Layamon's Brut (British Museum Ms. Cotton Caligula A.IX)

Lines 5701 through 5800

No here ich nenne godne ræd. þe þe ȝet beo isæd; Line 5701 Ȝif þu bi-tachest Conan. þine kineriche; Line 5702 þat word comeð sone. vorð into Rome; Line 5703 For nu is Ælene. Ierusalem quene; Line 5704 & þe king Costantin. & alle his cnihtes mid him; Line 5705 & dæd his þe riche Leonin. & his broðer Marin; Line 5706 & Maximien þe ȝunge cniht. i Rome haldeð muchel fiht; Line 5707 & Traher i þisse londe. mid spere wes of-stungen; Line 5708 & ælche dæi inne Rome; Maximien þe wel idone. Line 5709 haldeð swiðe muchel iwin; wið Gracien & wið Valantin. Line 5710 & Costantin þe king; of us ne þencheð naðing. Line 5711 & þus we beoð of Bruttene; freonden biræued. Line 5712 Bute þu wisliche bitæche; þine kineriche. Line 5713 wulleð Romleode; cumen to þissere þeode. Line 5714

Line 5714 & for-uaren vs mid fehte; & ure freond ivallen. Line 5715 & maken vnsæhte; & binimen us ure irihten. Line 5716 Þenne þu beost forð-faren; ne beon we næuere buten caren. Line 5717 Ah send into Rome; æfter Maximien þan wel idone. Line 5718 he is swiðe hende gume; & he wes Leonines sune. Line 5719 his fader wes Ælenen æm; he is of aðele cunne. Line 5720 & ȝif him þine dohter; þa þe is swiðe deore. Line 5721 & make hine to kinge; & þine dohter to quene. Line 5722 þenne maȝe we libben; mid sæhte & mid sibben. Line 5723 & a to ure liue; witen ure leoden. Line 5724 mid winne & mid wurðscipe; mid muchele wisdome. Line 5725 Þa aras Conan; & stod biuoren þan kinge. Line 5726 he wes wunderliche wrað; for þeos speche him wes lað. Line 5727 he spæc aȝen Cradoc; alse he hine wolde fordon. Line 5728 Ah ne rohte næuere Cradoc; of al þat Conan eorl spæc. Line 5729 for al þat hustinge; þe wes biuoren þan kinge. Line 5730 bi-luueden Cradockes ræd; for heo iseȝen þat hit wes neod; Line 5731 Þ[a] cleopede Octaues. Brutlondes lauerd; Line 5732 Hail seo þu Caradoc. Line 5733 Herfore þu scælt habben; wurhscipe muchele. Line 5734 Læn me Mauric þinne sune; þe is a swiðe wis gume. Line 5735 to uaren a mire neode; in-to Rom-þeode. Line 5736 æfter Maximiane; þane richen & þane kene. Line 5737 þæt he cume swiðe; þe while þe ich beo on liue. Line 5738 and ich him wulle bitæchen; mine kine-riche. Line 5739 and mine dohter Orien; to habben to quene. Line 5740 & ic wulle Maurike; mede bi-tæchen. Line 5741 ich ȝeue him Norhhumber-lond; here mid mire aȝere hond. Line 5742 þis ich him bitæchen; of mine kine-riche. Line 5743 wið þan þe he me bringe; Maximien þæ hende. Line 5744 Al swa þe king ȝirde; Mauric hit him ȝette. Line 5745 he ferde uor[ð]-rihtes; mid þreom wise cnihtes. Line 5746 þat he com to Rome; to Maximiene. Line 5747 Þer wes muchel vnfrið; in al þan londe nas na grið. Line 5748 ah mid vn-friðe þer wes muchel win; mid Gracien & mid Ualantin. Line 5749 Heo duden Maximiene; vnimete teone Line 5750 muchel lond heo hæfden binomen; ære þider come Maurich þe gume. Line 5751 Sone swa Maximiane i-sæh. swa he him to bæh; Line 5752 & fæire hine igrætte. mid guðfulle worden; Line 5753

Line 5753 & he irad-liche. lædde hine to ræde; Line 5754 & he þus spæc. wunderliche feire; Line 5755 Hercne Maximian. þu ært of muche cunne; Line 5756 þu weore Elene æmes sune. of hæhȝe cunne þu ært icumen; Line 5757 Ær ich hider uore. nis nawhit ȝære; Line 5758 Octaues ure king. i Lundene heold his husting; Line 5759 þat hustinge wes god; hit wes witene-imot. Line 5760 vnhæle & ælde; hæueð þene king vnbalded. Line 5761 Þer wes moni cniht god; & þe king heom æxede ræd. Line 5762 wham he mihte bitæchen; his dohter & his riche. Line 5763 & alle his doȝeðe; æfter his dæie. Line 5764 Þreo eorles anan; icure þe eorl Canaan. Line 5765 þat me sculde him Brutlond; bi-tachen al on his hond. Line 5766 & þa fæire Oriene; þes kinges dohter to quene. Line 5767 Conanes eorldom; Kent is ihaten. Line 5768 & mi fader is an icor%ren eorl; Cornwalen lauerd. Line 5769 he is ihaten Caradoc; he is of þine cunne. Line 5770 & ich hatte Mauric; þe mæste of his childeren. Line 5771 Þa heo hæfden a-nan; þus icoren Conan. Line 5772 þa lep mi fader up; swulc hit an liun weore. Line 5773 & wið-seide þene cure; bi-foren ure kinge. Line 5774 Þer wes swiðe muchel dune; þeines þer dremden. Line 5775 & mi fader Caredoc; makede lust & þus spæc. Line 5776 While wes Elene; Custances quene. Line 5777 Ælene hæfde enne æm; þe æðele wes on londe. Line 5778 he wes i-haten Leonin; uorð he ferde mid Costantin. Line 5779 Traher hæhte his broðer; & Marin þe oðer. Line 5780 Traher i þissen londe; wes islæȝen mid wornge. Line 5781 Conanes fader hine sloh; þat wes swiðe muchel woh. Line 5782 for [Tra]her king wende; þat heo weoren ifreonde. Line 5783 Lusteð wel Bruttes; þe her beoð bi-hælues. Line 5784 Leonin hadde ænne sune; & inne Rome he wuneð. Line 5785 Maximien he hatte; of þan aðele cunne. Line 5786 Sende we to Rome; & haten hine cumen some. Line 5787 & in ure hustinge; hæhuen hine to kinge. Line 5788 & þa feire Oriene; bithæchen him to quene. Line 5789 þenne maȝen we libben; mid sæhten & mid sibben. Line 5790 Þus spæc mi fader Caradoc; biforen þan folke. Line 5791 Þa andswerede þe king; hit wes him swiðe i-queme. Line 5792 & alle his beornen; þe wunieð on Brutene. Line 5793

Line 5793 bute Conaan wes swiðe wræð; for þe cure him wes læð. Line 5794 Cleope nu to ræde; þine rædȝiuen gode. Line 5795 & sæie me her of andswere; for nu to-marwen ich wulle faren. Line 5796 Þa wes Maximien; for þisse worde swi[ð]e fæin. Line 5797 he cleope[de] his ræd-ȝiuen; & eoden to rune. Line 5798 þe ræd wes sone iræd; al swa Mauric hit bad. Line 5799 Stille i-wende sone; Maximien of Rome. Line 5800