Layamon's Brut (British Museum Ms. Cotton Caligula A.IX)

Lines 4601 through 4700

alle his hæȝe men; his hustigge isechen. Line 4601 & heo to-gædere comen; i þere burh of Rome. Line 4602 Heo buden heore ferden. wide ȝeond þon ærde; Line 4603 Mid unimete dome. heo ferden vt of Rome; Line 4604 heo ferden swa longe. þat heo comen to þisse londe; Line 4605 Claudius þe kæisere. & al his Romanisce here; Line 4606 At Port-chæstre heo comen alond. & stepen up a sæ-strond; Line 4607 & bi-læien anan Port-chæstre. mid heore folke swiðe faste; Line 4608 Heo letten deluen diches. vnimete deope; Line 4609 & al a-buten ouer-al. he makede stænene wal. Line 4610 Þa wes Port-chestre; burh mid þan bezste. Line 4611 ah mid þan wind-ræsen; al heo gunnen to-reosen. Line 4612 mid fure and mid fehte for-uaren; þurh Glaudius þan kæisere. Line 4613 Þis iherde Wiðer; þe wes Bruttene king her. Line 4614 þat icumen wes i þisse lond; Claudius þat wes swa strong. Line 4615 Þe king gædere[de] uerde; wide ȝeond his eærde. Line 4616 & Aruiragus his broðer; gæderede an-oðer. Line 4617 & ferden to-ward þære sæ; mid selkuðe folke. Line 4618 þat heo comen mid heore here; to Claudiene þan kæise[re]. Line 4619 Feondliche heo feohten; fullen þa fæie. Line 4620 and þe eorl Aruiragus; mid æðele help his broðer. Line 4621 Claudius hæfde enne richene mon; þe wes icleoped Haumund. Line 4622 he redde þæn kæisere; & al þan Romanisce here. Line 4623 Hamund bi-heold Wiðer; & his wiðer-happes. Line 4624 & heu ladliche i þon fihten; he sloh þa Rom-cnihtes. Line 4625 & al þat him bi-foren stod; he falden to his foten. Line 4626 Hamun hine bi-þohte; whet he don mihte. Line 4627 hv he mihte þene king; Wiðer aquelle. Line 4628 Hamun ferde ȝeon þat wæl; & wende þa deden. Line 4629 funde þer enne cniht; þe islæȝen wes þer-riht. Line 4630 nom he his burne; & his gold-ileired bord. Line 4631 leoup he an his stede; & bihælues he gon riden. Line 4632 þer he isæh Wiðe[r] king; þe wiðer wes an compe. Line 4633 Hamun þe ridere; smat his aȝene ifere. Line 4634

Line 4634 & warð him swiðe bisi; swulc he Brut weore. Line 4635 Wende þe king Wiðer; þat he weore his iuere. Line 4636 ah þer he na ne come; ȝif hit nere for swike-dome. Line 4637 Hamun arnde upwar[d]; & oðer while adunward. Line 4638 þenne he isæh Romanisce mon; he rasden him ouen-an. Line 4639 his speche wes al Brutisc; Brut swulc he weoren. Line 4640 Swa longe he gon riden; þat he wes bi þæs kinges side. Line 4641 & fæht þan kinge bi-foren; swulc he weoren his mon iboren. Line 4642 & sloh ((is)) haȝen iueren; muchel swike-dom wes þere. Line 4643 Þe king him treousede on; for he wes swa æht mon. Line 4644 & wende for soð riht; þat he weore his aȝen cniht. Line 4645 Þe king wende forð-rihtes; bi-hælues þan fihte. Line 4646 he wes swiðe of-hæt; þat al his burne wes bi-swæt. Line 4647 he lette his burne of his rugge eorne. Line 4648 & Hamun him to strac; mid toȝen his mæine. Line 4649 mid his spere he wes wæht; þes kinges breosten he to-bræc. Line 4650 þane king Wiðer he of-sloh; þer wes swike-dom inoh. Line 4651 & seoððen rehliche fleh; to his Rom-leode. Line 4652 kudde hit his kæisere; whet he dude mid his spere. Line 4653 Þis isæh Aruiragus; þat his broðer islæȝe wes þus. Line 4654 mid muchelen hiȝinge; he leup to þan dæde kinge. Line 4655 igrap his stede; & alle his iwede. Line 4656 & sturede i þon compe; al-se hit þe king weore. Line 4657 Mest alle þa Bruttes þe weoren þere; wenden þat hit weoren Wiðer. Line 4658 heo ræsden to Romleoden; & heo remden to flonne. Line 4659 heo sloȝen forð-rihtes; Claudienes cnihtes. Line 4660 niȝen þusende; heo læiden to þon grunde. Line 4661 Claudien þe kæisere; sa[d] wes of þon compe. Line 4662 his folc flah into scipen; & from þæn londe iwenden. Line 4663 forð mid þon vþen; feondes heom uereden. Line 4664 Fif þusend heo lefden; uppen þon londe. Line 4665 þat ne ((mithte)) no to scipe cumen; þat heo neoren islæȝen oþer inomen. Line 4666 Wunderliche a-wei heo riden; touward ane muchele wude. Line 4667 Aruir((a))gus heom æfter; mid twenti þusend cnihtes. Line 4668 heo sloȝen heo nomen; mid honden heo to-drowen. Line 4669 Hamun þurh þene wude flæh; riht touward þere sæ. Line 4670 he ærnde to are hæuene; he wenden scipen habben. Line 4671 Þe sæ wes iȝeonge[d] þe scipen stoden a londe. Line 4672

Line 4672 Þæ wile þe he þa scipen vt scæf; Aruiragus him to draf. Line 4673 Nefde Hamun to iueren; bute þritti rideren. Line 4674 Aruiragus heom alle sloh; & Hamun mid heorsen to-droh. Line 4675 for his broðer dæðe; him wes swi[ð]e unneðe. Line 4676 & an oðer halue he wes glæd; þat his ifon weoren dæd. Line 4677 for Hamundes dæðe; Hamton heo hit hæhte. Line 4678 nu and auere-mare; þe nome stondeð þere. Line 4679 Nu þu iherest of wuche gomen; aras þer þe to-nome. Line 4680 swa doð a feole wise; to-nome ariseð; Line 4681 & ofte of lutle þinge. þe longe ilaste[ð]. Line 4682 for his nauere nan oðer gomen; þat cleouieð alswa ueste. Line 4683 Þa Hamun & is iueren weoren dæd; Aruiragus wes swiðe glad. Line 4684 ah sone þer-æfter. him com særinesse; Line 4685 He & his cnihtes. þeonene forð-rihtes; Line 4686 tuo Winchestre wenden. wæne com on ueste; Line 4687 heo wende to soðe. þat heo siker weoren; Line 4688 Claudius þe keisere. mid alle his Romanisce here; Line 4689 ouer sæ wende. al mid isunde; Line 4690 Nes he þer buten enne niht. þe wind wende forð-riht; Line 4691 fromward þan stronde. in-to þissen londe; Line 4692 Claudius wenden aȝan. weder him stod an wille; Line 4693 hiȝenliche sone. to Port-chestre heo comen; Line 4694 Up iwende þe kæisere. mid al his Romanisce here; Line 4695 iwepned wel alle. heo wenden to þan walle; Line 4696 to heo eoden alle afoten. & swiðe freche weoren; Line 4697 ouer þene wal heo clumben. & binnen heo þrungen; Line 4698 þat folc heo al slowen. þa æhte heo nomen; Line 4699 al þa wunliche burh. heo barnden to duste; Line 4700