Layamon's Brut (British Museum Ms. Cotton Caligula A.IX)

Lines 3401 through 3500

Iuienes hæfde half þis londe; riht bi þere Humbre. Line 3401 al þesne suð ende; he heold an his heonde. Line 3402 & Peredur hæfde norð; al bi þere Humbre forð. Line 3403 & seoððen þer-æfter; al to-gæderen he hit ahte. Line 3404 for Ingenes ne leouede; buten seouen ȝeren. Line 3405 Þa nom Peredur; al þis lond. and sette an his aȝere hond; Line 3406 & he iwarð him swuðe luðer. & læh al his folke; Line 3407 Þæ com þe fær-liche dæd. & falde hine to grunde; Line 3408 swa vuele he luuede his lif. þat þe Scucke hine i-fenge; Line 3409 Þæ somnede al þis leod-folc. in-to Lundene ferden; Line 3410 & nomen ut Elidur. þer he læi in are tur; Line 3411 and duden þer a selcuð þing. makeden hine þridde chærre king. Line 3412 Þa i-warð he swa duhti; swa þe dæi feire. Line 3413 alle folc he dude riht; wel wes þisse londe idiht. Line 3414 inne blisse leouede; his leode to murhðe. Line 3415 & þa he sculde of liue wende; he hæfde feiren ende. Line 3416 Þa com his broðer sune; Gorbonianes. Line 3417 þe wes þe formeste; of þæn fif broðeren. Line 3418 þe cniht wes ihaten Lador; he wes þisse londes king. Line 3419 ah Lador ne luuede; buten ane lutle wile. Line 3420 Æfter him com Morgan; sune Argales. Line 3421

Line 3421 a ȝer he hulde þas leoden; and seoððen he dun læi. Line 3422 Ænmaunus hæhte þe oðer; þe wes Morganus broðer. Line 3423 þeos weoren mannes sunes; þeos ær weoren kinges. Line 3424 Þes ilke Enmaunus; heold his kinelond þus. Line 3425 þat nas na þein in þissen londe; þat nalde hine fæin slæn mid his honden. Line 3426 and al his folc he hatede; and al he hit hænde. Line 3427 wið al folc he wes wiðerward; þe Wurse hine leouede. Line 3428 and his aȝene heredmen; hine to deaðe hateden. Line 3429 Neoðeles on ende; þat folc of þissen londen. Line 3430 fusden hine and flæmden. feor of þissen ærde. Line 3431 for he wes swa wiðerward; heo driuen hine of þis ær[de]. Line 3432 mid seorwen and mid seore; ne com he her nauer-mare. Line 3433 To-gadere com%men þe hæhste; eorles of þissen londe. Line 3434 and curen heom enne king; of ane cnihte þe wes kene. Line 3435 he wes Inienes sune; of Peredures kunne. icume. Line 3436 Iwallo hæhte þe king; he wes god þurh alle þing. Line 3437 wel he braid on deade; efter his alderen. Line 3438 of alre godnesse; þe gume wes ilæred. Line 3439 he hæfde gode þæwes; his þeode wes þæ betere. Line 3440 A[c] hit wes ladlich burst; þat he ne moste libben. Line 3441 na lengere þene seouen ȝere; ne mosten he luuien here. Line 3442 dæd wes Iwallo þe king; his duȝeðe he bilæfde. Line 3443 Seoððen her rixlede a king; Rime wes ihaten. Line 3444 he wes Peredures bæren; he wes Elidures broðer. Line 3445 Seoððen com Goronces; sune Elidures. Line 3446 Seoððen wes Catulus; his fæder hæhte Goroncius. Line 3447 Seoððen com Coillus; his broðer hæhte Catulus. Line 3448 Seoððen com Porex king; he wes of þeon kunne. Line 3449 Seo[ð]ðen com Cherin; he wes Porexus cun; Line 3450 Ah Cherin leouede longe. inne þisse londe; Line 3451 ah þa oðer six kinges. þe ær weoren on londe; Line 3452 ne leouede nan here. fulle æhte ȝere; Line 3453 ah longe leouede here. Cherin. muchel he dronk mede and win; Line 3454 weoren al his duȝeðen. bilefed oppe drenche; Line 3455 and al he leas his wurðscipe. for þon win-scenche; Line 3456 ne dude nauer oðer god. ne greiðe on his þeode; Line 3457

Line 3457 Ah selliche þi[n]ges; weoren of þissen kinge; Line 3458 swa he leoueden here. wel feole ȝere; Line 3459 swa næuere vnleoden. þis lond ne iseoðten; Line 3460 ah þis lond wes on griðe. and ifulled mid gode; Line 3461 Þa com þe ilke dæi. þat þe king deæd læi; Line 3462 þa hæfde he þreo sunen. bi hæȝere his quene; Line 3463 þe aldeste hæhte Fulgenius. Aldus [&] Andragus; Line 3464 Ah ful lutle wile. liuede þas ilke; Line 3465 ælc of heom an stunde. wes king in þissen londe; Line 3466 a[c] wið-inne feouwer ȝere. alle heo weoren dæde; her Line 3467 Þe ȝungeste of þan breðeren. þe wes þe bezste; Line 3468 Andragus he hæhte. enne sune he hehde. Line 3469 Ur%rian hæhte þat childe; þe iwærð þisse leodes king. Line 3470 a ȝer he leouede; and seo[ðð]en he dæd þolede. Line 3471 Æfter þon kinge Vrian; wes Eliu[d] his kunnes-mon. Line 3472 Þa com Cledaus; Doten & Gurguincius. Line 3473 Þeos ilka þreo kinges; heolden þas þeode. Line 3474 an efter ane; þæt dæd heo weoren alle. Line 3475 ah nawiht heo her ne duden; nouðer god ne ufel. Line 3476 Seo[ð]ðen com Merian; þes wes a swiðe hende mon. Line 3477 hundes and hauekes; he hæuede vnimete. Line 3478 þat æuere-elche dæi; he pleuwede mid his deoren. Line 3479 Ah he wes swa feir mon; þat wif-men hine luueden. Line 3480 þer-of he nom ȝemen; ah hit nes him noht iqueme. Line 3481 ah he luuede his quene; æuere bi his liue. Line 3482 Seoððen wes Bledon his sune; and blæð-fest king. Line 3483 he hæfde inoh god; and hit his gumen dælde. Line 3484 nes neuer seoð[ð]en næ king; swa custi þurh alle þinge. Line 3485 Seoððen wes his sune king; Cap wes ihæten. Line 3486 Æfter Cap Oein; for elchen vuele he wes fein. Line 3487 Seoððen com Sillius; þe wes Oæines sune. Line 3488 Seoððe sone æfter þet; com a king Blæðgabreat. Line 3489 Seoððen þeos worle wes astolled. ne cuðe na mon swa muchel of song; Line 3490 of harpe & of salteriun. of fiðele & of coriun; Line 3491 of timpe & of lire. gleomen him weoren deore; Line 3492 he cuðen al þeos songes. & þat gleo of ilc%che londe; Line 3493

Line 3493 Of him wes muchel speche. ȝeond þas woruld-riche; Line 3494 swa þat al þis mon-cun. þat of him iherden tellen; Line 3495 seiden þat he wes god. of alle gleo-cræften; Line 3496 Æuer wes þe king glad. & æuere he gomen luueden; Line 3497 & þus he lædde his lif. þe while þe hit ilæste; Line 3498 Seoððen wes his broðer king. Arkinaus ihæten; Line 3499 he hit heolde seouen ȝeore. i griðe he wunede here; Line 3500