Layamon's Brut (British Museum Ms. Cotton Caligula A.IX)

Lines 4901 through 5000

wið Claudien minne fader; þe wes þi cudliche freond. Line 4901 þe dude þe þa wurhscipe; bi-tahte me þe to wiue. Line 4902

Line 4902 & þu ært me swa leof; swa mi kine-lauerd. Line 4903 Mi cun is her wið-vten; & þi kun her wið-innen. Line 4904 Ȝif þu brekest þine quides; & mi cun quellest. Line 4905 soð ich þe habbe iseid; wið þine sune þu beost iuæid. Line 4906 & ȝif mi cun clembeð. & bi-neoðen þe ibringeð; Line 4907 & þe seoluen & þin folc. falleð to grunde; Line 4908 ȝif þu and þine þer wurðeð dæd. þeonne beo ich wið mine sune iued. Line 4909 betere weore sæhte; þene swulc vnisibbe. Line 4910 & bi-þenc þe of þan fore. hu þu mine fader swore. Line 4911 to lasten alche ȝere; al to þine liue. Line 4912 gauel in-to Rome; of þine kine-dome. Line 4913 & ȝet ilæsteð þi lif; swa hit do longe. Line 4914 for þi þu most holden; þat þu ær bihæhtest. Line 4915 Al þa hered-cnihtes; heolden mid þere quene. Line 4916 Þe king and alle his cnihtes; wakeden alle nihte. Line 4917 al niht heo runden; whæt heom weoren to ræde. Line 4918 Ne mihte heo finde nænne ræd; þe heom þuhte al swa god. Line 4919 swa heom þuhte þe soðe quides; of þere quene. Line 4920 A-marwe þa hit dæi wes. duȝeþen heom gereden; Line 4921 to-gædere-ward heo uusden. alswa heo wolden fehten; Line 4922 Forð com þa quene. & rad heom bi-tweonen; Line 4923 ærst heo nom grið. & seoððen heo heom spac wið; Line 4924 sette sæhtnesse. somnede cnihtes; Line 4925 þa ær weoren ifeonde. makede heom to fronde Line 4926 And þe king heom bi-hehten; his foreward to haldene. Line 4927 & swa he hit ilæste; þe while þe he luuede. Line 4928 Þus heo weoren sahte; & þus heo weoren some. Line 4929 Þa wes þeos Bruttene; swiðe iblissed. Line 4930 & Vaspasiæn and his iueren; al þat winter wuneden here. Line 4931 from burie to burie; ferden mid blisse. Line 4932 Anan swa seomer come; þa ferden heo to Rome. Line 4933 Brut-lond wes bliðe; a to þeos kinges liue. Line 4934 Nu hauede þe king Aruiragus; enne sune þe hehte Maurus. Line 4935 he wes isende to Rome; to leornien in scole. Line 4936 þer him wes swa wel idiht; he wes clærc & god cniht. Line 4937 Þider him com sonde; ut of þissen londe. Line 4938 þæt her nes nan rad; for þe king his fader wes dæd. Line 4939 & he mosten cume sone; to his kine-dome. Line 4940 Swa wes þat writ idiht; & he hit dude forð-riht. Line 4941

Line 4941 to þisse londe he com; & under-feng þene kine-dom. Line 4942 Wel riche wes Aruiragus; and mucle ricchere Maurius. Line 4943 a þisse londe he heold grið; a þisse londe he hulde frið. Line 4944 her wes blisse her wes mete; & alre godene mast. Line 4945 A þissen ilken hit stod; þet com ouer sæ-flod. Line 4946 an king þe hæhte Rodric; elche oðer unilic. Line 4947 he com ut of Scice; elches londes vniliche. Line 4948 he brohte mid him þe Peohtes; folc of muchele mahte. Line 4949 Seoððen Rod[r]ic wes ærst mon; & he mihte uuel don. Line 4950 a he ferde bi sæ-flod; & dude he uuel & næuere god. Line 4951 monie hundreð buriȝe; he hæfde imakede blæðe. Line 4952 He ferde bi sæ-stronde; into Scotlonde. Line 4953 þat lond he al wæste; mid hermen þan meste. Line 4954 þurh þat lond he ærnde; & hæ[r]ȝede and hærmde. Line 4955 Comen þa tiðende; to Maurius þon kinge. Line 4956 hu þe king Rodric; his ræflac makede. Line 4957 Sone he sende sonde; ȝeond alle þisse kine-londe; Line 4958 hæhte æuerælcne mon; þa his monscipe uðe. Line 4959 þat he wel iwepned comen to hirede; Line 4960 Þis folc wes isomned. and þe king fusde; Line 4961 ferde into Scotlonde. þere he Rodric king fond; Line 4962 Heo fuhten swiðe feondliche. & feollen þa Peohtes; Line 4963 & Rodric þer wes of-slaȝen. & seoððen mid heorsen to-draȝen; Line 4964 Þer dude Maurius þe king. a wel swuðe sællech þing; Line 4965 uppen þen ilke stude. þer he Rodric uor-dude; Line 4966 he lette a-ræren anan. enne swuðe sælcuð stan; Line 4967 he lette þer-on grauen. sælcuðe run-stauen; Line 4968 hu he Rodric. of-sloh. & hine mid horsen to-droh; Line 4969 & hu he þa Peohtes. ouer-com mid his fæhtes; Line 4970 Vp he sette þæne stan. ȝet he þer stondeð; Line 4971 swa he deð al swa longe. swa þa woreld stondeð. Line 4972 Nome him scupte þe king; & hehte þene stan West-mering. Line 4973 a muchel dæl londes; þe þer lið abuten. Line 4974 nom þe king to his hond; & hæhte hit West-merelinge lond. Line 4975 Nu þu hafuest soð iherd; for wham hit swa hatte. Line 4976 Þa þe þeo Peohtes; weoren ouer-cumne i þon fehte. Line 4977 and Rodric wes dæd; & his iueren for-demed. Line 4978 þa fluȝen þer bihælues; fiftene hundred. Line 4979 þat weoren þa feirest men; þe weoren i þon fehte. Line 4980 hæfden he to here-toȝe; enne hæh-iborene mon. Line 4981

Line 4981 Þeos weolden heom iburȝen; & bi-halues fleon. Line 4982 & buȝen vt of londe; to helpen heore liue. Line 4983 Þat i-sehȝen þreo eorles; þe i þeon fehte weoren ohte. Line 4984 whudere-ward þa ferde; heore flæm makeden. Line 4985 Þe eorles heom siȝen to; mid selen heore cnihtes. Line 4986 driuen heom in-to ænne hæhne wude; þer heo heærm þoleden. Line 4987 Stod þe wund-liche wude; amidden ane wælde. Line 4988 biuoren na bihinden; ne mihten þær nan at-winden. Line 4989 ah alle hi heom nomen; & nane heo ne a-sloȝen. Line 4990 fæste heom heo bunden; & brohten to þen kinge. Line 4991 þat þe king heom sculden; don; oðer slan oðer hon. Line 4992 Anan swa þe king heom spec wið; swa heo ȝeornden his grið. Line 4993 ȝeorne heo hine beden; þurh his æd-meden. Line 4994 þat he nomen heom to þrallen; & heo him wolden þiwien. Line 4995 & heo him wolden beon liðe; a to heore liue. Line 4996 Al þe king weorhte; also heo bi-sohten. Line 4997 & heom an heond sælde; muchel dæl of londe. Line 4998 al abuten Catenes; þer heo caðel wrohten. Line 4999 Þat lond wes swiðe god; ah seoððen wes þe muchel flod. Line 5000