Layamon's Brut (British Museum Ms. Cotton Caligula A.IX)

Lines 501 through 600

& we mæwen faren riche; ȝif we ræd luuieð. Line 501 for al þat god of þisse londe; we sculen leden mid us. Line 502 & heo bi-læuen wrecches; & wælde heom scal fulien. Line 503 for þe riche haueð muchel rum; to ræsen biforen þan wrecchan. Line 504 Þas word weoren iqueðene; þeo quides weoren leoue. Line 505 Þa he mihte ihere; þe bihalues were. Line 506 muchel dom muchel dune; muchel folkes dream. Line 507 & alle heo clepeden þus; Soð seið Membricius. Line 508 & alle hit bi-luueden; gode weren his lære. Line 509 Þa letten bringen þene king; vt of quarcerne. Line 510 & his bro[ð]er mid him; beine to-gadere. Line 511 mid yrene benden; bi-foren Brutone. Line 512 Heo him to clepeden; & la[ð] spel him cudden. Line 513 heo seiden þat he sculde beon anhongen; an one heȝe treowe. Line 514 oþer mid horsen to-drawen; mid droflicen vitan. Line 515 buten heo heom lette freo; ta faren of his londe. Line 516 ȝeue heom al his aȝte; þe he biȝeten mahte. Line 517 & alle his scipen gode; þa floten bi sæ-flode. Line 518 & his dohter Ignogen; heore duc to quene. Line 519 Þe king hine bi-þoute; wat he don mahte. Line 520 Sari he was on liue; þæs tiðende him weren læðe. Line 521 Of deað he hefde care; drof he wes on mode. Line 522 Pandrasus answerede; mid seorhfulle worden; Line 523 Ȝe biddeð mine dohter swa hende; & haldeð me inne bende. Line 524 & Antigonun mine broðer; mid ærmliche witen. Line 525 & mine men ȝe habbeð isclawen; & ȝeorneð mine maðmas. Line 526 & mine leoue dohter; to swa laðe mannes bihoue. Line 527 Ah heo mot nede beien; þe mon þe ibunden bið. Line 528 Eouer axe ich eow leue; lað þeh hit me were. Line 529 & ȝif ȝe bi-læuen wolden; inne mire þeoden. Line 530 al þridden dale mi lond; ich wolde setten Brutan on hond. Line 531 & freoien al his folc; & freonscipe makien. Line 532 & Ignogen mine dohter; ȝeuen eowre duke. Line 533 & swa we sculden bi-leauen; leoue mæȝes. Line 534

Line 534 vre lif læden; liþen to-sumne. Line 535 Þa ænswerede Brutus; þe wes borene duke. Line 536 Nulle we noht þis on-fon; ah we faren wlle[ð]. Line 537 & þu swiðe hiendliche; scild þe wið dæðe. Line 538 Ȝef us þat we wilniað; ȝif þou libben wlt. Line 539 Þe king sende his sonde. ȝeond al Gric-londe. Line 540 þat me hit him to brohte; alle his aihte. Line 541 & greiðede his scipen gode; bi þan sæ-flode. Line 542 & al þat þær-to bi-houede; hahliche i-funden. Line 543 al-swa heo wolden heora lauerd; from loðen alesen. Line 544 Al his men duden; swa þe king hehte. Line 545 Þa scipen weoren igreþede; mid gode grund-fulled. Line 546 Þe king ȝef Brutun his dohter; þe wes his bearn deora. Line 547 & al þat fo((r))ward wes ilest; Þa fusden þa ferde. Line 548 wenden riht to þare sæ; sela þa þeines. Line 549 Muchel wæs þa blisse; þa Brutus hafde mid him. Line 550 Brutus nom Ignogen; & into scipe lædde. Line 551 Heo rihten heora rapes; heo rærden heora mastes. Line 552 heo wunden up seiles; wind sto[d] an willen. Line 553 Sixtene siðe tuenti scipen; tuhten from hauene. Line 554 & feower scipen greate; þe weren grund-ladene. Line 555 mid þat beste wepnen; þa Brutus hauede. Line 556 Heo fusde[n] from stronde; vt of Griclonde. Line 557 heo wenden vt i wide sæ; þa wilde wurðen item((e))de. Line 558 Tweiȝe dawes & tua niht; inne sæ weren. Line 559 þen oðer dai heo comen liðen; on æuen to londe. Line 560 Logice hatte þat eit-lond. leode nere þar nane. Line 561 ne wapmen ne wifmen; buten westiȝe pæ[ð]es. Line 562 Vtlaȝen hefden i-ræued þat lond; & alle þa leoden of-slaȝen. Line 563 & swa hit wes al west; & wnnen bi-ræued. Line 564 Ah swa monie þar waren wilde deor; þat wnder heom þuhte. Line 565 & þa Troinisce men; tuhten to þon deoren. Line 566 & duden of þan wilden; al heora iwilla. Line 567 to þan scipen [lædden swa muche swa heo] wælden; Line 568 Heo funden i þon eit-londe; ane burh swiðe stronge; Line 569 To-hælde weoren þe walles; weste weren hallen. Line 570 Temple heo funden þar ane; imaked of marme stæne. Line 571 muchel & mære; þe Wrse hit hafde to welden. Line 572 Þer-inne was an onlicnesse; a wifmonnes liche. Line 573

Line 573 feier hit wes & swiðe heih; an are hæitnesse nome. Line 574 Diana wes ihaten; þe Deouel heo luuede. Line 575 Heo dude wnder craftes; þe Scucke hire fulste. Line 576 Heo wes quen of alle wodes; þe weoxen on eorðen. Line 577 a þon heðene lawen; me heold heo for hehne godd. Line 578 To hire weoren iwoned; þa wnder-creftie men. Line 579 of þa [þ]ingen þa weren to kumen; heo heom wolde cuðen. Line 580 mid tacnen & mid swefnen; þonne heo weren on slæpe. Line 581 Þe wile þeo on þan eit-londe; wes folc woniende. Line 582 heo wurðeden þat anlicnes; þe Scucke hit on-feng. Line 583 Brutus hit herde siggen; þurh his sæ-monnen. Line 584 þe ær weoren on þan londe; & þa lawen wusten. Line 585 Brutus nam twelf witiȝen; þe weren his wiseste men. Line 586 & enne preost of his lawen. þa weren on þan heðen dawen. Line 587 Gerion hehte þe preost; he was an hirede hæh. Line 588 he ferde to þere stowe. þar Diane inne stod. Line 589 Brutus ferde in-to þere temple; & þa twelfe mid him. Line 590 & lette al his folc; bilæuen þer-vte. Line 591 Ana scale he bear an honde; al of reade golde. Line 592 milc wes i þere scale; & win sume dale. Line 593 þa milc wæs of are wite hinde; þe Brutus sceat mid his honde. Line 594 He makede bi þon weofede; a swiðe wunsum fur. Line 595 Niȝen siðen he bi-eode; þat weofed for his neode. Line 596 He clepede to þere leuedi; heo wes him on heorten leof. Line 597 mid milden his worden; he ȝirnde hire mihten. Line 598 Ofte he custe þat weofed; mid wnsume lates. Line 599 he halde þa milc in þat fur; mid milden his worden. Line 600