Layamon's Brut (British Museum Ms. Cotton Caligula A.IX)

Lines 5001 through 5100

nes hit neuere itiled; þurh nænne eorðe-itilie. Line 5001 no nauere þer ne wuneden on; nanes cunnes quic mon. Line 5002 Sonen heo gunnen to ærien; þat lond wes swiðe æðele. Line 5003 heo tileden heo seowen; heo repen heo meowen. Line 5004 wið-innen þan þrom ȝeren; þa nomen heo twælf iueren. Line 5005 & heo uerden sone; þat heo to þisse londe comen. Line 5006 Bruttes heo gretten; mid græi[ð]lichen worden. Line 5007 beden heom beon on sele; & alle isunde. Line 5008 We eow to-ȝerneð; ȝeue swiðe deore. Line 5009 þet ȝe us ȝiuen wifmen; to habben to wiue. Line 5010 þenne maȝe we heolden luue; to þissen leod-folke. Line 5011 Þa þis iherden Bruttes; heokerliche heom þuhte. Line 5012 & hehten heom faren awæi; & fleon of heore londe. Line 5013 for nolde heo heom ȝetten; þa þinges þe heo ȝernden. Line 5014 Peohtes weoren i-scende; & heore wæi forð wende. Line 5015 ham to heore cunne; & cudden heom heore erende. Line 5016 Heo nomen heore sonde; & sende to Irlonde. Line 5017 to þes londes kinge; Gille Caor ihaten. Line 5018 & biden hine heom senden; wifmen of his londe. Line 5019 & þe king heom ȝette; al þat heo ȝeorenden. Line 5020

Line 5020 Þurh þa ilke wifmen; þa þer wuneden longe. Line 5021 þat folc gan to spelien; Irlondes speche. Line 5022 & auer seoððen þa laȝen; wunieð a þan londe. Line 5023 swa heo beoð þere nu and æuere-mare. Line 5024 Hæfde Maurius þe king; god grið ȝeo[n]d his lond. Line 5025 a to his liue; his leoden weoren bliðe. Line 5026 Þa com þe ilke dæi; þat þe king dæd læi. Line 5027 forð com þes kinges sune; Coil wes ihaten. Line 5028 Þes wes ræh þes wes strong; þes wes stið an þonke. Line 5029 þes cuðe alle þa domes; þe stoden inne Rome. Line 5030 ah he ne luuede noht longe; þat wes his leodene hærm. Line 5031 ah þa while þe he luuede; his lond he huld a blisse. Line 5032 Hæfde Coil þe king; þe wes Bruttene aðel. Line 5033 enne leofue sune; Luces ihaten. Line 5034 þes wes þe bezste mon; þe auere hæfde kinedom. Line 5035 seoððen to Brutlonde com; Bruttes þe hit biwan. Line 5036 Luces wes kineboren; Luces wes wel itoȝen. Line 5037 & he wes swiðe blæð-fæst; Bruttes hine luueden. Line 5038 Moni wes þat gode þing; þat cuðe Luces þe king. Line 5039 nes þa na man vnder lufte; þe cuðe betere cræftes. Line 5040 Þurh þisne ilke æðele mon; vnder-fe[n]g þis lond Cristin-dom. Line 5041 þe mon þe wule lusten; hu hit ærest ilomp. Line 5042 þeos boc him wulle suggen; soððere wordes. Line 5043 hu Luces þe king; ærst Crist luuede. Line 5044 Men wel i-done; comen ut of Rome. Line 5045 comen to þan kinge; & talden him tiðende. Line 5046 of alle þere fore; þe Petrus dude in Rome. Line 5047 and whulcne martirdom; hauede vnder-fon. Line 5048 & þa oðere halȝen; þe mid Godde hah weoren. Line 5049 Þa longede swuðe; Luces þon kinge. Line 5050 ære he mare wuste; of þan Lauerd Criste. Line 5051 Þa weoren inne Rome; men wel idone. Line 5052 & an hali mon þer wes Pape; Elæudarius wes ihaten. Line 5053 Nom Luces þe king; of his leofuste monnen. Line 5054 sende to þa Papen; & feire hine gon greten. Line 5055 & be[d] hine on Godes nomen; þat him god uðe. Line 5056

Line 5056 þet he senden him anan; sumne god-cunde mon. Line 5057 for þe king wolde wel don; & Cristes laȝen vnder-fon. Line 5058 libben mid rihte; & luuien his Drihte. Line 5059 he an alle his leoden; þe wuneden inne þissere þeoden. Line 5060 Þa þuhte Elæuðerie; þat tiðende swiðe murie; Line 5061 nes na mon on liue. þat weore al-swa bliðe; Line 5062 alse wes þe hali man. þa he þis iheren gon; Line 5063 Þe Pape hafden tweien biscopes. þe luueden Godes rihten; Line 5064 hider-wardes he heom senden. þa biscopes forð wenden; Line 5065 þat comen þa Godes sonden. in-to þissen londe. Line 5066 to Luces þon kingen; & to al his here-ðringen. Line 5067 Þa spac Dunian; & þe oðer biscop Fagan. Line 5068 seiden þan kinge lar-spel; & he hit hærcnede wel. Line 5069 ær þat lær-spel weoren idon; þe king ȝeornde Cristin-dom. Line 5070 & alle his duȝeþe-cnihtes. hit ȝeorde forð-rihtes. Line 5071 Þe king fulluht vnder-fe[ng]. & alle his gode men mid him; Line 5072 & alle his Bruttes. þe him buȝen wolden; Line 5073 & þa fulluht nulden vnder-fon. þe king heom letten fordon; Line 5074 Þa þis wes al idon. þa token heo oðer weise on; Line 5075 beiene þa biscopes. ferden ȝeond þas Bruttene; Line 5076 alle þa templen. þe þa heðene hafden itimbrid; Line 5077 Heo letten alle þa scrud at þere dure werpen vt; Line 5078 wascen þa waȝes. wel mid þan bezsten; Line 5079 þa nomen anlicnes. þe Mahun weoren ihatene; Line 5080 heo letten heom draȝen vt. oðer bi hondes oðer bi fot; Line 5081 heo heom letten swalen. inne swærte fure; Line 5082 Þa þis wes al idon. þa token heo oðer weiis on; Line 5083 heo ferde forð-rihtes. þurh Godes mihten; Line 5084 from stouwe to stouwe; & stureden heom-seoluen. Line 5085 hælȝeden alle þa templen; a þes Helindes nomen. Line 5086 Þa þet wes all i-don; þo token heo oðer weis on. Line 5087 þa setten heo biscopes; þan folken to dihten. Line 5088 þer-ouer ærchebiscopes þat clærcscipe to rihten; Line 5089 chirchen he letten areren. monie & wel iwhare. Line 5090 preostes heo þer setten; ase þer-to mihte semen. Line 5091 Þa þis wes al idon; þa token heo oðer weis on. Line 5092 þa com Luces þe king; & lond þer-to leide. Line 5093 & sette þer-on Godes frið; & freoden alle þe chirchen. Line 5094

Line 5094 & þa laȝen beoð a monie studen; al-swa Luces heom on dude. Line 5095 Naþeles heo weoren soððen; swiðe awæmmed. Line 5096 ladliche iniþered; þurh niðfulne craft. Line 5097 & eft heo weoren irihte; swa hit weolde Drihten. Line 5098 Þa alle þas þinges weoren idone; þa ferden þa biscopes to Rome. Line 5099 & bi-leæfden in þisse londe; þat folc a Godes heonde. Line 5100