Lines 4101 through 4200
& ich sugge eow to soðe; nis þer ræd nan oðer;
Line 4101
Þis wes sone icuð. to Cassibellaune;
Line 4102
Þe king iwarð him swiðe wrað. swulc he weore of witte;
Line 4103
& þeos ilkæ word him seide. Cassibellaune;
Line 4104
Ut of min æh-senen. Androgeus & his iueren;
Line 4105
& ȝif ich hine mai eower ifon. in þon stude he beð for-don;
Line 4106
Androgeus forð-rihtes. nom alle his cnihtes;
Line 4107
& anan gon liðen. ut of Lundenne;
Line 4108
& iwenden in-to Kent. to his ane castle;
Line 4109
description
Page 216
Line 4109
and hine strongede wel. mid mete & mid wepnen;
Line 4110
& þe king nom Lundene & þat lond. to his aȝere hond;
Line 4111
& seoððen fusde in-to Kent. mid muchelere ferde;
Line 4112
mid here and mid fure. þat lond for-ferde swiðe;
Line 4113
Androgeus nom tweie cnihtes. & sende to þon kinge;
Line 4114
& þus þe cnihtes him spæken wið. King Androgeus ȝeorn%neð þi grið;
Line 4115
Androgeus is þin aȝene. mon. al þine wille he wule don;
Line 4116
wið þon þe þu him ȝeue grið. & late hine sæhtne þe wið;
Line 4117
and leten bi-leuen þine brune. his lond þe þu for-bærnest;
Line 4118
I-þench þat he wes Lu[d]es sune. of þine broðer he is icumen;
Line 4119
& his fader ahte al þat lond. þat nu stondeð a þire hond;
Line 4120
And al hit þuncð him wel idon. ȝif þu his sæhtnesse wult vnder-fon
Line 4121
bute nele he þe nauere Euelin. mid ærhðe bitæchen;
Line 4122
þat þu him sculle oðer don. oðer slæn oðer a-hon;
Line 4123
Þa þe king iherde þis. þa wes he wræð ful iwis;
Line 4124
and þus seide þe king Cassebellaune.
Line 4125
Whar beo ȝe mine kemp%pen;
Line 4126
mine driht-liche men. Wrekeð me of Androgeum;
Line 4127
His lond ich wulle for-bærnen. & his bone iwurðen;
Line 4128
Þis iherden suggen Androgeus. & he answerede þus;
Line 4129
Whilen hit wes iseid; inne soð spelle.
Line 4130
þat moni mon deð muchel vuel; al his vnðankes.
Line 4131
Swa ich moht nu neode; for muchere neode.
Line 4132
Þe mon þe þoleð þat me hine wule for-don; þat ich telle vnwis-dom.
Line 4133
þe while he mæi þurh æni cræft; i compe hine werien.
Line 4134
Ælc cniht ah an uuel to don; ær he wurse vnder-fon.
Line 4135
and swa ich æuere bere sceld and spere; sende ich wulle to þon kæisere.
Line 4136
& græten Iulius Cesare; & mænen to him mi sar.
Line 4137
& bedden þat he me ræde; for nu ich habbe neode.
Line 4138
Androgeus þe riche cnihte; makede a writ wel idiht.
Line 4139
& nom erendrake godne; & sende him to Oðres.
Line 4140
to Iulius þon kæisere; mid al his Romanisce here;
Line 4141
& þus wes þat writ idiht. & þus hit spæc forð-riht;
Line 4142
Hail beo þu mid þine here. Iulius þe keisere;
Line 4143
Þu hattes Iulius Cezar. to þe ich mæne mi sær;
Line 4144
Androgeus þin aȝene mon þis nis nan swike-dom;
Line 4145
for þat weord þat ich þe sende. bi mine liue ich hit halde;
Line 4146
& þu hit nult ileuen; beoten hit læssingge beo.
Line 4147
ich hit wulle trousien; þurh minne tir-fulne godd.
Line 4148
þurh mine lauerd Appollin; þe leof me is on heorte.
Line 4149
description
Page 218
Line 4149
For ofte hit is ilumpen; inne feole leoden.
Line 4150
þet æfter muchele hatinge; hehȝe men heom luuede.
Line 4151
& æfter muchel weorld-scome; wurð-scipe wurhten.
Line 4152
Twien þu hafuest i-beon ouer-cummen; & þine men we habbeð islæn. & inome
Line 4153
& idriuen þe of Brut-londe; mid feht swiðe stronge.
Line 4154
mid us þu hæfuest bileued; moni þeosend kempen.
Line 4155
Þat nes noht þurh ure kinge; Cassibellaune.
Line 4156
ah hit wes þurh me seolfne; & þurh sele mine folke.
Line 4157
for ich lædde mid me; Lundene uerde.
Line 4158
& [eke] al þa Kent-wærre; þe kempen weoren gode.
Line 4159
& þer-wið-ute monienne Brut; þe bald wes to fehten.
Line 4160
Seoððen we þe hafden ouer-comen; & þi folke i-slaȝen an i-inomen.
Line 4161
Nu is Cassibellaune & his men; swa modi iwurðen.
Line 4162
þet mid fehte heo wulleð me sende; ut of Brut-londe.
Line 4163
fleme me from leoden; feor from londe.
Line 4164
Mi lond heo habbeoð me al i-west; & Lundene me biræued.
Line 4165
& me sulfne heo þencheð quellen; and alle mine kempen.
Line 4166
Ȝif þu þis writ iheren wult; hit wule þe suggen minne gult.
Line 4167
Þa þu weoren from us iliðe; at þa latere cherre.
Line 4168
þa wes þa king swa bliðe; swa he nas nauer ære on his liue.
Line 4169
& on oðer halue he hæfde kare; for he nusten þat þu woldest faren.
Line 4170
Noþe-les he seide; at-foren al his duȝeðe.
Line 4171
Nu is Iulius awei ifloȝen; tweien he is aflemed.
Line 4172
tweien he com to Bruttene; þer him wes balu ȝeueðe.
Line 4173
ne þurfe we nu nauer-mare; iseon hine cumen here.
Line 4174
for her beoð his bezste cnihtes; islæȝen in ure fehte.
Line 4175
& nu we sulleð for heore beone; bliðe iwurðen.
Line 4176
Scullen alle mine Bruttes; mid baldere prute.
Line 4177
liðen to Lundene; & þer lof makien.
Line 4178
vre lauerde Appollin; & alle ure goden mid him.
Line 4179
for þere muchele wurðe-scipe; þe ich nu walde.
Line 4180
Þus lið[d]en to Lundene; alle Brut-leoden.
Line 4181
cnihtes & ð[r]inges; mid wifue & mid children.
Line 4182
& mid alle þe wurð-scipe; þe heo weoren wældinde ouer.
Line 4183
Þa we þus comen to Lundene; we gunnen lof makien.
Line 4184
ure lauerd Apollin. & alle ure goden mid him;
Line 4185
Seoððen þeos weorld wes astalled. nes hit nowher itald;
Line 4186
þat weore nowhar swa muchel mete. iuorððed to ane mele;
Line 4187
ne swa muchel god dringe. folke ideled;
Line 4188
Muchel wes þa glad-scipe. þa gunnen heo to pleien;
Line 4189
summe mid foten. ueire igerede;
Line 4190
summe an heorse. hehliche iscrudde;
Line 4191
Þa weoren þar tweien scalkes. & ifengen here sceldes;
Line 4192
scriðen under. bordes. & skirmden mid mæine;
Line 4193
þe oðer wes mire suster sune. Euelin hehte þe gume;
Line 4194
þe oðer Herigal. heh he wes on hirede;
Line 4195
of þes kinges kunne icomen. he wes his hælue-suster sune;
Line 4196
he wes þon kinge arle deorest. of alle his driht-folke;
Line 4197
Herigal smat Euelin. swiðe vfele i þene chin;
Line 4198
& Euelin iwarð him wrað. & werede hine sulue;
Line 4199
a þere side he smat Herigal. þat þe dunt him þuhte sar;
Line 4200