Layamon's Brut (British Museum Ms. Cotton Caligula A.IX)

Lines 6301 through 6400

þat is al þe ende. nulle we þuder wende; Line 6301 an-oðer halue we habbeoð. mare þene we maȝen an-hebben; Line 6302 Nes þer nan oðer and-swere. & þas sonden gunnen aȝæn faren; Line 6303 Þa heo aȝan comen. þa Bruttes from Rome; Line 6304 þa tiðende talden; þe Romleoden heom salden. Line 6305

Line 6305 þa wes Lundene folc; mid sorȝen ibunden. Line 6306 Þa wes þer an ærchebiscop; þat wes hali mon [&] god. Line 6307 & mid Godde swiðe hæh; Guencelin ihaten. Line 6308 He sende his sonde; ȝeond alle Brutlonde. Line 6309 æfter alle þan clæreken; þe Godes lare cuðen. Line 6310 alle þaie ihade[de] gumen; hiȝendliche him to comen. Line 6311 & heo ful sone; to Lundene comen. Line 6312 Þus Guencelin heom spæc wið; Mid us wunien Godes grið. Line 6313 þat is on Latin ful iwis; þat me sæið Pax vobis. Line 6314 & heo him seiden forn to; Et cum spiritu tuo. Line 6315 Þa bi-gon he lar-spæl; & of gode spæc swi[ð]e wel. Line 6316 A þan daȝen at Sei[n]t Pauwel; wes þe ærchebiscop stol. Line 6317 & wel feole ȝere; þe ærchebiscopes weoren þere. Line 6318 ah seoððen þa Seint Austin com; hit wes to Cantuare-buri idon. Line 6319 Nu seide Guencelin; þa wes þa heolie mon. Line 6320 Lusteð lauerdin[g]es; of ure tiðendes. Line 6321 þa þes haðene mon; þe is ihaten Melgan. Line 6322 & Wanis & heore uerde; habbeð ibroht [wa] to þissen ærde. Line 6323 & wulleð þesne Cristindom; al for-faren & for-don. Line 6324 & ich wulle habben leue; forð ich wulle liðen. Line 6325 & ouer sæ wenden; to summe hæȝe kinge. Line 6326 & bidde þane hæȝe king; þat hæ us hælpen þurh alle þing. Line 6327 & ȝif ich mai iuinden; to speken wið swulche kinge. Line 6328 þenne wulle ich wel fain; cumen hidere aȝæin. Line 6329 oðer ælles næuere-mare; nulle ich cum%men here. Line 6330 & ȝe bidden for me; on eower bare cneowen. Line 6331 & habbeð alle godne dæi; cumen ich wulle ȝif ich mai. Line 6332 Þa wes þat folc særi; & sorhful on heorte. Line 6333 ne biden nauere Brutware; an heore liue swulche care. Line 6334 Forð wende Guencelin; & his clærkes mid him. Line 6335 riht forð to þere sæ; þær heom sæl þuhten. Line 6336 Scipen heo þer funden; & sone in wenden. Line 6337 & heo ful sone; ouer sæ comen. Line 6338 in-to Bruttaine; þer-foren heo weoren faine. Line 6339 þa þe king Maximien; ȝæf þan eorle Conaan. Line 6340 ah dæd wes þa Maximiæn; swa wes þe king Conaan. Line 6341 Ah Aldroein hæhte his sune; þe wes of Conaan icumen. Line 6342 Brutaine þat lond; he hafde al in his hond. Line 6343 Armoriche hæhte þat lond; ah þene nome hit losede an hond. Line 6344

Line 6344 A[l]dro[ei]n wes þer king; vnder him wes moni hæh dring. Line 6345 Guencelin to þan kinge com; & he hine lette wel a-fon. Line 6346 þe ærchebiscop feol to þes kinges fot; & bæd hine biðenche uppen Godd. Line 6347 Lauer[d] king Aldroein; ofte þe wurðe Godd fæin. Line 6348 Iþenc þat þu weore Conaanes sune; of Brutten þu ært al icumen. Line 6349 Ich æm icumen to speken þe wið; & ȝeorn%nen þe liues grið. Line 6350 In-to ure londe beoð icumen; twæine hæþene gumen. Line 6351 Melga & Wanis; muchel ufel heo doh us. Line 6352 heo habbeoð of ure londe; al þene norð ende. Line 6353 & swiðe we beoð auæred; þat heo nu habben mare. Line 6354 & ȝet heo þencheð ufele don; to fallen þæne Cristindom. Line 6355 & turne to heðenesse; þa hæȝe & þa læsse. Line 6356 For þi fader nom of Brutlonde; alle þa cnihtes stronge. Line 6357 & moni þusend ladde to Rome; Maximien þe wel idone. Line 6358 & nu liggeð of-slaȝen; þa heo bilæfden an ure daȝen. Line 6359 & þus is Brutlond%des ærd; of folke bi-dæled. Line 6360 Sonde we sende to Rome; & beden þat heo comen. Line 6361 and heo us habbeoð wor[d] isend; bi vre sond-monnen; Line 6362 þat we don þat bezste þat we muȝen. for nulleð heo nauer-mare cumen; Line 6363 ah hateð us bi-winnen. hælp ȝif we cunnen; Line 6364 & habbeð iqueðen us scere. nu & auere-mare; Line 6365 Ah wel mæi don hu hit ga. for wræcches we beoð æuere-ma; Line 6366 Whilen weoren Bruttes. þa bezste men of londe; Line 6367 al þat heo bigunnen. al heo hit biwunnen; Line 6368 Nu heo beoð ouercumen. æiðer islaȝen & inomen; Line 6369 & a-wæi ivaren mid Maximian. & mid þi uader Conaan; Line 6370 þat [n]is þer bileued wel neh nan. þat auere beo æi tale on; Line 6371 Ah þu ært of ure cunne. of us naue þu nane sunne; Line 6372 help us nu for þu miht. ælles we habbeoð muchel pliht; Line 6373 Þus spæc þe ærchebiscop. þat Aldroein king hit vnder-stod; Line 6374 þe king gon siche sare; him gunnen glide teores. Line 6375 & urnen his æȝene; þat his hired-men hit iseȝen. Line 6376 Þa ȝæf þe king and-swære; & wið Guencelin he spæc þus þere. Line 6377 Ich eow wulle helpen; mid hæȝere strengðe. Line 6378 ich þe wullen bitæchen; twa þusend cnihtes. Line 6379 þat scullen beon þa bezste; þæ wunieð inne Brutene. Line 6380 & Costantin minne broðer; swulcne nat ich nænne oðer. Line 6381 swa wid swa is pes dæi-liht; nat ich nenne betere cnihte. Line 6382

Line 6382 ne nat ich a wærulde-riche; cniht his iliche. Line 6383 makieð hine lauerd; ouer al Brutlondes ærd. Line 6384 Þa axede Aldroein þe king; his deore broðe[r] Costantin. Line 6385 & he forð-rihtes; bitahte him þa cnihtes. Line 6386 Forð ferde Costantin; & þe ærchebiscop mid him. Line 6387 & þe king him-seolf walde uaren; ah of Frensce monnen he hæfde kare. Line 6388 Hider-ward wende; Costantin þe hende. Line 6389 and al his uerde isund; at Totteneis heo comen a lond. Line 6390 þeder com þe ohte mon; wælla wel wes he ibon. Line 6391 & mid him twa þusend cnihten; swulche na king ne æhte. Line 6392 Forð heo gunnen liðen; in-to Lundenne. Line 6393 and senden æfter cnihten; ȝeond þat kineriche. Line 6394 and æuerælc oht mon; þat hiȝenliche come anan. Line 6395 Þet iherde Bruttes; þer heo wuneden i þan puttes. Line 6396 inne eorðen & inne stockes; heo hudden heom alse brockes. Line 6397 i wude i wilderne; inne hæðe & inne uærne. Line 6398 þat ne mihte wel neh na man; nenne Brut iuinden. Line 6399 buten heo weoren in castle; oðer y burhȝe iclused uaste. Line 6400