Layamon's Brut (British Museum Ms. Cotton Caligula A.IX)

Lines 5101 through 5200

& Luces heore lauerd; þe leof heom was an heorte. Line 5101 þus hit ferde here; wel feole ȝere. Line 5102 Luces þe leod-king; leouuede wel longe. Line 5103 twa and feowerti wintre; mid muchere winne. Line 5104 her wes mete her wes drænc; men þer-of dræmden. Line 5105 her wes unimete fare; a þissere folc riche. Line 5106 Þ[u]s heo gunnen driuen; & forȝeten to swiðe. Line 5107 þat heom tæhte þe hehȝe mon; þe gode biscop Dunian. Line 5108 & Fagan his i-uære; þe while þe heo weoren here. Line 5109 Inne griðe þurh alle þing; wunede Luces þe king. Line 5110 þat com þe ilke dæi; þat þe king dæd læi. Line 5111 leof him wes grið and ræd; inne Gleochæstre he wes dæd. Line 5112 þær hehȝe Bruttes; þene king bureden. Line 5113 Þa wes þe weorlde swa uorð iuaren; seoððen ure Drihte wes iboren. Line 5114 an hundred ȝere and sixti; þa þe king sah to grunde. Line 5115 Seoððen Luces king wes dæd; her wunede a swiðe strong red. Line 5116 ne bi-læfde he her neouðer; suster ne broðe[r]. Line 5117 ne quene ne næh cun; þe his caðel mihte heolden. Line 5118 To Rome comen tiðende; of Luces þon kinge. Line 5119 hu þe king wæs hære dæd. & i þisse londe nas na ræd; Line 5120 Heo makeden heore uerde. and senden to þissen ærde; Line 5121

Line 5121 Seuarus wes heore hære-toȝe; inne Rome he wes ibore. Line 5122 Þe ferde wes swiðe strong; þeo comen heo to þisse lond. Line 5123 Seuerius wende anan; to hæbbene þisne kinedom. Line 5124 ah Bruttes weoren bisie; & ofte hine a-bæileden. Line 5125 ofte heo him wið fuhten; a feole cunne wisen. Line 5126 Seuarus hine biðo[ð]te; whet he don miðte. Line 5127 in his herede he makede grið; & lette awæi þat vniriht. Line 5128 þat na man ne wurðe swa wod. ne witte bi-dæled; Line 5129 þat in his hirede breke grið. uppe leome & uppe lif; Line 5130 of nauere nane þinge. þat come to his cleopinge; Line 5131 Þis iseȝen Bruttes. þe weoren swiðe bisie; Line 5132 þat Seuarus in his hirede; hæfde hehliche grið. Line 5133 & mong heom-seoluen; vnimete seorȝen. Line 5134 Bruttes siȝen to-gæderes; fulle seoue þusend. Line 5135 & speken Seuarium wið; & ȝirden his hiredes grið. Line 5136 & he heom ȝette; & ȝef ȝiues swiðe gode. Line 5137 Þa wes Seuarus hired; selcuðliche istronged. Line 5138 alle þe ær weoren buuen; he heom sette bi-neoðen. Line 5139 & muchele luue heold wið. alle þat ȝirnden his grið; Line 5140 He uærde to Lunden. & heo hine vnder-fengen Line 5141 he uerde þurh þis kinelond. & sette hit in his aȝere hond; Line 5142 & æuere heo fluȝen him bi-uoren. þe his feond weoren; Line 5143 Swa swi[ð]e he heom hænde. þat heo fluwen ouer Hu[m]bre; Line 5144 heo fluȝen forð-rihtes. þat heo comen to þan Peohtes; Line 5145 & heo heom vnder-fengen. & nomen heom to iuaren; Line 5146 Heo makeden enne hehne cniht; heore here-toȝe forð-riht Line 5147 fæier cniht and hende. Fulgenes wes ihaten; Line 5148 he heom scolde læden. & he heo[m] sculde ræden; Line 5149 Enne ende of Scot-londe. nom Fulgenes to his honde; Line 5150 þe ende him wes deore. he hæhte Dæire; Line 5151 Sæuarus from Scotte-wær[d]. seoððe aȝæn wende; Line 5152 & his folc lædde; in-to Lundene. Line 5153 & Fulgenes vt of Scot-len; muchel scaðe makede. Line 5154 He leop in-to Brutlond; mid muchele balu-ræssen. Line 5155 æhte he nom men he sloh; he duden seorȝen inoh. Line 5156 & þus he uerde longe; inne Scot-londe. Line 5157 Þis iherde Seuarus; þe inne Rome wes kæisere. Line 5158 and seoððen hider al þa lond. stod an his aȝere heond; Line 5159 þe kæisere sende his seonde; ȝeond feole londe. Line 5160 lette him to beoden; swa monie of weorcmonnen. Line 5161 þat he lette makien ænne dic; þe wæs wunderliche deop. Line 5162 muche and swiðe stronge; bisides Scotlonde. Line 5163 from sæ to sæ eode þæ dich. ælche oðere vnilich. Line 5164 Þe[r]-vfenen he makede scid wal; wunder ane cræftie. Line 5165 seoððen he sette cnihtes; to witen hit dæies & nihtes. Line 5166 þat neuere Poht þer-ouer ne com; ne næuere nan oðer mon. Line 5167 bute wha-swa walden ȝernen grið; & speken þan kæisere wið. Line 5168 & wunien forð here; mid Seuare þan kæisere. Line 5169 Þat iherde Fulgenes; þat þis weorc iuorðed wes. Line 5170

Line 5170 þat he into þisse londe ne mihte; ne dæies ne nihtes. Line 5171 Nuste he þa nænne ræd; þe him æuere þuhte god. Line 5172 he cleopede alle his dringches; þat heo comen to hustinge. Line 5173 heore kinge to ræden; of his muchele neode. Line 5174 Heo him rædden to faren; riht into Cise. Line 5175 fær-liche he þider com; & fæire wes under-fon. Line 5176 He spac wið þan Peohtes; & swa muchel heom bi-hæhte. Line 5177 þat heo gædereden in þan ærde; mucle scip-ferde. Line 5178 & ferden bi sæ-stronde; into þissen londe. Line 5179 He uerde riht to Euerwicke; Brutten þutte sellic. Line 5180 þa burh he anan bilæi; mid baldere strengðe. Line 5181 Seoððen he dude to witen; þurh worde & þurh writen. Line 5182 alle his freonden; þe weoren in þissen londe. Line 5183 þat heo scolden wel don; & alle comen him to. Line 5184 he heom wolden mucle wele; & wurð-scipe itæchen. Line 5185 & æuere to his liue; heo sculden beon him leoue. Line 5186 Þis iherden Bruttes; þer-fore heo weoren balde. Line 5187 & wenden from Seuere; þan Romænisce kæisere. Line 5188 moni þusend; Bruttes to Fulgenes. Line 5189 & he heom faire on-feng; & muche feoh bihæhte; Line 5190 Þat iherde Sæuarus; þat Fu[l]genes dude þus. Line 5191 he somnede uerde; of folke of þissen ærde. Line 5192 he uu[s]de touwærd Euerwic; to his fæi-siðe. Line 5193 Þa he to Euerwic com; Fulgenes him wes a-foren on. Line 5194 heo bigunnen fehten; feondliche swiþe. Line 5195 a ba hælue þer ful; folc unimete. Line 5196 Sæuare þer wes of-slæȝen; & feole his Romwæren. Line 5197 Fulgenes wes iwunde; wunderliche sære. Line 5198 þat i þan þridden dæie; he sarne dæd þolede. Line 5199 Of Sæueres dæðe; Bruttus þer demden. Line 5200