Layamon's Brut (British Museum Ms. Cotton Caligula A.IX)

Lines 7101 through 7200

Þer-uppe stenene wal; þe wes strong ouer-al. Line 7101 ane burh he arerde; muchele & mare. Line 7102 Þa þe burh we[s] al ȝare; þa scop he hire nome. Line 7103 he hæhte heo ful iwis; Kaer Carrai. an Bruttisc. Line 7104 & Ænglisce cnihtes; heo cleopeden Þwong-chastre. Line 7105 nu and auere-mare; þe nome sto[n]deð þere. Line 7106 & for nan o[ð]ere gome; næueden þæ burh þene nome. Line 7107 a þet come Densce men; and driuen ut þa Bruttes. Line 7108 þene þridde nome heo þer sætte; & Lane-castel hine hæhten. Line 7109 & for swulche gomen; þæ tun ha[f]de þas þreo nomen. Line 7110 Vnder þan com liðen hider; Hengestes wif mid hire scipen. Line 7111 heo hæfde to iueren; fiftene hundred ridern. Line 7112 mid hire comen to iwiten; muchele æhtene scipen. Line 7113 þer comen inne; muchel of Hengestes cunne. Line 7114 & Rouwen his dohter; þe him wes swi[ð]e deore. Line 7115 Hit wes umbe while; þat com þe ilke time. Line 7116 þat iȝarked wes þa burh; mid þan alre bezste. Line 7117 Hengest com to þan kinge; & bad him gistninge. Line 7118

Line 7118 & seide þat he hafde an in; iȝarked to-ȝeines him. Line 7119 & bad þat he come þer-to; & he scolde beon fæire under-fon. Line 7120 & þe king him ȝette; swa Hengest hit wolde. Line 7121 Hit com to þan time; þat þe king gon. forð liðe. Line 7122 mid þan deoreste monnen; of alle his duȝeðe. Line 7123 forð he gon buȝen; þat he to burh com. Line 7124 he bi-heold þene wal; up and dun ouer-al. Line 7125 al him wel likede; þat he on lokede. Line 7126 He wende in-to halle; & his heleðes mid him alle. Line 7127 bemen heo bleowen; gomen men gunnen cleopien. Line 7128 bord heo hetten breden; cnihtes setten þer-to; Line 7129 heo æten heo drunken; dræm wes i burhȝen. Line 7130 Þa þe duȝeðe hafde iȝeten; þa wes heom þa bet iloten. Line 7131 Hængest eode in-to þan inne; þer wunede Rouwenne. Line 7132 he heo lette scruden; mid vnime((te)) prude. Line 7133 al þat scrud þe heo hafde on; heo weoren swiðe wel ibon. Line 7134 heo weoren mid þan bezste; ibrusted mid golde. Line 7135 Heo bar an hire honde; ane guldene bolle. Line 7136 i-uulled mid wine; þe wes wunder ane god. Line 7137 Hæȝe iborenne men; heo lædden to hallen. Line 7138 biuoren þan kinge; fairest alre þinge. Line 7139 Reowen sæt a cneowe; & cleopede to þan kinge. Line 7140 & þus ærest sæide; in Ænglene londe. Line 7141 Lauerd king wæs hæil; For þine kime ich æm uæin. Line 7142 Þe king þis ihærde; & nuste what heo seide. Line 7143 þe king Vortigerne; fræinede his cnihtes sone. Line 7144 what weoren þat speche; þe þat maide spilede. Line 7145 Þa andswarede Keredic; a cniht swiðe sellic. Line 7146 he wes þe bezste latimer; þat ær com her. Line 7147 Lust me nu lauerd king; & ich þe wulle cuðen. Line 7148 whæt seið Rouwenne; fæirest wimmonnen. Line 7149 Hit beoð tiðende; inne Sæxe-londe. Line 7150 whær-swa æi duȝeðe gladieð of drenche; Line 7151 þat freond sæiðe to freonde; mid fæire loten hende. Line 7152 Leofue freond wæs hail; Þe oðer sæið Drinc hail. Line 7153 Þe ilke þat halt þene nap; he hine drinkeð up. Line 7154 o[ð]er uuel me þider fareð; & bi-thecheð his iueren. Line 7155 þenne þat uul beoð icumen; þenne cusseoð heo þreoien. Line 7156 Þis beoð sele laȝen; inne Saxe-londe. Line 7157

Line 7157 & inne Alemaine; heo beoð ihalden aðele. Line 7158 Þis iherde Uortiger; of alche[n] uuele he wes war. Line 7159 & seide hit an Bruttisc; ne cuðe he nan Ænglisc. Line 7160 Maiden Rouwenne; drinc bluðeliche þenne. Line 7161 Þat maide dronc up þat win; & lette don oðer þer-in. Line 7162 & bi-tæhten þan kinge; & þrien hine custe. Line 7163 & þurh þa ilke leoden; þa laȝen comen to þissen londe. Line 7164 wæs-hail & drinc-hæil. moni mon þer-of is fain; Line 7165 Rouwenne þe hende; sat bi þan kinge. Line 7166 þe king heo ȝeorne biheold; heo was him an heorte leof. Line 7167 ofte he heo custe; ofte he heo clupte. Line 7168 al his mod & his main; hælde to þan mæidene. Line 7169 Þe Wurse wes þer ful neh; þe in ælche gomene is ful ræh. Line 7170 þe Wurse ne dude næuere god; he mæingde þas kinges mod. Line 7171 he murnede ful swiðe; to habben þat mæidene to wiue. Line 7172 Þat wes swi[ð]e ladlic þing; þat þe Cristine king. Line 7173 luuede þat haðene maide; leoden to hærme. Line 7174 þat maiden wes þan kinge leof; æfne alse his aȝene lif. Line 7175 he bad Hengest his dring; ȝiuen him þat maide-child. Line 7176 Hengest funde an his ræd; to don þat þe king him bed. Line 7177 he ȝef him Rouwenne; wimmon swiðe hende. Line 7178 Þan kinge hit was [icweme] he imakede heo to quene. Line 7179 al after þan laȝen; þe stoden an hæðe[ne] dæȝen. Line 7180 nes þer nan Cristindom; þer þe king þat maide [n]o[m]. Line 7181 ne preost ne na biscop; ne nauere ihandled Godes boc. Line 7182 ah an heðene wune he heo wedde; & brohte heo to his bedde. Line 7183 Maiden he heo hæfde; & mærȝeue hire bi-tahte. Line 7184 Þa he hine an hire hafde iscend; he hire ȝef Londen & Kent. Line 7185 Þe king hafde þreo sunen; þe weoren swiðe hende gumen. Line 7186 þe ældeste hehte Vortimer; Passcent & Katiger. Line 7187 Garengan wes an eorl; þe Kent ohte longe. Line 7188 & his fader biuoren him; and seoððen he þurh his cun; Line 7189 þa he bezst wende to halden his lond; Line 7190 þa hafde Hengest hit an his hond. Line 7191 sellic þuhte þan cnihte; whæt þe king þohte. Line 7192 Þe king luuede þa hæðene; & henede þa Cristine. Line 7193 þe hæðene hæfden al þis lond; to walden under heore hond. Line 7194 & þes kinges þreo sunen; ofte þoleden sorȝen & kare. Line 7195 Heore moder wes þa dæd; þer-uore heo hafden þe lasse ræd. Line 7196

Line 7196 here moder wes swiðe god wif; & ladde swiðe Cristin lif. Line 7197 & heore steop-moder hæðene; Hengestes dohter. Line 7198 Nes hit noh[t] longe; buten ane stunde. Line 7199 þat þe king makede; ueorme swiðe store. Line 7200