Lines 6201 through 6300
bi þere sæ-stronde bi-side Scot-londe.
Line 6201
þer weoren æuere iwuned; þe vt-laȝen to londen cumen.
Line 6202
& seoððe heo heom dihten; to bi-witen þa dich mid cnihten.
Line 6203
Þa dic & þa wal weoren ȝare; þa næfde Bruttes nane kare.
Line 6204
aȝan heo gunnen wenden; to þare burh of Lunden.
Line 6205
& Febus of Rome; hustinge bad sone.
Line 6206
Þer com moni riche mon; to þan hustinge anan.
Line 6207
moni cniht moni eorl; moni þein moni cheorl.
Line 6208
moni riche burh-mon; þer wende beon bliðe anan.
Line 6209
þa sorh-fulle weoren an heorten; ær þe dæi weoren agan.
Line 6210
Febus þe feire cniht; lette beoden his ferde uorð-riht.
Line 6211
þat heo comen to hustinge; mid alle heore þringe.
Line 6212
& þa sweines at hærberwen; letten heore hors wel ȝærwen.
Line 6213
& makien þa heors al swa ȝare; swa heo sculden forð faren;
Line 6214
& al þat folc duden þus. swa hit hæhte Febus;
Line 6215
& swa heo gunnen wenden. to heore hustinge;
Line 6216
Þa þat folc wes al icumen. & ælc his stude hafde inomen;
Line 6217
þa hehte me lusten. inne Lundenne;
Line 6218
Þa stod him up Febus. þe riche cniht and seide þus;
Line 6219
Lusteð me nu Bruttes. þe her beoð bi-halues;
Line 6220
Ich habbe eow to suggen. soð word of Rome;
Line 6221
Ȝe us sende sonde. in-to ure londe;
Line 6222
of þare sorhȝe ful iwis. þe eow duden Melgan & Wanis;
Line 6223
& ich mid mire ferde. com to þissen ærde;
Line 6224
& ich habbe eower iuan. iualled to þan grunde;
Line 6225
& iflemed ut of ærde. Melgan buten uærde;
Line 6226
description
Page 324
Line 6226
Nu [ȝ]e maȝen to-ȝere. careles wunien here;
Line 6227
of þare ilke uerde. þe islaȝen is on ærde;
Line 6228
Ȝe us habbeð ofte imaked wrað. þer-uore inne Rome ȝe beoð lað;
Line 6229
for ofte ȝe us habbeð at-halden. þat gauel of þissen londe;
Line 6230
& æc [ȝ]e habbeoð ufele idon. i-slæȝe þene king Gratien;
Line 6231
& ofte ȝe us bi-hateð. treoðe to halden;
Line 6232
& æuere a þan ænde. ȝe wakieð an honde;
Line 6233
We habbeð for eower luuen. ilosed ure leoden;
Line 6234
cnihtes i þissen londe. an hundred þusende;
Line 6235
seoððen Iulius Cesar; ærst bicom her.
Line 6236
ah swa we ibiden are; nulle we no mare.
Line 6237
ah we wulleð sone; uaren in-to Rome.
Line 6238
& bi-tachen eow þis kine-lond; & haldeð hit on eowre hond.
Line 6239
& brukeð hit mid [wu]nne;
Line 6240
for nulle we nauere-mare. aȝan comen here;
Line 6241
We habbeð of þisse londe. ihaued monie þusend punde;
Line 6242
þa we habbeð her bi-soht. ah heo beoð ful deore aboht;
Line 6243
we beoð ofte hider ifaren. mid wandreðe & mid care;
Line 6244
& nu ȝe maȝen wel don. bisecheð eow wepnen a-nan;
Line 6245
& werieð eow seoluen. wið vncuðe leoden;
Line 6246
Neoren eower ælderen. aðelene cæppen;
Line 6247
Heonne to Rome. al þat lond. stod on heore aȝere hond;
Line 6248
& al þat lond þat heo iseȝen. sone heo hit bi-wunne;
Line 6249
al heo hit biwunnen. mid heore ahte wæpnen;
Line 6250
Ah makieð in eowre londe. castles swiðe stronge;
Line 6251
and werieð eowre þeode. wið vncuðe leode;
Line 6252
& wunieð her hal and hæil. & habbeð alle godne dæie;
Line 6253
Þa þeos word weoren [isæid]; þa wes her a strong ræd.
Line 6254
næs nauere þe mon iboren; inne nare burhȝe.
Line 6255
þe auere mihte tellen; þurh nane spellen.
Line 6256
of þere muchele særi-næsse; þa isiȝen wes to folke.
Line 6257
Þa weoren inne Lundenne; lað-liche iberen.
Line 6258
þer wes wop; þer wes rop. & reoðen vnimete;
Line 6259
þa þeo Rom-leoden. riden toward scipene;
Line 6260
& Bruttes bilafden. inne þisse londe;
Line 6261
mid vnimete reoðe. ne cuðe heo ræd nænne;
Line 6262
Þas tiðinde ful iwis. iherde Melga & Wanis;
Line 6263
heo hefden ane verde. of vnimete folke;
Line 6264
& heo gunnen wenden. in-to Norh-humber-lond;
Line 6265
description
Page 326
Line 6265
ȝeond þat lond heo arnden. and sloȝen & barnden;
Line 6266
& swa heo forð wenden. þat heo comen to þan walle;
Line 6267
þeo þa Rom-leoden. hæfden aræred;
Line 6268
Bruttes weoren wið-innen. mid swiðe feole monnen;
Line 6269
& Melga wið-vten. & ȝeorne wes abuten;
Line 6270
hu he mihte aȝeinnen. þat he weoren bi[n]nen;
Line 6271
Heo ræsden to þan walle. ræiȝe þeines;
Line 6272
somned alle þa uerde. feole cunnen ærde;
Line 6273
þa dich wes swiðe wid & deop. & þa ferde to-leop;
Line 6274
& Bruttes weoren igærede. & þene wal weoreden;
Line 6275
heo scuten in; heo scuten ut. scalkes þer feollen;
Line 6276
arwen fluȝen ouer wal. al abuten ouer-al;
Line 6277
swa þicke wes heore uæræ. swulc hit haȝel wæren;
Line 6278
þat for þa arewen ne mihte þa Bruttes. ȝemen [n]anes fihtes;
Line 6279
ah a-dun of þan walle. iwenden heo alle;
Line 6280
& setten to fleme. feond-liche swi[ð]e.
Line 6281
& þa oðer breken þane wal; & eoden binnen ouer-al.
Line 6282
& after heo droȝen; & swuðe heom sloȝen.
Line 6283
heo sloȝen þer muchel wunder; twa & fifti hundred.
Line 6284
al of Brutten seoluen; wið-uten þan Scotten.
Line 6285
& wið-ut%ten þan Dænscæn; þa inne þere dic bi-læfden.
Line 6286
Þus iþæh þis kinelond; a þere Bruttene hond.
Line 6287
Whæren Bruttes; cnihtes icorene.
Line 6288
ah nu heo weoren alle; swiðe for-lorene.
Line 6289
ne beoð heo neuere hæȝe; buten heo hælp habben.
Line 6290
of oðere moncunne; for heo seolf ne cunne.
Line 6291
Þus ferde ful iwis; Melga & Wanis.
Line 6292
Þa Bruttes of Lundene; to Rome sende sone.
Line 6293
beden heom swiðe cumen; & don alse heo ær weoren iwuned.
Line 6294
þat heo arædde þis lond; & nomen hit al to heore hond.
Line 6295
for heom heo hit vðen; bet þane þan vncuðen.
Line 6296
Þa ȝeuen heo þus answære; Nulle we nauere þider faren.
Line 6297
to þolien þat sw[i]nc & þat iwin. aȝæn þat heðene cun;
Line 6298
for þat is Goddes wiðer-sake. Wanis ihaten;
Line 6299
& Melgan his iuere. nulle we nauere cumen þere;
Line 6300