Layamon's Brut (British Museum Ms. Cotton Caligula A.IX)

Lines 3301 through 3400

seoððen he þas seorȝe; him-seolfen hæfde itimbred. Line 3301 þa lette he hine atlichen; and wende to þissen londe. Line 3302 wið his aȝene kun; he hine vncuð makede. Line 3303 ne i-cneow hine nauere na man; þe hine ær iseȝen hæfden. Line 3304 He fræinede þis leod-folc; æfter heore kineleouerde. Line 3305 & heo him þene king tahten; þer he hun[t]ede on comelan. Line 3306

Line 3306 wið his hird-iferen; i þon wude of Kalatere. Line 3307 Þeone king he i-mette; and mildeliche hine i-grætte. Line 3308 Læuerd king quað Argal; hæil wurð þu an isunde. Line 3309 Þu ært mi bro[ð]er Elidur; eædi beo þu æuere. Line 3310 ne der ich noht kennen; for þisses londes monnen. Line 3311 þat ich her king weore; leste heo me icneowen. Line 3312 ah ich bidde þine ære; nu and æuere-mare. Line 3313 Þa quað Elidur þe king; þi cume me is iqueme. Line 3314 To his broðer he com; and leofliche hine custe. Line 3315 þer Elidur þe king; weop mid his eȝenen. Line 3316 and mid muchelen ædmeden; æðelede his broðer. Line 3317 and lette hine læden; leofliche and stille. Line 3318 in-to ane castle; Clud wes ihaten. Line 3319 and lette hine baðien; and beddien feire. Line 3320 and duȝeliche hine biwitten; and his namen dærnen. Line 3321 What iherden auere suggen; a sæȝen oðer a spelle. Line 3322 þat æuere æni bro[ð]er dude þus for oðer; Line 3323 þat Elidur þe king; dude for Argale. Line 3324 Þe king hine braeid sæc; alse þeah hit seoð weore. Line 3325 þe king læi on bure; særiliche on beadde. Line 3326 He sende his sonde; ȝeond his kinelonde; Line 3327 lette laðien him to. al his leod-þeines; Line 3328 mid wurden and mid writen. þe dude heom wel to witen; Line 3329 þat ne mihte he no lengere libben on eærðe. Line 3330 ah of heom þe king wolde. habben read. for hiȝenliche he weoren dæd; Line 3331 and heo him redden. wher his lich mihte bezst leggen; Line 3332 Þet word wes cuð ȝeond þis lond. and come þeos cnihtes Line 3333 to burh þis kinges; to muchelen hustinge. Line 3334 Þe king and his broðer; weoren in ane bure. Line 3335 þeær heo hæfden wel iȝeten; and seoððen idrunken. Line 3336 Þe king eoden to bedde; & his broðer hiine hudde. Line 3337 and mid him his leoueste men; þe he wuste on liue. Line 3338 feowerti gode cnihtes; mid burnen wel idihten. Line 3339 mid sweorden & mid schelden; alse heo to fehte sculden. Line 3340 Þe king læi in his bædde; alse þæh he ne mihte libben; Line 3341 in þære burh he sende word. bi his beste wikeneren Line 3342 and hæhten his drihliche folc; stilleluker dremen. Line 3343 for ((his)) hæhued oc sæ sweðen; þat he ne mihte idriȝen. Line 3344 to ihæren þene muchele drem; of swa feole mannen. Line 3345

Line 3345 Þe king lette witen his dur%ren; þat ne moste þer na mon in cumen. Line 3346 ne wið-inne þon castel-buri; na quic mon iboren. Line 3347 bute þe king mid his seonden æfter him sende; Line 3348 Þe king aras of bedde. and burne he warp on rigge; Line 3349 and nam onne his honde. ane wi-æxe stronge; Line 3350 and clup%pede into bure. Argal his broðer; Line 3351 And nomen heore sonde. and in-to þere burh senden; Line 3352 æfter þon hehste þringe. þat he comen to þen kinge. Line 3353 Seone swa he to bure com; þe king hine inom. Line 3354 and he him wræð to; ase he hine wolde anho. Line 3355 & him abuten urnen; cnihtes swi[ð]e sturne. Line 3356 alse heo wolden mid heonden; al hine to-heowen. Line 3357 Þus seiden Elidur þe king; Nu ich þe wulle quellen. Line 3358 bute þu beo stille; and don al mine wille. Line 3359 Þus andswerde þe þein; Ich hit wulle don fæin. Line 3360 Bi-cum her mines broðer mon; ȝif þu þi lif wult habbe. Line 3361 Þis is Argal þe king; þe of eærde wes iflemed. Line 3362 þe is nu hider icumen; and eower king scal iwurðen. Line 3363 Þe þein swiðe stille; dude al þes kinges wille. Line 3364 and seo[ð]ðen þe king hine lette don; in-to ane derne bure. Line 3365 & lette enne cniht; eærne æfter an oðer. eorle. Line 3366 and swa he þer a-gon; ase þe oðer hæfde idon. Line 3367 Þus dude Elidur þe king; bi allen þeos eorlen. Line 3368 bi ane and bi ane; þat he heom hæfde al clane. Line 3369 Þa dude he an-oðer; nom he his broðer. Line 3370 mid muchelere blisse; to Eowrwik hine brohte. Line 3371 þer weoren þeos leoden; iliðenned to-gadere. Line 3372 At-foren al his folke; he his kinehelm on-feng. Line 3373 & sette hit on his broðer hæfd; & hæf hine to kinge. Line 3374 Æuer seo[ð]ðen iwarð Argal; aðelest ærle kingen. Line 3375 þat vuel he al for-lette; þat gode he imette. Line 3376 iwærð he swiðe milde; þan ȝunge and þan alden. Line 3377 & wið alle monnen ful iwis; iwærð þe king riht-wis. Line 3378 Þis lond wes istaðeled; & stod i þon ilke. Line 3379 fulle ten ȝere; þa iwærð þe king vn-fere. Line 3380 swa þe king seoc læi; þreo wiken & enne dæi. Line 3381 ne mihte he þer-of beon hæl; ah dæd wes þe king Argal. Line 3382 Þa comen al þeos leoden liðen to-somne; Line 3383

Line 3383 and nomen eft Elidur. & duden hine to his a[ð]ðelen; Line 3384 heuen hine to kinge. mid hæȝere blisse; Line 3385 and hit ane stunde. stod on him-seolue; Line 3386 & Elidur wes æðelest; of alle his mon-cunne. Line 3387 Iuienes and Perredur iseȝen þat Elidur. Line 3388 wes eft i-wurðen leod-king; ouer þisse londe. Line 3389 Heo somneden muchel folke; of feole cunne monnen. Line 3390 and ledden here ferde; wide ȝeond þissen ærde. Line 3391 To-gædere com Elidur; Ingenes & Peredur. Line 3392 sær-liche heo feohte; & fælden heore cnihtes. Line 3393 Þa sette i þon fuhte. Elidur to flænne; Line 3394 and his broðeren him æfter. mid alle here mæhte; Line 3395 Ingenes & Perredur. nomen þene king Elidur; Line 3396 heo hine lædde to Lundene. særi weoren his leoden; Line 3397 In are swiðe stronge tur; heo duden þene king Elidur. Line 3398 moni ȝer and moni dæi; þe king in þære ture læi. Line 3399 and his broð[er]en gunnen liðen; wide ȝeond þeos leoden. Line 3400