Layamon's Brut (British Museum Ms. Cotton Caligula A.IX)

Lines 5901 through 6000

And þe king sende; in-to þisse londe. Line 5901 & hæhte Aðionard; þe biwuste Brutlondes ærd. Line 5902 þat he him swiðe sende; þat folc of Brutlonde. Line 5903 & folc of ælche cræfte; sundri scipen bi-tæhte. Line 5904 & mong þan wifmonnen; wepmon næuer enne. Line 5905 buten þa seoluen scipmen; þe heom scullen læden. Line 5906 Al eoden þeos ræd; swa þe king hæfde iseid. Line 5907 & Conaan þer heold to; mid hæhȝere strengðe. Line 5908

Line 5908 & þe king ferde; uorð toward France. Line 5909 & bi-ȝæt al þat kine-lond; & sette hit on his aȝere hond. Line 5910 & þeonne he gon liðen; in-to Lohernne. Line 5911 al þat lond he bi-ȝæt; swa he dude Liuieine æc. Line 5912 swa he gon liðe; in-to Lumbardie. Line 5913 al þat lond he bi-ȝæt; þær wes Caradoc dæd. Line 5914 þa hauede Mauric his sune; sorȝen inowe. Line 5915 nes þer nan oðer ræd; buten þe Mavric iwærð dæd. Line 5916 To Rome wende Maximiæn; uppe Valentin & vppen Gracien. Line 5917 i fehte he nom þene oðer; þa ȝirnde grið þa oðer. Line 5918 Cnihtes heo weoren hende; þe king heom dude i bende. Line 5919 & he anan sone; ahnede al Rome. Line 5920 Þat word com to Conaan; hu iuaren hafde Maximiæn; Line 5921 & þat Caradoc wes dæd inne Lumbardie; Line 5922 & al-swa Mauric his sune. for muchele sarinesse; Line 5923 Þa nom þe eorl Conaan. ænne swiðe wisne mon; Line 5924 & sende to þissen londe. to Adionard þan stronge; Line 5925 þe wes stiward swiðe bisi. inne þiss[e] Bruttene; Line 5926 To Adionard me brohten writ. þat dæd wes his broðer; Line 5927 Caradoc þe mære. & Mauric his sune deore; Line 5928 þa næfde Caradoc i þis ærd. broðer bute Adionard; Line 5929 & he forð-riht nom an his hond; al Caradokes lond. Line 5930 Þa iherden þa Frence men; þat at Rome wes Maximien. Line 5931 & Cradoc wes dæd; þa nomen þa Frence ænne ræd. Line 5932 þat heo wolden flæme; Conaan þene kene. Line 5933 vt of þan londe; þe Maximian him ȝæf an honde. Line 5934 þe is bi-halues France; & Bruttaine is ihaten. Line 5935 & Conaan ne ȝirnde na grið; ah festliche heom feht wið. Line 5936 & wel he makede his castles; treowe & swiðe uæste. Line 5937 & alle his beornen he wes leof; þe comen of þissen londe. Line 5938 For alle he hæfde þa cnihtes; þe Maximien him bi-hehte. Line 5939 & ec þa eorles; & þa sweines & þa cheorles. Line 5940 & alle þa burh-men; þa him bi-hehte Maximien. Line 5941 Wifmen neuede he noht feole; buten fiftene hundred. Line 5942 for wifmen nolden noht liðen; vt of þissen londe. Line 5943 buten þe eorl Adionard; þe wes þe hæhste i þis ærd. Line 5944 walde heore borh beon; þat heo scolden heore while wel bi-teon. Line 5945 Þa hæhuede Adionard; ænne dohter swiðe deore. Line 5946 heo hæfde al þat hære-word; of þan maidenen of þis ærd. Line 5947 þeo wimman wes on sele; heo hæhte Vrsele. Line 5948

Line 5948 Conaan sende to þis ærd; to þan eorle Adionærd. Line 5949 & bed þat he him ȝeue; his dohter to quene. Line 5950 Adionard ȝæf andswere; wurðscipe habbe he þer-fore. Line 5951 Mon-scipe habbe Conaan; þat he mire dohter wel on. Line 5952 Nu to-dæi a seouen nihten; ich heo senden him bi mine cnihten. Line 5953 & alle þa wimmen; þe him ȝef mi lauerd Maximien. Line 5954 þider heo scullen liðen; ȝif heo wulleð libben. Line 5955 oðer ich heom wullen alle for-don; & bi þan titten an-hon. Line 5956 Þa ȝarkede Adionard; þisses londes lauerd. Line 5957 his dohter Ursæle; þe wimman wes wel sæle. Line 5958 he þohte heo to sende; ouer sæ-strames. Line 5959 in-to Bruttaine londe; to Conaan þan stronge. Line 5960 Þa iherden þa wimmen; wide ȝeond þas Bruttene. Line 5961 þat me wolde senden; Vrse[l]e to þan londe. Line 5962 hire comen to inoȝe; monie & vn-ifoȝe. Line 5963 þat wolden mid hire uaren; to þan kinge Conaane. Line 5964 swiðe feole heo bi-sohte; ma þeone heo rohten. Line 5965 Þa þe dæi wes icumen; þe Adionard hafde inumen. Line 5966 þat forð scolde uaren; þat mæiden Vresele. Line 5967 þa hafden to iwiten; seouen and twenti scepen. Line 5968 alle heo weoren isunde; i þere burh of Lunden. Line 5969 Inne þere Temese; heo teuhten heore seiles. Line 5970 wind heo hæfden wunsum; weder mid þan bezsten. Line 5971 & heo seileden forð; þat inne sæ heo comen. Line 5972 þa vmbe stunde; ne sæȝe heo noht of londe. Line 5973 Þa aras heom a wind; a þere wiðer side. Line 5974 swurken vnder sunnen; sweorte weolcnen. Line 5975 haȝel & ræin þer aræs; þe hit i-seh him agras. Line 5976 vðen þer urnen; tunes swulche þer burnen. Line 5977 bordes þer breken; vimmen gunnen wepen. Line 5978 Þa scipen þa urnen bi-uoren; twelue þer weoren for-loren. Line 5979 þa oðere weoren al to-driuen; & forð mid þere sæ iliðen. Line 5980 nes þer na steores-mon; þat æuere aht cuðe þer-on; Line 5981 Nes næuere na mon iboren. ne of nane londe icoren. Line 5982 þat hæleð weore swa stærc; ne swa hærd-iheorted. Line 5983 þe iherde þesne weop; & þisne wunderliche ræm. Line 5984 & cleopien to þan halhȝen; mid hæhȝere steuene. Line 5985 þat his heorte neore særi; for þan vnimete sorhȝen. Line 5986 Seoððen þis world wes astald; & monnen an honde isælde. Line 5987

Line 5987 ne com nauere wurse hap; to nane wummannen. Line 5988 Summe þe scipen wunden; forð mid þan wederen. Line 5989 fulle fiftene; i þan ane wes [Vrsele]. Line 5990 þe sæ wes wunder ane wod; and ladliche iwraððed. Line 5991 & þa scipen i þere wildere sæ; Line 5992 æuere norð forð-riht. þreo dæies & þreo niht; Line 5993 Þa weoren ut of Norweiȝen. tweien eorles iuaren; Line 5994 Mælgam & Wanis. heo weoren kene ful iwis; Line 5995 of Denemarke & of Norweiȝe. heo weoren iqueðen vt-laȝen; Line 5996 & heo ferden bi sæ-siden. vnimete wide; Line 5997 Heo i-cneowen wel a þan wolcnen. þas wederes custes; Line 5998 heo droȝen to ane ait-londe. þer heo leoðe hafueden; Line 5999 Wanis wes in Hungrie. þer he harm worhte; Line 6000