Lines 6801 through 6900
swiðe he gon to wepnen; & særiliche siken.
Line 6801
ah hit wes an hafde; & noht an his heorte.
Line 6802
Þa axeden hine þa burh-men; þe swiðe balde weoren.
Line 6803
Lauerd Vortigerne; whæht is þat þu murnest.
Line 6804
Nert þu na wimman swa sære to wepen.
Line 6805
Þa answarede Vortigerne; þe wes swike ful deorne.
Line 6806
Ich eow wulle telle; for reoliche spelle.
Line 6807
of muche særnesse; þe isiȝen is to londe.
Line 6808
Ich habbe i ðis ærd ibeon; eower kinges stiwærd.
Line 6809
& ispæken hi[m] wið; & iluued hine swa mi lif.
Line 6810
ah nalde he at þan ende; nænne ræd luuien.
Line 6811
description
Page 354
Line 6811
He luuede þa Peohtes; þa vncuðe cnihtes.
Line 6812
& us nalde he god don; ne neower feire vnder-fon.
Line 6813
ah heom he wes liðe; a to heore liue.
Line 6814
Ne mihte ic of þan kinge; habben scipinge.
Line 6815
ich spende mine ahte; þa wile þa heo ilaste.
Line 6816
& seoððen ich nam leue; to mine londe liðe.
Line 6817
and þenne ich hæfde mine gauel; cumen aȝan to hirede.
Line 6818
Þa isæhȝen þa Peohtes; þat þe king nefde nane cnihtes.
Line 6819
neo nauere nænne cunes-mon; þe heo wolden oht fore don.
Line 6820
heo nomen heore. uore in-to þas kinges bure;
Line 6821
Ich suggen eow þurh alle þing. islæȝen heo habbeoð þæne king;
Line 6822
& þencheð þisne kine-dom. & us alle for-don;
Line 6823
& wulleð forð-rihte. makien king of ane Peohte;
Line 6824
Ah ich wes his stiward. w[r]æken ich wulle minne lauerd;
Line 6825
& æueræche oht mon. hælpen me þat to don;
Line 6826
On ich wulle mid mine gæren. & forð-riht ich wulle uaren;
Line 6827
Wenden ut of Lunden. cnihtes þritti hundred;
Line 6828
heo riden & heo arnden. forð mid Vortigerne;
Line 6829
þat heo neh-læhten; þer weoren þa Peohtes;
Line 6830
& he nom enne of his cnihtes. & sende to þan Peohten;
Line 6831
& seide heom þat he com. ȝif heo hine wolden vnde((r))-uon;
Line 6832
Þa Peohtes weoren bliðe. for heore fæi-siðe;
Line 6833
& heo nomen heore gode gæren. nes þer neowðer sceld ne spære;
Line 6834
Vortiger forð-rihtes. wepnede alle his cnihtes;
Line 6835
& comen þa Peohtes. & bruhten hæued þas kinges;
Line 6836
Þa Vortiger þis hæued isæh. þa hælde he to grunde ful neh;
Line 6837
swulc he hafuede mod-kare. mest of alre monne;
Line 6838
mid his lechen he gon liȝen. his heorte wes ful bliðe;
Line 6839
Þa seide Vortigerne. þe swike wes ful deorne;
Line 6840
Auerælc oht mon. mid sweorde leggeð heom on;
Line 6841
& wrækeð wel an ærde. þe seorȝe of ure lauerd;
Line 6842
Nænne heo ne nomen. ah alle heo heom sloȝen;
Line 6843
& to þan inne wende. in-to Winchæstre;
Line 6844
& sloȝen heore sweines. & heore burh-þeines;
Line 6845
heore cokes & heore cnaues. alle heo duden of lif-dæȝen;
Line 6846
Þus ferden þa tiðinde; of Costanz þan kinge.
Line 6847
& þa weorlde-wis mon; þa oðere childre bi-wusten.
Line 6848
for heo hafden care of Vortiger; heo nomen Ambrosie & Vðer.
Line 6849
& la[d]den heom ouer sæ; in-to þere lasse Brutene.
Line 6850
description
Page 356
Line 6850
& fæire heom bi-tahten; Budiz þan kinge.
Line 6851
& he heom feire vnder-feng; he wes heore cun & heore freond.
Line 6852
& mid muchelere liste; þa childere he biwuste.
Line 6853
and swa wel fele ȝere; mid him heo weoren þere.
Line 6854
Vortiger a þissen londe; wes ihoue to kinge.
Line 6855
alle þa Brut[tes] stronge; stoden an his honde.
Line 6856
fif & twenti ȝeren; he wes king here.
Line 6857
He wes wod he wes wild; he wes ræh he wes bald.
Line 6858
of alle þinge; he hæfde his iwille. bute þa Peohtes neoren næuere stille;
Line 6859
ah eouere heo wenden. ȝeond þene norh enden;
Line 6860
& henden þis kinelond. mid hærmen vnimete;
Line 6861
& wreken heore cun inoh; þat Vortiger here of-sloh.
Line 6862
Vnder þan comen tiðende; into þissen londe.
Line 6863
þat Aurelien wes cniht; þe Ambrosiæn wes ihæten.
Line 6864
& al-swa wes Vther; god cniht & swiðe i-war.
Line 6865
and wolden comen to þissen londe; & leden here swiðe stronge.
Line 6866
Þis wes feole siðe iqueðe; ofte iquidded.
Line 6867
ofte comen tiðinde; to Vortiger þan kinge.
Line 6868
þer-fore him ofte scomede; & his heorte gromede.
Line 6869
for men hit sæiden wel iwhær; Nu cume[ð] Ambrosie. & Vther.
Line 6870
and wulleð wræken Costance; þene king of þis lond.
Line 6871
N[i]s þer cost nan oðer; wærken heo wulleð heore broðer.
Line 6872
and slæn Vortigerne; & to duste hine for-berne.
Line 6873
þus heo wulleð al þis lond; setten an heore aȝere hond.
Line 6874
Swa quiddeden ælche dæi; al þat verden æfter wæi.
Line 6875
Uortiger hine biðohte; whæt he don mihte.
Line 6876
& þohte sende sonde; into oðere londe.
Line 6877
æfter vncuðe cnihten; þa hine biwiten mihten.
Line 6878
and þohte to beon wær; wið Ambrosie & wi[ð] Vther.
Line 6879
Vnder þan comen tiðende; to Vortiger þan kinge.
Line 6880
þat ouer sæ weoren icumen; swiðe selcuðe gumen.
Line 6881
inne þere Temese; to londe heo weoren icum%men.
Line 6882
þreo scipen gode; comen mid þan flode.
Line 6883
þreo hundred cnihten; alse hit weoren kinges.
Line 6884
wið-uten þan scipen-monnen; þe weoren þer wið-innen.
Line 6885
Þis weoren þa færeste men; þat auere her comen.
Line 6886
ah heo weore hæðene; þat wes hærm þa mare.
Line 6887
Uortiger heom sende to; and axede hu heo weoren idon.
Line 6888
description
Page 358
Line 6888
ȝif heo grið sohten; & of his freond-scipe rohten.
Line 6889
Heo wisliche andswerden; swa heo wel cuðen.
Line 6890
& seiden þat heo walden; speken wið þan kinge.
Line 6891
& leofliche him heren; & hælden hine for hærre.
Line 6892
and swa heo gunnen wenden; forð to þan kinge.
Line 6893
Þa wes Uortigerne þa king; in Cantuarie-buri.
Line 6894
þer he mid his hirede; hæhliche spilede.
Line 6895
þer þas cnihtes comen; bi-foren þan folc-kinge.
Line 6896
Sone swa heo hine imetten; fæire heo hine igrætten.
Line 6897
& seiden þat heo him wolden; hæren i þisse londe.
Line 6898
ȝif he heom wolde; mid rihten at-halden.
Line 6899
Þa andswerede Vortiger; of elchen vuele he wes war.
Line 6900