. Line 7456 he wende þat hit weore soð; þat þeo scaðe sæide. Line 7457 Bemen þer bleowen; blisse wes on hirede. Line 7458 forð mon brohte þat water; bi-foren þan kinge. Line 7459 heo seten to borde; mid muchelure blisse. Line 7460 Þa þe king hafde iæten; þa eoden þeines-men to mete. Line 7461 in halle heo drunken; harpen þer dremden. Line 7462 Þa swicfulle Rouuenne; eode to are tunne. Line 7463 þer wes idon in; þes kinges deoreste win. Line 7464 nom heo an honde; ane bolle of ræde golde. Line 7465 & heo gon scenchen; on þas kinges benche. Line 7466 Þa heo isæh hire time; heo fulde hir scale of wine. Line 7467 & at-foren al þan dringe; heo eode to þan kinge. Line 7468 & þus hailede him on; þe swic-fulle wimman. Line 7469 Lauerd king wæs hail; Uor þe ich am swiðe uæin. Line 7470 Hercne nu muchel swikedom; of þere luðere wimmon. Line 7471

Line 7471 hu heo gon swiken þer; þene king Uortimer. Line 7472 Þe king heo uæire under-uæng; to his fæie-siðe. Line 7473 Fortimer spæc Bruttisc; & Rouuenne Saxisc. Line 7474 þan king þuhte gomen inoh; for hire spæche he loh. Line 7475 Hærcne hu heo toc on; þ[i]s swicfulle wimman. Line 7476 In hire bosme heo bar; bi-neoðen hire titten. Line 7477 ane guldene ampulle; of attere i-fulled. Line 7478 & þa luðere Rouuenne; dronc þene bolle. Line 7479 þat heo hafde half don; after þes kinges dom. Line 7480 Þa while þe þa king loh; þa ampulle heo ut droh. Line 7481 þene bolle heo sette to hire chin; þat atter heo halde in þat win. Line 7482 & seoðen heo þa cuppe; bitahte þan kinge. Line 7483 Þe king dronc al þat win; & þat atter þer-in. Line 7484 Þe dæi forð eode; blisse wes on hirede. Line 7485 for Uortimer þe gode king; of þan swikedom nuste na-þing. Line 7486 for he isah Rouuenne; halden þene bolle; Line 7487 & drinken half þat ilke win; þat heo heuede idon þer-in. Line 7488 Þa hit com to þare nihte; þa to-dæl%leden hired-cnihtes. Line 7489 & þa ufele Rouwenne; wende to hire inne. Line 7490 & alle hire cnihtes; mid hire uorð-rihtes. Line 7491 Þa heihte heo hire sweines; & ec þaie þeines. Line 7492 þat heo an hiȝinge; heore hors sculden sadelien. Line 7493 & heo swiðe stille; stelen ut of buruwe. Line 7494 & wenden al bi nihte; to Þwoncchestre uorð-rihte. Line 7495 & þer swiðe vaste; bi-clusen heom in ane castle. Line 7496 & luȝen Uortigerne; þat his sune hine wolde biliggen. Line 7497 & Vortigerne þe swikele king; ilæfde þare læsing. Line 7498 Nu vnder-ȝat Uortimer his sune; þat he hefde atter inomen. Line 7499 ne mihte na lechecraft; helpen him næ wiht. Line 7500