Layamon's Brut (British Museum Ms. Cotton Caligula A.IX)

Lines 7201 through 7300

þe hæðene he laðede þar-to; he wende swiðe wel to don. Line 7201 þider comen þæines; cnihtes and sweines. Line 7202 and alle þe cuðe a boken; þa feorme for-soken. Line 7203 for þa hæðene; weoren hæhst an hireden. Line 7204 & þæt Cristine hired; for hæne wes ihalden. Line 7205 þa hæðene weoren bliðe; for þe king heom luueden swiðe. Line 7206 Hengest hine bi-þohte; what he don mahte. Line 7207 he com to þan kinge; mid are hailinge. Line 7208 & dronc to þan kinge. Line 7209 Þa spæc þus Hængest; cnihtene alre hændest. Line 7210 þat of hæðene laȝen; leouede a þan dæȝen. Line 7211 Hærcne me lauerd king; þu ært me leof þurh alle þing. Line 7212 þu hæuest mine dohter; þæ me is swiðe deore. Line 7213 & ich æm þe an folke; swa ich þi fader weore. Line 7214 Hærcne mine lare; heo sculleð þe wurðen leofue. Line 7215 for ich wulle hæhliche; to helpen þe ræden. Line 7216 Þin hired þe hateð for me; & ich æm iuæid for þe. Line 7217 & þe hatieð kinges; eorles & ðringes. Line 7218 heo uareð in þine londe; mid hære swiðe stronge. Line 7219 Ȝif þu wult þe awraken; mid wurð-scipe muchen. Line 7220 & don þine vniwinen wa; send after mine sune Octa. Line 7221 & æfter enne oðer; Ebissa his wed-broðer. Line 7222 þis beoð þa hæhste men; þe æuere hired lædden. Line 7223 & i þan norð ende; ȝif heom of þine londe. Line 7224 Heo beoð of muchele mæhte; & stronge i fæhte. Line 7225 heo wulleð bi-witen þi lond; wel mid þan bezsten. Line 7226 Þenne mihte þu mid winne; þi lif al uor-werien. Line 7227 mid haueken & mid hunden; hired-plæie luuien. Line 7228 ne þræt þu nauere habben kare; of uncuðe leoden. Line 7229 Þa answarede Vortiger; of ælchen uuele he wes war; Line 7230 Send þine sonde; in-to Sex-londe. Line 7231 after þine sune Octa; & after þine freonden ma. Line 7232 Do him wel to iwiten; þat he sende his writen. Line 7233 æfter al þan cnihten; þe gode beoð to fihten. Line 7234 ȝeond alle Sæx-þeoden; þat heo cumen to mire neoden. Line 7235 & þeh he bringen ten þusend gumen; alle heo beoð me wel icumen. Line 7236 Þis ihærde Hengest; cnihten alre hend%dest. Line 7237

Line 7237 þa wes he swa bliðe; swa he nes næuere an his liue. Line 7238 Hengest sende his sonde; in-to Sax-londe. Line 7239 hehte cumen Octa; and his wed-bro[ð]er Ebissa. Line 7240 & al of heore cun[n]e; þat heo mihten iwinnen. Line 7241 & alle þa cnihtes; þæ heo biȝiten mihten. Line 7242 Octa sende sonde; ȝeond þreom kine-londe. Line 7243 & bad ælchene ohte gume; hiȝenliche him to cume. Line 7244 þe wolden biȝiten lond; oðer seoluer oðer gold. Line 7245 Heo comen to hirede; alse haȝel þe ualleð. Line 7246 þat was to iwitene; mid þreo hundred scipene. Line 7247 Forð wenden mid Octa; þritti þusend & æc ma. Line 7248 ohte men & kene; & Ebissa his iuere. Line 7249 æfter com liðen; mid unimete leoden. Line 7250 & he ladde to iwiten; oðer half hundred scipen. Line 7251 þer-æfter comen liðe. fiue & fife; Line 7252 bi sixe bi seoue; bi tene & bi ælleuene. Line 7253 & þus heo comen liðen; toward þissen londe. Line 7254 hæðene hære-gumen; to hirede þis kinges. Line 7255 þat þis lond wes swa vul; of uncuðe leoden. Line 7256 þat nes nan swa wis mon; no swa ȝer-witele. Line 7257 þat mihte to-dæle; þa Cristine & þa hæðene. Line 7258 for þa hæðene weoren swa riue; & auere heo comen biliue. Line 7259 Þa iseȝen Bruttes; þat balu wes an londe. Line 7260 þer-uore heo weoren særi; & an heorte druri. Line 7261 & ferden to þan kinge; þe hæhste of þissen londe. Line 7262 & þus him to sæiden; mid sorh-fule steuene. Line 7263 Lust us nu lauerd king; of ure leod-runen. Line 7264 Þu ært þurh us bald king; inne þissen Brutene. Line 7265 & þu hafuest þe biwunnen; hærm & muchele sunnen. Line 7266 ibroht heðene folc; ȝet hit þe ihærmeð. Line 7267 & þu letest Godes laȝen; uor uncu[ð]e leoden. Line 7268 & nult ne ihæren ure Drihten; for þissen hæ[ð]ene cnihten. Line 7269 & we þe wulleð bidden; for alle Godes sibben. Line 7270 þat þu heom bilæuen; & of þine londe driuen. Line 7271 Ȝif þu ælles ne maht; we wulleð makien muchel fæht. Line 7272 & driuen heom of londe; oðer heom adun fallen. Line 7273 oðer we us-seoluen; of-slaȝen wulleð liggen. Line 7274 & leten haðene uolc; hælden þas riche. Line 7275 bruken hit mid winne; ȝif heo hit maȝen iwinnen. Line 7276

Line 7276 & ȝif heo alle beoð hæðene; & þu ane Cristine. Line 7277 nulleð heo nauere longe; habben þe to kinge. Line 7278 buten þu a þine daȝen; a-fo hæðene laȝen. Line 7279 & bilæue þe hæhȝe Godd; & luuie heore Mahimet. Line 7280 Þenne scalt þu for-wurþen; a þissere woruld-riche. Line 7281 & þi wracche saule; siȝen to helle. Line 7282 þenne hauest þu aboht; þe luue of þire brude. Line 7283 Þa answærede Vortiger; of ælc an uuele he wes wær. Line 7284 Nulle ich heom bilæuen; bi mine quike liue. Line 7285 for Hengest is hider icumen; he is mi fader & ich his sune. Line 7286 & ich habbe to leof-monne; his dohter Rouwenne. Line 7287 & ich heo habbe bi-wedded; & ihaued a mine bedde. Line 7288 & seoððen ich sende after Octa; & after his iueren ma. Line 7289 Hu mihte ich for scome; scunien heom swa sone. Line 7290 driuen of londe; mine wines deore. Line 7291 Þa andswarede Bruttes; mid sorȝen ibunden. Line 7292 Nulle we nauere-mare; þine iboden here. Line 7293 ne to þine hirede cumen; ne þe uor king halden. Line 7294 ah hatien we wulleð; mid hæhȝere strengðe. Line 7295 alle þine hæðene wines; & hærme igreten. Line 7296 bidden us to fultume; þat is Crist Godes sune. Line 7297 Forð iwenden eorles; forð iwenden beornes. Line 7298 forð iwenden biscopes; & þa boc-ilæred men. Line 7299 forð iwenden þæines; forð iwenden sweines. Line 7300