Layamon's Brut (British Museum Ms. Cotton Caligula A.IX)

Lines 4401 through 4500

& driuen ut þene kæisere; mid his Romanisce here. Line 4401 Ne dude hit noht þe king ane; ah duden we alle clæne. Line 4402 Þa we hafden swa idon; & muchele wur-scipe an-fon. Line 4403 þa iwarð þe king on mode prut; ah ne draf he hine noht ane ut. Line 4404 Seoððen hit is nu her-to ibroht; nu is min eam wel bi-ðoht. Line 4405

Line 4405 mid mildliche worden; he ȝerneð mine milcne. Line 4406 for itemed is þe wode; nu beoð his word gode. Line 4407 Nu ich wulle wende; mi mod; aȝenes uuel. ich wule don god; Line 4408 & lutlien ich wulle his kare. & sæhtnien him wið Cesare; Line 4409 ær cumen þe ende of þisse dæi. helpen him ȝif ich mai; Line 4410 Androgeus wes swa god. sone he dude hine bar-fot; Line 4411 & alle his bezste cnihtes. þe mid him weoren an fuhte; Line 4412 & eoden to þon kaisere. þer he wes i þon here; Line 4413 & feollen to his foten. & folden & isohten; Line 4414 mildeliche spæc þus. þe treowe cniht Androgeus; Line 4415 Lauerd Iulius þin are. nu & æuer-mære; Line 4416 Lett me speken þe wið. ich ȝerne mildce and þi grið; Line 4417 Þu hauest ouer-cumen minne æm. inne þine fehte he nam flem; Line 4418 i þissen hulle he lið. & ȝeorneð þe lif-grið; Line 4419 for al þu hauest ouer-cumen. Cassibellaune; Line 4420 & muchel of his folke. iualled to grunde; Line 4421 & þene kinge & al his lond; bi-ȝiten to þire aȝere hond. Line 4422 Ȝif him nu lifues grið; & let hine speken þe wið. Line 4423 Ær he wes freo king. Line 4424 nu þu ært iwreken him on; let hine bi-cumen þin aȝene mon. Line 4425

Line 4425 and ælche ȝer þe sende; þat gauel of Brut-londe. Line 4426 madmes and muchel feoh; þe monscipe is þin aȝen. Line 4427 Þis iherde Cesar; of þissere spec%che he wes wær. Line 4428 a-weiward he halde; & nolde hit iheren. Line 4429 makede hine swulc he weore wrað; for þon wurde þe he iherde. Line 4430 Androgeus wes wis and war; þæne kæisere he eode neor. Line 4431 and græten worden; þæne keisere igrætte. Line 4432 and þus queð Androgeus; Hærcne hiderward Iulius. Line 4433 Wið me ne beo þu noht wiðer-ward; Ilæst ich habbe þe min foreward. Line 4434 & al þat ich þe bi-hehte; bi-foren vnkere cnihte. Line 4435 Ich bi-hæhte þe al Brut-lond; to setten a þire aȝere hond. Line 4436 & swa ich habben nu idon; & þu hit hauest al under-fon. Line 4437 ah ne bihæhte ich þe nauere to slæn; Cassibellaune minne æm. Line 4438 mid nane rihte ne mai ich hine for-don; for ich eam his mæi and his mon. Line 4439 ne scal he næuere dæd þolien; þe while þe ich mai him freoien. Line 4440 Ah ȝif mine eame lifues gri[ð]; & let hine sæhtnie þe wið. Line 4441 Þi mon he sæl bi-cumen; to ȝisle biteche þe his sune. Line 4442 & ælche ȝere senden; þreo þusend punden. Line 4443 & þat ich þe wullen swerien; uppen mine sweorden. Line 4444 Ȝif þu þis nult iwurðen; þe wurs þeo scælt iwurðen. Line 4445 ne scalt þu nauere mid þine here. isund of Brutlonde faren; Line 4446 Þa wes a-drad þe keisere. mid his Romanisce here; Line 4447 leouere him weore þane al his lond. þene al his seoluer; þæne al his gold. Line 4448 þat he weore in Oðeres; in his castel gode. Line 4449 for þa hefde swiðe muchel care; Iulius þon kæisere. Line 4450 þe wende þat Androgeus; swiken hine wolde. Line 4451 Iulius wes wis and war; þat he wel cudde þær. Line 4452 Þus seide þa Iulius; to þan eorle Androgeus. Line 4453 Androgeus mi leofue mon; al þine wille ic wulle don. Line 4454 don ich wulle þin ræd; for þu me hulpe þa me wes neod. Line 4455 for ne funde ich nauere treoure mon; bi-tweonen þis & Latran. Line 4456 Þis wes sone icud; to Cassibellaune. Line 4457 þa wes he swa bliðe; swa he nes neuere on his liue. Line 4458 Vt wende þe king; Cassibellaune. Line 4459 adun of þan hulle; bliðe on his mode. Line 4460 Ah þer Iulius dude wel; & wurð-scipen muchele. Line 4461 he hine lette ueden; he hine lette scruden. Line 4462 he hine lette baðien; ær he him bi-uoren come. Line 4463 Þa hit wes al igreiþed; þa comen heo to-gæderes. Line 4464 grið þer heo astalleden; & wel hit wes ihalden. Line 4465 heo makeden heore foreward; biforen heore duȝeðe. Line 4466 Cassibellaune bi-com; Iulius aȝene mon. Line 4467 & ælche ȝere him sende; þreo þusend punden. Line 4468 Æðes þer weoren isworene; & neoren heo nauere forlorne. Line 4469 for treowe men heom a-stalden; & al-swa heo gunnen heom halden. Line 4470 Neoðeles Iulius wes þæ ærste mon; þe dude þis lond inne [þ]eow-dom. Line 4471 seoððen Noe & his sunen; of þære arche weoren icumen. Line 4472 Þeo al þis wes iuaren; þa to-dælde þa verden. Line 4473 & þe keisere & his iueren; al þat winter ((heo)) wu((ne))den here. Line 4474 mid sæhte and mid sibbe; mid selcuðe murȝeþe. Line 4475 Touward þan sumere; heo ouer sæ wende. Line 4476 & lædde mid him Androgeum; þe wes his deoreste mon. Line 4477 & Androgeus walde; al þat he wolde. Line 4478 heonene in-to Rome; hit stod on Androgeus dome. Line 4479 Ne com he nauere-mare here; ne nan of his i-uere. Line 4480

Line 4480 ne leouede he neuer seoððen; buten seouen ȝere. Line 4481 Cassibellaune; þe wes þisse londes king. Line 4482 þa his ende-dæie com; in Eouer-wicke heo dæide Line 4483 [Ær þe king were dæd dæide] his quene. Line 4484 þe king wes al bærn-les; Bruttes weoren særi. Line 4485 Þis iherde Tennancius; þe i Cornwale wes dux. Line 4486 þat his eam wes idæied; & his aðelene æt-fallen. Line 4487 and his broðer Androgeus; iuaren uorð mid Iulius. Line 4488 & [m]uchel of his cunne; quehten mid him-seolue. Line 4489 Tennancius hine bi-ðoðte; hu he faren mihte. Line 4490 & hu he mihte gan on; þat he hafde þisne kine-dom. Line 4491 þe Lud king his fader; walde wel longe. Line 4492 Tennancius nom his sonde; & sende in-to Brutlonde. Line 4493 bad heom buȝen him to; þa bet heom sculde iwurðen. Line 4494 hebben hine to kinge; al buten compe; Line 4495 bitachen him al þat lond. þe Lud his fader hafde an hond; Line 4496 & he heom wolde luuien. þa while þat he luuede; Line 4497 & ȝif heo þis wolde. habben he hit wolde; Line 4498 oðer he wolde mid fehte. fallen heom to grunde; Line 4499 Bruttes ferden heom to Lundene. to muchele hustinge; Line 4500