Layamon's Brut (British Museum Ms. Cotton Caligula A.IX)

Lines 3601 through 3700

he dihte feole domes; þe ȝet stondeð ine Rome. Line 3601 Wale þat eæuere ei sucche mon; in-to [helle] sculde gan. Line 3602 Iulius wende of Rome; mid folke wel idone. Line 3603

Line 3603 he ferde ouer Lumbardie; swa he dude ouer Munt-giwe. Line 3604 he bi[w]on Loherne; & Gascunne Peytou. Line 3605 Normandie & Brittaine; & Luueine & Alemaine. Line 3606 Seoððen he hæfde iwunnen Gascunne; he charde aȝen in-to Burgunne. Line 3607 into Flandres he ferde; and makede his schip-færde. Line 3608 Hit wes an ane time; Line 3609 þat þe dæi wes liht. and þe sunne wes swiðe briht; Line 3610 and Cezar rad ȝeo[n]d Flaundre lond. an scewede þære sæ-strond; Line 3611 Þat weder wes swiðe liðe. and he þis lon[d] ikende; Line 3612 Þa freinede Iulius; & wi[ð] þon folke he spec. þus. Line 3613 Wat his þat ilke æit-lond; þat ich mid æȝen iseo. Line 3614 feor ouer sæ-stram. feir hit me þuncheð; Line 3615 A wis mon þus quað. and mid þæne kæisere spæc; Line 3616 Þæt is a muchel æit-lond. of alche gode hit is strong; Line 3617 þet Bruttes ærest ifeng. þer beoð duhtie men; Line 3618 Brutaine hit hatte. þat lond þe þu bi-haldest; Line 3619 Þa spæc Iulius Cezar. he wes wis and swiðe iwar; Line 3620 Wel ich hit wæt what Bruttis wæs. for mine bæc hit me suggeð; Line 3621 alle we comen of ane kunne. alse þe bæc hit us cuððe[ð]; Line 3622 Vre aldren weoren i Troie. þer heo teone þoleden; Line 3623 æt þon muchele fæhte. moni þeosend þer weoren fæie; Line 3624 Þa heo weoren ouer-cumen. þæ quahten heo wide; Line 3625 and ferde sichinde lond. þer heo mihten on libben; Line 3626 Þer Bruttus bi-com. and to his liue he wunede þer-an; Line 3627 Þeonnenen come þa kinges. þe weoren wunder kene; Line 3628 Belin and Brennes. þe Rome bi-wunnen; Line 3629 Heo for-ferde Rome. þa burh wel idone; Line 3630 heo nomen of Romanisce londe. muchel seoluer; & gold; Line 3631 heore ȝisles heo letten an-hon. heore folc heo letten fordon; Line 3632 Þet dude Belin and his broðer. ah nou þer is an-oðer; Line 3633 Ich hahte Iulius Cezar. þer-fore is min herte sær. Line 3634 þet me mine ældre dude scome; ær ich weore mon ibore. Line 3635 Ah nu ich wulle sende in-to þon lond; Line 3636 to iwiten at þon bezste. ȝif heo me wulleð buȝen Line 3637 and ȝif heo me wulleð senden. gauel of heore londe; Line 3638 for ȝif heo wulleð ȝirne grið. nulle ich heom noht fehten wið; Line 3639 Findeð me tweien wise men. þe wel cunnen a speche; Line 3640

Line 3640 He bi-tæhten heom forð-riht. a writ þe wes al idiht; Line 3641 and grætte Cassibellaune. þene king of Bruttaine; Line 3642 Þus seide þat writ. þe wel bar þe ernde; Line 3643 Ich æm Iulius Scesar. þe of Rome em icumen her; Line 3644 Ȝif þu wult ȝirne grið. nele ic þe noht fehten wið; Line 3645 And hiȝendliche me sende. gauel of þine londe; Line 3646 þu sulf mi mon bicumen. and for kaisere me halden; Line 3647 for al hit is min aȝen. þat ic iseo mid min æȝen; Line 3648 Cassibellane i-seh þat writ. þer-fore he wes abolȝen; Line 3649 he wes wunderliche wrah. for þes tidinde him wes læð; Line 3650 A writ he lette makien. mid muchere wraððe; Line 3651 al wið-ute grætinge. sende hit Cesar þon kinge; Line 3652 Þat writ to þon keisere com. þeos wordes weoren þer-on idon; Line 3653 Sillich us þuncheð Cezar. þu ært swa wis and swa war; Line 3654 þat þu þenchest to beon keisere of alle quike monne. Line 3655 Þu ært icumen of Rome; þine word beoð swiðe store. Line 3656 Of ure londe þu axest ȝeld; and ne scelt þu þer-fore ȝælpen. Line 3657 Þu sulf ært swiðe gripel; þine gumen sunden ȝefere. Line 3658 þu þenchest to setten o þin hond; al middel-ærdes lond. Line 3659 We beoð in ane æit-londe; at þere worldes ende. at-stonde Line 3660 þe Bruttes biwunne; and [w]e wunieð þer-on. Line 3661 & freoliche we hit haldeð; wið alle weoruld-kingen. Line 3662 & þe nulle we næuere sende; gauel of ure londe. Line 3663 for ȝif þu weore al swa wis; swa ich wende þat þu weore. Line 3664 þenne woldest þu vnder-stonde [þ]æt we beoð in ure londe. Line 3665 freo and swa scone; swa þi folc is of Rome. Line 3666 for ure ældere ut of Troye fluȝen; and of anne kunne we beoð icumen. Line 3667 þine aldren and ure; at Troye wuren ifeire. Line 3668 Ȝif þu me wult ilæiuen. boten þu us wullen bilæiuen; Line 3669 þu scalt of Brutten. muchel balu habben; Line 3670 þu and þine iferen. ȝif þu auere cumest here; Line 3671 For ure aldren weoren kinges. inne þisse londe; Line 3672 Belin & Brenne. beiene to-somne. Line 3673 heo bi-ȝeten Rome; mid richere strengðe. Line 3674 and hit is ore irihte; þat þu an rixlest. Line 3675 & forði þu ahtest me to ȝulden; gauel of þine londe. Line 3676 and þu hit halst on unriht; þer-fore þu scalt habben pliht. Line 3677 for þu waldest beon min hærre; & þu me sculdest buȝen. Line 3678

Line 3678 Cezar iseh þis writ; and he hit wraðliche biheold. Line 3679 abolȝen he wes on mode; he weorp hit to his foten. Line 3680 Wær beo ȝe mine cnihtes; þe gode beoð to fihte. Line 3681 Leteð ȝarkni mine scipen; for nu we scullen wende. Line 3682 and forð we scullen buȝen; in-to Bruttaine. Line 3683 and ni[m]en þer þis londes king; and quic hine for-bærnen. Line 3684 & bi-ȝutten al þat lond; to ure aȝere hond. Line 3685 Sixti scipen heo makeden; vnime((te)) muchele. Line 3686 þeos weoren al neowe; stronge & wel itreowe. Line 3687 of lasse scipen þar weoren swa feole; þat nuste na man þe tale. Line 3688 Þeo com heom a wedere; wunderliche feire. Line 3689 heo ferden from stronde; touward þisse londe. Line 3690 heo turnden to hauene; inne þare Temese. Line 3691 þer þa Temese and þa sæ; heom-seoleuen imetteð. Line 3692 Sone come þa tiðende; to þisse londes kinge. Line 3693 & he hit letten cuðen wide; ȝeonde þissere þeode. Line 3694 þat Cezar wes hider icomen; and wrað he ha[f]de þis lon[d] inumen. Line 3695 Cassibellaune þe king; wes war þurh alle þing. Line 3696 he wuste wel of heore cume; þat hauen of Douere he hauede inu[m]en. Line 3697 Þer lai mid his ferde; þe king of þissen earde. Line 3698 þider com tiðende þat him wæs sær; þat icumen wes Iulius Cezar. Line 3699 Moni wes þe kempe; þe wes mid Cassebellaune þe king. Line 3700