Layamon's Brut (British Museum Ms. Cotton Caligula A.IX)

Lines 3901 through 4000

for sæ-liðende men. seiden þon Brutten; Line 3901 þat þe kaisere Iulius. wolde i Temese cume þus; Line 3902 faren forð to Lunden. & fehten wi[ð] þan leoden; Line 3903 & þa Bruttes iwurðen war. & wisdom bi-þoðten; Line 3904 & nomen longen ræftres. stronge & rihte; Line 3905 mid stronge irene heo weoren iscod. & setten heom i Temese flod; Line 3906 Þer weoren fifti hundred. faste i þon grunde; Line 3907 & þa herre endes; ihodede mid irene bendes. Line 3908 to-ȝænes heom heolden; inne þere hauene. Line 3909 & swa heo þer stoden; biwriȝen mid þon flode. Line 3910 Þa com Iulius Cesar; and hær-æf næs na-wiht war. Line 3911

Line 3911 Þæt weder heom strong-liche drof; ster-men þer sungen. Line 3912 weder heom stod on wille; heo wenden w[e]l to speden. Line 3913 heo urnen touward hauene; scipen gunnen helden. Line 3914 bosmes þer rendden; water in wende. Line 3915 seiles þer helfden; aðeles adrunken. Line 3916 & þa Rom-leoden; rameden ȝeond uþen. Line 3917 Þa scipen wenden to wundre; oðer half hundred. Line 3918 Þer-after com Iulius Cesar; on his hurte him wæs sær. Line 3919 heo scuuen ut heore lof; & læiden to þon londe. Line 3920 & þeo þer-æfter comen; weoren war sone. Line 3921 and heom sælliche i-lomp; þæt mesten dæl com a lond. Line 3922 Heo sloȝen heoren teldes; wide ȝeond þa feldes. Line 3923 & sære menden heoren wines; þe adrunken weoren. Line 3924 Þa wæs þe king war; Cassibellaunes. Line 3925 þat Iulius þe kæisere; wes a Lundene mid his hære. Line 3926 Þa ȝeddede þe king Cassibellaune; Line 3927 Welle broðer Nennius. þat ich þe quic nabbe; Line 3928 & þat sweord Crocea Mors. þe þu biwunne a compe; Line 3929 & þe bi mire side. isund seȝe riden. Line 3930 an oðer half Androchius; & his broðer Tennancius. Line 3931 siker-lichen we sculden uaren; & fehten wið þon kæisere. Line 3932 & forð we sculen liðen; & fellen his leoden. Line 3933 Cassibellaune Bruttene king; wes god cnih[t] þurh alle þing. Line 3934 He somnede vnimete here; & ferde touward þon kæisere. Line 3935 & pus spec wið his folke; & luueliche spilede. Line 3936 Biðencheð eow ohte cnihtes; to bitellen eoweore rihtes. Line 3937 bi-þencheð a Belin þone king; & Brennes his broðer. Line 3938 hu heo biȝeten Rome; mid riche here ferde. Line 3939 & biwunnen al þa richen; þe læien in-to Rome. Line 3940 & swa heo hit walden; wel feole wintre. Line 3941 & swa heo þer boȝeden; þe wile þe heo luueden. Line 3942 & ich hit sugge eow cnihtes; Rome is eowre irihte. Line 3943 nu hit halt Iulius Cesar; þe is tweien icumen her. Line 3944 & halt þer eower icunde; & her eow wule driuen of londe. Line 3945 & hateð eow swa swiðe; þat awei he wule eow driue. Line 3946 Ȝif ȝe leoseð þis lond; ouer-al ȝe wurðe[ð] laðe. Line 3947 Ah heo ȝe swiðe bisie; for we beoð ohte Bruttes. Line 3948 Cesar is in ure londe; & lið her bi sæ-stronde. Line 3949 Ohliche liðe we him to; swa him alre laðest beo. Line 3950 & awalde we þe keisere; & al his Romanisce here. Line 3951

Line 3951 & aredden ure lond; of þan Rom-leodene. Line 3952 Þa andswereden þa ferde. Varen we biliue. Line 3953 for Iulius is fæie; mid al his Rom-folke. Line 3954 Forð heo ifusden; & ferden biliue. Line 3955 þat heo þidir comen; þer læi þat folk of Rome. Line 3956 & heo heom to ræsden; mid ræhere strengðe. Line 3957 Laðliche heo feohten; & Rom-ware feollen. Line 3958 þer Cesar folk; folden isohten; Line 3959 noht bi tene no bi t[wenti]; ah bi twenti þusende. Line 3960 Swa heo fehten al dæi; monie þer weoren fæie. Line 3961 þet hit com to þere nihte; ne mihte Cesar na-mare fihte. Line 3962 Cesar wes swa swiðe wa; & bi-ðohte hine þa. Line 3963 þat he wolde a þere nihte; fleon awæi mid his cnihten. Line 3964 Iulius Cezar; of his lure wes þer war. Line 3965 he lette blawen his bemen; & bannen his ferden. Line 3966 & lette leode cleopien; & ouer-al cuðen. Line 3967 þat heo comen to heore innes; & ȝarekeden heore ginnes. Line 3968 & fæȝeden heoren wepnen; a-marwen heo fusden to fehte. Line 3969 Þis ihærden þa bisie; þe weoren þer bi-hælues. Line 3970 forð-riht heo comen; to Cassibellaune. Line 3971 & seiden him þat Cesar; wulde þe ȝet wunnien þar. Line 3972 & amarwe he weolde fehten; mid alle his cnihten. Line 3973 & fallen þa Bruttes; oðer him-sulf beo fæie. Line 3974 for þus heo letten cleopien; & cuðen ȝeond his ferde. Line 3975 Ah wa la wa; & wala wa. þat Cassibellaune nær iwar; Line 3976 þa he wende swiðe wel don. ah ne dude he hit no; Line 3977 He droh in ane hælue. & toc þan herberwe; Line 3978 & alle þa nihte. greiðeden his cnihtes; Line 3979 heore scæftes & heore sceldes. þa scælkes weoren bischærred; Line 3980 For Iulius Cesar. of his hærme wæs wær; Line 3981 a-buten mid-nihte. he warnede alle his cnihtes Line 3982 & to scipen ferden; & fusden an veste. Line 3983 Heo hafden swiðe god weder; & wenden mid vðen. Line 3984 heo ledden in heore scipen; æiðer deade men and quiken. Line 3985 moni sorh-fulne sæg; sare iwunded. Line 3986 monienne deadne cniht; of Cesares duhȝeðe. Line 3987 Swa heo wenden mid þon flode; to þon tur of Oðres. Line 3988 þer wes Iulius Cezar; an heorte he hafde sorȝe & sar. Line 3989 Amarȝen þa hit wes dæi-liht; hit wes cuð forð-riht. Line 3990 & æc iseid þon kinge; Cassibellaune. Line 3991

Line 3991 hu Iulius þe kæisere; wes from þissen londe ifaren. Line 3992 & al hu he fusde; & flæh mid þon vðen. Line 3993 þat næs þer bilæued; nan of Rom-leoden. Line 3994 Þa wes þon kinge wa; & þus ȝeddede þa. Line 3995 Wale wale vn-ræd; mani cniht þu makest dæd. Line 3996 Welle þat ich nas ær war; þat Iulius wolde wenden. Line 3997 Ful soh seide þe seg þe þeos saȝe talde. Line 3998 Ȝif þu ileuest ælcne mon; selde þu sælt wel don. Line 3999 Swa ic wende wel þat þe sæȝe; soð weoren. Line 4000