Layamon's Brut (British Museum Ms. Cotton Caligula A.IX)

Lines 6901 through 7000

An alle mine iliue; þe ich iluued habbe. Line 6901 bi dæie no bi nihtes; ne sæh ich nauere ær swulche cnihtes. Line 6902 for eouwer cumen ich æm bliðe; & mid me ȝe scullen bilæfuen. Line 6903 & eouwer wille ich wulle driȝen; bi mine quicke liuen. Line 6904 Ah of eou ich wulle iwiten; þurh soðen eouwer wurð-scipen. Line 6905 whæt cnihten ȝe seon; & whænnenen ȝe icumen beon. Line 6906 & whar ȝe wullen beon treowe; alde & æc neowe. Line 6907 Þa answerede þe oðer; þat wes þe aldeste broðer. Line 6908 Lust me nu lauerd king; & ich þe wullen cuðen. Line 6909 what cnihtes we beoð; & whanene we icumen seoð. Line 6910 Ich hatte Henges; Hors is mi broðer. Line 6911 we beoð of Alemainne; aðelest alre londe. Line 6912 of þat ilken ænde; þe Angles is ihaten. Line 6913 Beoð in ure londe; selcuðe tiðende. Line 6914 vmbe fiftene ȝer; þat folc his isomned. Line 6915 al ure iledene folc; & heore loten werpeð. Line 6916 vppen þan þe hit fale[ð]; he scal uaren of londe. Line 6917 bilæuen scullen þa fiue; þa sexte scal forð liðe. Line 6918 ut of þan leode; to u[n]cuðe londe. Line 6919 ne beo he na swa leof mon; uorð he scal liðen. Line 6920 For þer is folc swiðe muchel; mære þene heo walden. Line 6921 Þa wif fareð mid childe; swa þe deor wilde. Line 6922 æueralche ȝere; heo bereð child þere; Line 6923 Þat beoð an us feole; þat we færen scolden. Line 6924 ne mihte we bilæue; for liue ne for dæðe. Line 6925 ne for nauer nane þinge; for þan folc-kinge. Line 6926 Þus we uerden þere; & for þi beoð nu here. Line 6927

Line 6927 to sechen vnder lu[f]te; lond & godne lauerd. Line 6928 Nu þu hæfuest iherd lauerd ki[n]g; soð of us þurh alle þi[n]g. Line 6929 Þa answærede Vortiger; of alc an vfele he wes war. Line 6930 Ich ileue þe cniht; þat þu me sugge soð-riht. Line 6931 & wulche beoð æoure i-leuen; þat ȝe on ileueð. Line 6932 & eoure leofue godd; þe ȝe to lute[ð]. Line 6933 Þa andswarede Hænges; cnihtene alre fæirest. Line 6934 nis in al þis kine-lond; cniht swa muchel ne swa strong. Line 6935 We habbeð godes gode; þe we luuieð an ure mode. Line 6936 þa we habbeð hope to; & heoreð heom mid mihte. Line 6937 Þe an hæhte Phebus; þe oðer Saturnus. Line 6938 þe þridde hæhte Woden; þat is an weoli godd. Line 6939 þe feorðe hæh[te] Iupiter; of alle þinge he is whar. Line 6940 þe fifte hæhte Mercurius; þat [i]s þe hæhste ouer us. Line 6941 þæ sæxte hæhte Appollin; þat is a godd wel idon. Line 6942 þe seoueðe hatte Teruagant; an hæh godd in ure lon[d]. Line 6943 Ȝet we habbeð anne læuedi; þe hæh is & mæhti. Line 6944 heh heo is & hali; hired-men heo luuieð for þi. Line 6945 heo is ihate Frææ; wel heo heom dihteð. Line 6946 Ah for alle ure goden deore; þa we scullen hæren. Line 6947 Woden hehde þa hæhste laȝe; an ure ælderne dæȝen. Line 6948 he heom wes leof; æfne al-swa heore lif. Line 6949 he wes heore walden; and heom wurð-scipe duden. Line 6950 þene feorðe dæi i þere wike; heo ȝifuen him to wurð-scipe. Line 6951 Þa þunre heo ȝiuen Þunres-dæi; for þi þat heo heom helpen mæi. Line 6952 Freon heore læfdi; heo ȝiuen hire Fridæi. Line 6953 Saturnus heo ȝiuen Sætterdæi; þene sunne heo ȝiuen Sonedæi. Line 6954 Monen heo ȝifuen Monedæi; Tidea heo ȝeuen Tis-dæi. Line 6955 Þus seide Hæ[n]gest; cnihten alre hendest. Line 6956 Þa answerede Vortiger; of ælchen vfel he wæs wær. Line 6957 Cnihtes ȝe beoð me leofue; ah þas tiðende me beoð laðe. Line 6958 eouwer ((ileuen)) beoð vnwraste; ȝe ne ileoueð noht an Criste. Line 6959 ah ȝe ileoueð a þene Wurse; þe Godd seolf awariede. Line 6960 eoure godes ne beoð nohtes; in helle heo niðer liggeð. Line 6961 Ah neoðeles ich wulle eou at-hælde. an mine anwalde. Line 6962 for norð beoð þa Peohtes; swiðe ohte cnihtes. Line 6963 þe ofte ledeð in mine londe; ferde swiðe stronge. Line 6964

Line 6964 & ofte do[ð] me muchele scome; & þerfore ich habbe grome. Line 6965 & ȝif ȝe me wulleð wræken; & heore hæfden me biȝeten. Line 6966 ich eou wullen ȝeuen lond; muchel seoluer & gold. Line 6967 Þa andswerede Hængest; cnihtene alre feirest. Line 6968 Ȝif hit wulle Saturnus; al hit scal i-wurðe þus. Line 6969 & Woden ure lauerd; þe we on bi-liueð. Line 6970 Hengest nom læue; & to scipen gon liðe. Line 6971 þer wes moni cniht strong; heo droȝen heore scipen uppe þe lond. Line 6972 Forð wenden dringches; to Vortigerne þan kenge. Line 6973 biuoren wende Hengest; & Hors him alre hændest. Line 6974 seoððen þa Alemainisce men; þa aðele weoren an deden. Line 6975 & seoððen heo senden him to; heore Sæxisce cnihtes wel idon. Line 6976 Hengestes cunnes-men; of his aldene cu[ð]ðen. Line 6977 Heo comen in-to halle; hændeliche alle. Line 6978 bett weoren iscrudde; & bed weoren iuædde. Line 6979 Hængest swaine; þene Vortigernes. þeines; Line 6980 Þa wes Vortigernes hired; for hehne ihalden. Line 6981 Bruttes weoren særi; for swulchere isihðe. Line 6982 Nes hit nawiht longe; þat ne comen to þan kinge. Line 6983 cnihtes sunen uiue; þa i-faren hafden biliue. Line 6984 heo sæiden to þan kinge; neowe tiðenden. Line 6985 Nu forð-rihtes; icumen þa Peohtes. Line 6986 þurh þi lond heo ærneð; & hærȝieð & berneð. Line 6987 & al þene norð ænde; iuæld to þan grunde. Line 6988 her-of þu most ræden; oðer alle we beoð dæden. Line 6989 Þe king hine bi-þohte; whæt he don mihte. Line 6990 he sende to þan innen; after al his monnen. Line 6991 Þer com Hengest þer com Hors; þer com m[o]ni mon ful oht. Line 6992 þer comen þa Saxisce men; Hengestes cunnes-men. Line 6993 & þa Alemainisce cnihtes; þe beoð gode to fihte. Line 6994 Þis isæh þe king Vortiger; bliðe wes he þa þer. Line 6995 Þa Peohtes duden heore iwune; a þas hælf þere Humbre, heo weoren icume. Line 6996 & þe king Vortiger; of heore cume wes ful war. Line 6997 to-gadere heo comen; & feole þer of-sloȝen. Line 6998 þer wes feht swi[ð]e strong; comp swiðe sturne. Line 6999 Þe Peohtes weoren ofte iwuned; Vortigene to ouer-cumen. Line 7000