Layamon's Brut (British Museum Ms. Cotton Caligula A.IX)

Lines 3101 through 3200

ne maȝe we hit ifinden; for næuer næne þinge. Line 3101 lond to ure leoden; þer we maȝen to liðen. Line 3102 We habbeð ihaued moni burst; moni hunger & moni þurst. Line 3103 moni walc moni wind; bi wilde þisse watere. Line 3104 Nu we biddeð þin ære; ne maȝe we drien hit na-mare. Line 3105 and ȝif hit weoren þin i-wille; and þu hit don woldest. Line 3106 to ȝifuen us an ende; i þine kin%ne-londe. Line 3107 we wulleð þine men beon; þine mon-scipe herien. Line 3108 & þe leofuen wið; a to ure liue. Line 3109 Þa enswærde Gurguint; þat wes Brut-londes king. Line 3110 Nulle ich na so don; ah eower monradene ic wulle fon. Line 3111 and ich eow wulle senden. in-to ane londe; Line 3112 for ich nat whet ȝe beoð. ne whannen ȝe icume beoð; Line 3113 Ah ȝe scullen habben lædes-men. and forð ȝe scullen liðen; Line 3114 & ich eow wullen lanen. of mine leod-folke Line 3115 fouwerti hundred cnihtes; þe gode beoð on fihte. Line 3116 Heo sculleð eow þat lond bi-taken; þer ȝe sculleð libben. Line 3117 and eower laȝen setten; to rihten eore leoden. Line 3118 Gurguint heom sende; in-to Irlonde; Line 3119

Line 3119 þar nas nauer nan man. seoððen Noes flod hit hauede ouer-gan; Line 3120 & Gurguint forð wende. into þisse londe; Line 3121 and Pantolaus þer ȝeonde wunde; wel mid þon beste. Line 3122 and lette hine clepie king; & his wif quene. Line 3123 And he sette st[r]onge lawen; to steowien his folke. Line 3124 for heo haueden inne sæ; seorwen ibidene. Line 3125 fulle seouen ȝere; heo misliche foren. Line 3126 Heore claðes weoren iwerede; and vuele heo weoren igærede. Line 3127 nakede heo weoren; and naðing ne rohten. Line 3128 wha heore le((o))me sæȝe; alle þe on heom weoren. Line 3129 & þus heo ladden heore laȝen; and longe heo ilæsten. Line 3130 & Gurguint i þisse londe; leouede mid blisse. Line 3131 & he huld god grið; þe while þe i-laste his lif. Line 3132 in Kaer Liun he wes dea[d]; seorhful wes his duȝeðe. Line 3133 Anne sune he hauede; aht mon; Gu[e]ncelin ihaten. Line 3134 he walde þis lond and þas du[ȝe]ðe; æfter his fader dæie. Line 3135 Þes wes þurð-ut alle þing; clæne mon and god king. Line 3136 he ledde swiðe feir lif; & he hæfde a god wif. Line 3137 Marcie men heo clupede; þat is ȝet widene cuð. Line 3138 nu and auere-mare; is taken of here heare. Line 3139 Þeo quene leornede anne craft; heo wes a boken wel itaht. Line 3140 heo leornede hire lære; leofliche on heorten. Line 3141 of hire wisdome; sprong þat word wide. Line 3142 þat heo wes swiðe wis of wordliche dome. Line 3143 Þa makede heo ane læȝe; and læide ȝeon þat leode. Line 3144 þeos laȝe wes al iworhte; Line 3145 Bruttes nemneden þa laȝen. æfter þare lafuedi; Line 3146 to soðen wihuten wene. þe laȝe hehte Marciane; Line 3147 Seo[ð]ðen þer-æfter. monie hundred wintre; Line 3148 com Alfred þe king. Englelondes deorling; Line 3149 and wrat þa laȝen on Englis. ase heo wes ær on Bruttisc; Line 3150 and whærfde hire nome on his dæȝe. and cleopede heo Mærcene laȝe; Line 3151 Ah þet I þe sugge. þurh alle þing; ne makede heo noh[t] ærst Ælured king. Line 3152 ah heo makede þa quene; þe me Mærcie cleopede. Line 3153 and Ælured heo seide on Englisc; þis is seoð ful iwis. Line 3154 Hæfde þas wise quene; bi hire weoreld-kinge. Line 3155

Line 3155 ænne lutelne sune; Sillius ihaten. Line 3156 nefde heo children na ma; þer-foren wes þere quene wa. Line 3157 Nefde þis child Sillius; buten seouen ȝeæra. Line 3158 þa his fader wes dæd. and his duȝeðe bi-leæfde; Line 3159 His moder nom þas riche; and mid ræde heo walde. Line 3160 & wiste wel hire sone; a mid hire-seolue. Line 3161 Þa þe sune wes swa ald; þat he wes an horse bald. Line 3162 þa makede heo hine king; his folke hit wes iqueme. Line 3163 He wes a god mon; & softe he wolde libben. Line 3164 ne leouede he noht half his lif; þat him ne com his dæd-sih. Line 3165 He bi-lefde tweie sunen; þa tuwen þes fader þæuwes. Line 3166 Þe aldre hæhte Rummarus; þe ȝungere hæhte Damus. Line 3167 Rummarus wes ane while king; and seoððen Damus hit onfenge. Line 3168 Þes Damus on his deie; ane chiuese him ichæs. Line 3169 he hauede bi þare wimman; enne swiðe wandliche sune. Line 3170 Morpidus ihaten; monnene strengest. Line 3171 of maine and of þeauwe; of alle þissere þeode. Line 3172 Þes b((i))ȝet þesne kinedom; þurh kenschipe muchele. Line 3173 cniht he wes swiðe strong; kene and custi muchel and long. Line 3174 of alle þingen heo weore god; ȝi[f] heo neore to-wamed. Line 3175 A-nan se he wes wrað wi[ð] eni mon; i þan stude he hine wolde slæn. Line 3176 nere he na swa riche cniht; þat he hine ne sloh forð-riht. Line 3177 weore hit rih[t] hit woh; i þon stude he hine sloh. Line 3178 & sone swa he iwrað glad; he dude al þat me hine bad. Line 3179 Ah hit wes muchel hærme. of ane mon swa hende; Line 3180 þat þurh his wraððe. his wi[t] wes awemmed; Line 3181 A ðon ilke time; com þe duc of Moraine. Line 3182 in-to þisse londe; leode to hærme. Line 3183 ferde bi þere sæ-brimme; and monie burstes dude. Line 3184 he makede muchel ræflac; ræh he wes on fihte. Line 3185 Æfter sæ he forh lað; to Norðhumberlonde. Line 3186 þer he gon bulde castel swiðe strongne. Line 3187 al abuten hi[m] þat londe; he nom to his aȝere hond. Line 3188 Morpidus þe balde; iwærð him abolwen. Line 3189 and sende ȝeond þæs ærde; & sommnede ferde. Line 3190 and com to þon duke; al bi lihte dæie. Line 3191

Line 3191 Þer wes moni god Brut and moni bisi kempen. Line 3192 þeo fihten wið þone duke; al þene dæi longe. Line 3193 Þa hit wes muchel uppe non; þe king þene duc ouer-com. Line 3194 he turnde to fleme; and he æfter him ferde. Line 3195 Þer he sloh þene duc; and al his duȝeðe. Line 3196 ær þe dæi weoren agon; dæd heo weoren alle. Line 3197 mid swiðe stronge fih[te]; þet wes mid rihte. Line 3198 and alle þa he funde; a-marwe in þon londe. Line 3199 oðer mid fure he lette hom slæn; oðer he heom lette quic flan. Line 3200