Layamon's Brut (British Museum Ms. Cotton Caligula A.IX)

Lines 4501 through 4600

þat heom þuhte þe bezste ræd. to don þat Tennantius heom bæd; Line 4501 Æfter him heo senden. & heouen hine to kinge; Line 4502 þa weoren inne Bruttene. blissen inouwe; Line 4503 Tou and twenti wintre. þis lond he iwalde; Line 4504 seoððen com þe ilke dæi. þat þe king dæd læi; Line 4505 inne Lundene he lið. særi weoren his leoden; Line 4506 Þeos kinge hæfde enne sune. Kinbelin ihaten; Line 4507 he wes iuaren mid his æme. forð into Rome; Line 4508 Augustus Cesar hine makede cniht. þat wes swiðe muchel riht; Line 4509 for seoððen Iulius wes dæd. & duȝeðen bi-læfden; Line 4510 ne bilæfde he næuer nænne. of Androgeus cunne; Line 4511 þat heold feht & iwin. swa dude Kinbelin; Line 4512 & weorede Rome-þeode. wið vncuðe leode; Line 4513 Þis iherde Bruttes. þe weoren swi[ð]e bisie; Line 4514 þat Kinbelin þe kene. wunede inne Rome; Line 4515 þe wes Tennantiusses sone. & of Lud kinge icume; Line 4516 Tweien cnihtes heo nomen sone. & senden to Rome; Line 4517 & þeo cudden Kinbeline. þat his fader wes of liue; Line 4518 & beden hine stilleliche. iuaren of þere riche; Line 4519 Nes hit noht longe; þat he ne com hider sone; Line 4520

Line 4520 and Bruttes hine on-fengen. & heouen hine to kinge; Line 4521 On Kinbelines dæie; þe king wes inne Bruttene. Line 4522 com a þissen middel-ærde; anes maidenes sune. Line 4523 iboren wes in Beðleem; of bezste alre burden. Line 4524 He is ihaten Iesu Crist; þurh þene Halie Gost. Line 4525 alre worulde wunne; walden englenne. Line 4526 Fæder he is on heuenen; froure moncunnes. Line 4527 Sune he is on eorðen; of sele þon mæidene. Line 4528 & þene Halie Gost; haldeð mid him-seoluen; Line 4529 þene gast he wel daleð. to þan þe him beoð leoue; Line 4530 al-swa he dude Peture. þe wes a wræche fiscære; Line 4531 þe makede hine an mancunne. hehst of alre manne; Line 4532 Kinbelin Bruttene king; wes god mon þurh alle þing. Line 4533 & he luuede here; twa & twenti ȝere. Line 4534 An his dæie her luuede a mon; inne þisse leoden. Line 4535 feorliche þing fuleden him; he wes ihaten Teilesin. Line 4536 heo heolten hine for witie. þurh his wit-fulne cræfte; Line 4537 & al heo hit ilæfden. þat Teilesin heom seide; Line 4538 he seide heom seolkuð i-noh. & al heo hit funden soð; Line 4539 he seide heom ælche ȝere. wæt heom to cumen weore; Line 4540 Þe king him sende æfter. wise twalf cnihtes; Line 4541 ba[d] hine comen him to. þat he nan oðer seolden don; Line 4542 & heo hine broðten sone. bi-foren þen folke-kinge. Line 4543 A-nan swa þe king hine imette; fæire he hine igrette. Line 4544 Swa me helpen min hefde & mi chin; welcume ært þu Teilesin. Line 4545 & leouere me is þine isunden; þenne a þusend punden. Line 4546 Þa andswerede Teilesin; and þus seide to Kinbelin. Line 4547 Swa ich mote gode iþeon; al þu hit sælt wel biteon. Line 4548 Þa wes glad Kinbelin; & þus seide to Teilesin. Line 4549 Her beoð to þisse londe icumen; seolcuðe leod-ronen. Line 4550 & from-war[d] þeon londe of Ierusalem; iwurðen heo beoð in Beðleem. Line 4551 Þer is iboren an luttel child; inne þere leoden. Line 4552 Muchele is & stor þe eiȝe; tacnen þer beoð on sterren. Line 4553 an monen & on seonnen; eie is on mon-cunnen. Line 4554 Þis is widen icuð; & þa writen me beoð to icume. Line 4555 & ic wolde iwiten æt þe; þu ært mi wine deore. Line 4556 to whan þis tocne wule ten; to wulche þinge temen. Line 4557

Line 4557 for her-fore is alches londes folc; læd-liche afered. Line 4558 Þa answerede Teilesin; & þus seide to Kinbelin. Line 4559 Hit wes ȝare iqueðen; þa quides beoð nu soðe. Line 4560 þat scolden beon a child iboren; of alle folke icoren. Line 4561 & þat scolde beon ihaten Hælend; & helpen his freondes. Line 4562 alesen his leofue wines; of læðe heore bendes. Line 4563 of helle bringen Adam; Noe & Abraham. Line 4564 Sadoc & Samiel; & Symeon þene alde. Line 4565 Iosep an Beniamin; & alle his broðeres mid him. Line 4566 Iohel & Eliseon; Asor & Naason. Line 4567 Ysaac & his broðer; & monienne oðer. Line 4568 moni hundred þusend; þe iþud beoð to hellen. Line 4569 & for swulchere neode; he is icumen to þere þeoden. Line 4570 Þeos word seide Teilesin; & alle heo weoren soðe. Line 4571 Þa þan kinge wes icudde; þas quides þa weoren soðe. Line 4572 þa weoren þa tiðinde cuðe; ȝeond his kineriche. Line 4573 Bruttes her-of ȝemden; & noht hit ne forȝeten. Line 4574 Kinbelin wes god king; & griðful þurh alle þing. Line 4575 & þa Rom-leoden; swiðe hine luueden. Line 4576 & ȝif þe king wolde; wið heom wiðer-heolden. Line 4577 he miðte æt-halden heore feoh; þe Iulius her fætte. Line 4578 ah æuere-mære bi his liue; he hit heom leofliche ȝeaf. Line 4579 Seoððe him comen þæ tiðinde; of Crist Godes childe. Line 4580 ne leouede þe king mære; buten ten ȝere. Line 4581 Seoððen þe king bilæfden his lif; inne Eowuerwike he ȝet lið. Line 4582 Her he bilæfden tweien sunen; Wiðer & Aruiragune. Line 4583 Wiðer wes þa ældere. Aruiragun þe ȝungere; Line 4584 ah þe king biqueð Wiðer. al his kineriche; Line 4585 & he dihte and delde. æfter his fader dæie. Line 4586 He wes swi[ð]e god cniht; & hæfde ihælden moni fiht. Line 4587 ah he wes swiðe sturne. & stærc wið þeon folke. Line 4588 He nalde for nane dome; mare heren to Rome. Line 4589 ne na gauel heo[m] senden; vt of þissen londe. Line 4590 ah whære-swa he fonde enne gume; þe of Rome weore hider icumen. Line 4591 he lette smiten him of þat hæfde; biræiuie hine at liue. Line 4592 & þus he heom græiðeden; mid grimme his gomene. Line 4593 [An] kæisere wes in Rome; Claudius ihaten. Line 4594 iherden þa tiðende; of Wiðer þon kinge. Line 4595 whulcne scome he him hæfden idon; & mare him bi-hehte. Line 4596

Line 4596 Þe kæisere hine wrædden; þe Wurs him wes on heorte. Line 4597 & swor bi his rigge; þat Wiðer hit scolde a-biggen. Line 4598 He bigon. to senden; ȝeond al þan Romleoden. Line 4599 he hætte al þa ræiȝe; and alle þa rad-fulle. Line 4600