Layamon's Brut (British Museum Ms. Cotton Caligula A.IX)

Lines 2901 through 3000

Þer-innen heo speken; þer-inne heo runden. Line 2901 ane lutle while; ne leaste hit na-wiht ane mile. Line 2902 and þus heo seiden heom bi-twune; Line 2903 Ȝif we hennen fareð þus. alle heo wulleð æfter us; Line 2904 and ȝif hit swa il[i]mppeð; þat we ham cumen liðen. Line 2905 heorten we haueden sare; and ure cun æd-wit auere-mare. Line 2906 Ah ga we heom on mid sweorde; for al heo beoð ((for[lorn]e)) Line 2907 ((& ureke ue)) ure wine-mæies. Line 2908 for leouere us is here mid manscipe to fallen; Line 2909 þanne we heonne i-sunde far%ren. ure frenden to scare; Line 2910 Þe while þe heo þus speken. and spileden mid worden; Line 2911 wende þa þeodisce men. þat Belin wolden þenne; Line 2912 and seiden heom bi-twenen. in þere burh of Rome; Line 2913 Nu heo wulleð heonnen. nulleð heo na-mare fehten; Line 2914 ah Belin and his broðer. al heo ðo[ð]ten oðer; Line 2915 Heo senden ut of Rome. cnihtes wel idone; Line 2916 feowerti hundred. to hæȝen ane castele; Line 2917 to kepen Belin king and his broðer Brennes. Line 2918 and baldeliche whi[ð] fehten; Line 2919 and þa oðere of Rome; riden heom bi-hinden. Line 2920 and slæn heom bi-twenen; and wreken ore tounen. Line 2921 Þe cnihtes weoren on fore; fer ut of Rome. Line 2922 Þa hehte Belin. & Brennes his broðer; Line 2923 Lihteð of eowre blanken. and stondeð on eowre sconken; Line 2924 and kerueð eowre spere longe. & makiet heom scorte; & stronge; Line 2925 scradieð eower sceldes. al of þe smal enden; Line 2926 and we eow wulleð bi-foren. libben oðer liggen; Line 2927 & auer-alc god mon; harde hine sulue. Line 2928 for her scullen þe wædlen; alle i-wurðen riche. Line 2929

Line 2929 Blawen ore bemen; and banneð ore ferde. Line 2930 and maken we of ure uæren; fihtie ferden; Line 2931 and on auer-alche hæpe. hertoȝe stæpne. Line 2932 þa heom makie balde; and to-gadere halde. Line 2933 & wenden to þen walle; on æuer-ælchere halue. Line 2934 hiȝe[n]d-liche fo we on; for alle we scullen wel don. Line 2935 Þeo blewen heo here bemen; þat heo of Rome hit sculden iheren. Line 2936 and heo ut iwenden; ohte kempen. Line 2937 Þa i-seȝen heo of Rome; Belin & his bro[ð]ere. Line 2938 þa clupeden heo lude; ȝeond þare leoden. Line 2939 Nu fleð ure ifan; nu we sculleð heom to gan. Line 2940 Mid þe forwarde monnen; ut wenden Prosenna. Line 2941 Gabius him com æfter; mid fifti hundred cnihtes. Line 2942 mid alle heore wepnen; þe weoren vniwælde. Line 2943 Þa oðere weoren swifte; heore wepnen weoren lihte. Line 2944 heo leiden to-gadere; & feon-liche fuhten. Line 2945 Weoren heo of Rome; alle ridinde. Line 2946 þa o[ð]ere a-foten; and fengen heom to-ȝæines. Line 2947 and slowen alle heore hors; here hæp wes þe lættere. Line 2948 Gabius heo slowe; Prosenna heo nomen. Line 2949 heo duden heore wille; of þan Rom-monen. Line 2950 alle heo slowen; þat heom aȝen stoden. Line 2951 Heo breken þa Rom-walles; on auer-ache halue. Line 2952 and binnen heo i-wenden; and þa burh awelden. Line 2953 Biwunnen heo Rome; þe riche burh wel idone. Line 2954 þer heo funden michel gold; & gærsume uni-mete. Line 2955 Heo unbunde þa locun; drowen ut þa baiȝes. Line 2956 þa palles & þa purpres; þe iworht weore in Puill Line 2957 alle þa maðemes; þe weoren monie kunnes. Line 2958 Þer wes moni wrehche; sone iworðen riche. Line 2959 al þa seouen nihte; his iwil þar hefde ælc cniht. Line 2960 of seoluere and of golde; inoh of þon londe. Line 2961 Letten þa kinges; don fæire þinges. Line 2962 timbrien þa hallen; bæten þa walles. Line 2963 þe þer weoren to-brokene; mid þeon balu fehte. Line 2964 Letten heo climben on hæh; cleopien to þon folke Line 2965 þat þe kinges heom speken wið. & þer setten heore grið. Line 2966

Line 2966 þat ne wurðe na man swa wod; þat of oþere falle his blod. Line 2967 ne of his æhte ȝerne; buten he hit ȝeuen him wulle. Line 2968 And alle þe flæmen; þe iflowe buð of Rome. Line 2969 þe aȝan wulleð cumen; þes kinges grið wilniæn. Line 2970 a[nd] bi-cumen þes kinges mon; alse we hit ær cuðden. Line 2971 cumen al mid sibben; and her heore lif libben. Line 2972 and habben þa ilke læȝen; þe stoden bi heore ældre dæwen. Line 2973 And Belin ure hæȝe king; hit bi-tæcheð Brenne. Line 2974 þe scæl bi-læuen here; and beon eower kæisere. Line 2975 and him-seolf wule liðen; and eower læue habben. Line 2976 nen he wule buȝen; in-to Bruttæine. Line 2977 Wælle muchel wes þa wop; þæ Belin þeonne wende. Line 2978 ah heo weoren ifrouuer[d] sone; for þan riche-dom of Rome. Line 2979 Brennes þer boȝede; king of Lumbardie. Line 2980 and Belin gon wenden; in-to þisse londe. Line 2981 Lette he ȝeond his castles; makie kine-wurðe werkes. Line 2982 rihten alle þæ hallen; & stronginen þæ walles. Line 2983 bulden þa bures; hæien þa toures. Line 2984 and swa þis wunliche lond; mid wurð-scipe wælden. Line 2985 & Brennes walde Rome; fulle fiftene ȝere. Line 2986 þa endede Brennes; wel wes Romanisce folc þæs. Line 2987 Heo seolf nomen heore lond; and heolden on heore hond. Line 2988 burh. & heore blissæ; seoððen Brennes wes deæd. Line 2989 & Belin i ðisse londe; makede læȝen stronge. Line 2990 & laȝen swiðe gode; þe bi his liue stoden. Line 2991 Belin ferde to Wales; & anne burh makede. Line 2992 he heo makeda æ[ð]ðele; uppen Uske þan wætere. Line 2993 Of þon ilke flode. þe king hire nome funde; Line 2994 þan king heo wes deore. Kæir Usch. heo næmde; Line 2995 and seoððen heo wes ihæten. Kair Lion; ich wullen seggen þe for wan. Line 2996 Vmbe feole ȝere; æfter Belinnes forð-fare. Line 2997 [herden þe men of Rome of Belinnes deaþe] * Line 2998 and seiden heom bi-twenen; While he dude us tuone. Line 2999 Nu is þe king iburied; Wrake we us on Bruttes. Line 3000