Layamon's Brut (British Museum Ms. Cotton Caligula A.IX)

Lines 7001 through 7100

& þa heo þohten a[l]swa; ah hit ilomp an-oðer þa. Line 7001 for hit wes heom al hele; þat Hængest wes þere. Line 7002

Line 7002 & þa cnihtes stronge; þe comen of Saxe-londe. Line 7003 & þa ohte Alemanisce; þe þider comen mid Horse. Line 7004 swiðe monie Peohtes; heo sloȝen i þan fehte. Line 7005 feondliche heo fuhten; feollen þa fæie. Line 7006 Þa þe non wes icumen; þa weoren Peohtes ouer-cumen. Line 7007 & swuðe heo awæi floȝen; an ælche helue heo forð fluȝen. Line 7008 & alle dai heo fluȝen; monie & vnnifoȝe. Line 7009 Þe king Vortigerne; wende to herberwe. Line 7010 & æuere him weoren on uast; Hors & Hængest. Line 7011 Hængest wes þan kinge leof; & him Lindesaȝe ȝef. Line 7012 & he ȝæf Horse; madmes inoȝe. Line 7013 & alle heore cnihtes; he swiðe wel dihte. Line 7014 & hit gode stunde; stod a þan ilke. Line 7015 Ne durste nauere Peohtes; cumen i þan londes. Line 7016 no ræueres no ut-laȝen; þat heo neoren sone of-slæȝen. Line 7017 & Hængest swiðe fæire; herede þane king. Line 7018 Þa ilomp hit in ane time; þat þe king wes swiðe bliðe. Line 7019 an ane hæȝe dæie; imong his duȝeðe monnen. Line 7020 Hengest hine bi-þohte; what he don mihte. Line 7021 for he wolde wið þan kinge; holden runinge. Line 7022 Þan kinge he eode to-foren; & fæire hine gon greten. Line 7023 Þe king sone up stod; & sætte hine bi him-seoluen. Line 7024 heo drunken heo dremden; blisse wes among heom. Line 7025 Þa queð Hengest to þan kinge; Lauerd hærcne tiðende. Line 7026 & ich þe wulle ræcchen; deorne runen. Line 7027 ȝif þu mine lare; wel wult lusten. Line 7028 & noht halden to wraððe; þat ich wel leare. Line 7029 Þe king answarede; swa Henges hit wolde. Line 7030 Þa sæide Hængest; cnihten alre fæirest. Line 7031 Lauerd ich habbe moni a dæi; þine monscipe ihæȝed. Line 7032 & þin holde mon ibeon; i richen þine hirede. Line 7033 & in ælche fæhte; hæhst of þine cnihten. Line 7034 & ich habbe ofte ihærd; hoh-fulle ronen. Line 7035 imong þine hired-monnen; heo hatieð þe swiðe. Line 7036 in-to þan bare dæðe; ȝif heo hit dursten cuðe. Line 7037 Ofte heo stilleliche spækeð; & spilieð mid runen. Line 7038 of twam ȝunge monnen; þat feor wunieð hennen. Line 7039 þe an hæhte Vther; þe oðer Ambrosie. Line 7040 þe þridde hæhte Costance; þe wes king i þisse ((lond)). Line 7041

Line 7041 & he her wes of-slaȝen; þurh swicfulle laȝen. Line 7042 Nu wulleð cume þa oðere; & wræken heore broðer. Line 7043 al forbærnen þi lond; & slæn þine leoden. Line 7044 þe seoluen & þine duȝeðen; driuen ut of londe. Line 7045 & þus suggeð þine men; þer heo somned sitteð. Line 7046 for þa twene broðere; beoð ((beyne)) kine-borne. Line 7047 of Androeinnes kunne; þas aðele Bruttes. Line 7048 & þus þine duȝeðe; stille þe fordeme[ð]. Line 7049 Ah ich þe wulle ræde; of muchele þire neode. Line 7050 þat þu biȝite cnihtes; þa gode beoð to fihte. Line 7051 & bi-tache me ænne castel; oðer ane kineliche burh. Line 7052 þat ich mai inne ligge; þa while þa ich libbe. Line 7053 Ic am uor þe iuaid; þær-fore ic wene beon dæd. Line 7054 fare þer ic auer fare; næm ich næuere bute care. Line 7055 buten ich ligge faste; biclused inne castle. Line 7056 Ȝif þu þis me wult don; ich hit wulle mid luue a-fon. Line 7057 & ich wulle biliue; senden after mine wiue. Line 7058 þat is a Sexisc wimmon; of wisdome wel idon. Line 7059 & after Rouwenne; mire dohter; þe me is swiðe deore. Line 7060 Þenne ich habbe mi wif; & mine wine-maies. Line 7061 & ich beo i þine londe; fulliche at-stonde. Line 7062 þa bet ich wullen hiren þe; ȝif þu þis ȝettest me. Line 7063 Þa answarede Vortiger; of ælchen vuele he wes war. Line 7064 Nim cnihtes biliue; & send æfter þine wiue. Line 7065 & æfter þine children; þan ȝungen & þan olden. Line 7066 & æfter þine cunnen; & afeoh heom mid wunne. Line 7067 þenne heo to þe cumeð; þu sca[l]t habben gærsume. Line 7068 hæhliche heom to ueden; & wurðliche scruden. Line 7069 Ah nulle ich castel na burh; nane þe bi-techen. Line 7070 for men me wolden scenden; i mine kine-londe. Line 7071 for ȝe haldeð þa hæðene laȝe; þat stod on eoure ælderen dæȝe. Line 7072 & we haldeð Cristes laȝe; & wulleð auere an ure dæȝe. Line 7073 Þa ȝet spæc Hængest; cnihten alre hendest. Line 7074 Lauerd ich wulle þin iwil; driȝen her & ouer-al. Line 7075 & don al mine dæde æfter þine ræde; Line 7076 Nu ic wulle biliue. sende after mine wiue; Line 7077 & æfter mire dohter; þe me is swa deore. Line 7078 & æfter ohte monnen; þa bezste of mine cunne. Line 7079 and þu ȝif me swa muchel lond; to stonden a mire aȝere hond. Line 7080 swa wule anes bule hude; ælches weies ouer-spræden. Line 7081

Line 7081 feor from ælche castle; amidden ane ualde. Line 7082 Þenne ne mai þe atwite; þe hæne ne þe riche. Line 7083 þat þu æi hæhne burhȝe; hæðene monne habbe bi-tæht. Line 7084 Þe king him iȝette; swa Hengest ȝirnde. Line 7085 Hengest nom læue; & forð he gon liðe. Line 7086 & æfter his wiue sende sonde; to his aȝene londe. Line 7087 & he seolf wende ȝeond þis lond; to sechen ænne bræ[d]ne fæld. Line 7088 þer he mihte wel spræde; on his feire hude. Line 7089 He com æn enne ende; in enne fæire uelde. Line 7090 he hafde ane hude; biȝite to his neode. Line 7091 of ane wilde bule; þe wes wunder ane strong. Line 7092 He hæfden ænne wisne mon; þe wel cuðe a craften. Line 7093 þe nom þas hude; & a bord leide. Line 7094 and whætte his sæxes; alse he schæren wolde. Line 7095 Of þere hude he kærf enne þwong; swiðe s[m]al & swiðe long. Line 7096 nes þe þwong noht swiðe bræd; buten swulc a twines þræd. Line 7097 Þa al islit wes þe þong; he wes wunder ane long. Line 7098 a-buten he bilæde; muche del of londe. Line 7099 He bigon to deluen; dic swiðe muchele. Line 7100